Yelbũna 23:4 - WẼNNAAM SEBRE 2014

⁴ Da nams f meng n pʋg arzegs ye, la ra sak tɩ bõn-kãng lebg f zu-loɛɛg ye.

SEBR SÕNGO

⁴ Da nams n bao arzɛk ye, da tags a yell meng ye.

Yelbũna 23:4 Iomraidhean Croise

A. Zoobe 27:19

Yẽnda kẽeda gãag n yaa arzɛk soaba, n wa nek n mik t'a arzegsã fãa menemame.

Yelbũna 15:27

Ned sã n nong zãmb paoongo, a wata ne zu-beed a meng zak pʋga, la sẽn kis-a zãmb kũun na n vɩɩmdame n kaoose.

Yelbũna 26:12

F sã n yãnd ned sẽn tagsd t'a tara yam, bãng tɩ yalem n são nin-kãngã.

Yelbũna 27:24

Bala, arzɛk ka paad ne a soab wakat fãa ye, la maanf me ka bũmb sẽn paad zamaan woo zamaan n ka teemdẽ ye.

Yelbũna 28:20

Sẽn maand-a sɩd paamda barka, la sẽn dat-a n lebg arzɛk soab tao-tao na n wa paama sɩbgre.

Yelbũna 3:5

Bɩ f teeg Sẽn-Ka-Saab ne f sũur fãa, la f ra teeg f meng bãngr ye.

Yelbũna 3:7

Ra tags tɩ f tara yam tɩ sek ye. Zoe Sẽn-Ka-Saabo, la zãag f meng ne wẽnga.

Kowelɛt 5:13

Yẽnda arzegsã tũnugda tʋʋm-beed n menem zãnga. Yẽnda sẽn dog bi-ribl ningã ka tar bũmb baa fɩ a nugẽ ye.

A Ezayi 5:21

Toog bee neb nins sẽn tagsd tɩ b yaa yam dãmba, la sẽn tẽed tɩ b yaa bãngdbã zutu.

Zeremi 9:22

Sẽn-Ka-Saab yetame: «Bɩ yam soab ra maan sũ-noog ne a yamã ye. Bɩ gãndaoog ra maan sũ-noog ne a gãndaalmã ye. Bɩ arzɛk soab me ra maan sũ-noog ne a arzɛkã ye!

A Matiye Sõng 6:19

Da bĩng‑y paoong yãmb yĩng dũniyã zug ka tɩ mogd bɩ tẽngempiisim sãamd-b lame, la wagda kẽed n wʋkdame.

A Mark Sõng 4:19

la arzegs belgre, la bũmb a taab ratem kẽedẽ n dɩt Wẽnnaam koɛɛgã t'a ka womd biis ye.

A Zã Sõng 6:27

Da tʋm-y rɩɩb sẽn sãamdã yĩng ye. Tʋm-y rɩɩb ning sẽn paad vɩɩm sẽn kõn sa wã yĩnga: Ninsaal Bi-riblã n na n kõ-a yãmba. Bala, yaa ba a Wẽnnaam n yãk yẽnda.»

Rom Dãmba 11:25

Bala, m ba-biisi, mam ka rat tɩ yãmb zɩ yel-solem-kãngã ye, tɩ yãmb da wa n get y mens wa yam dãmb ye: Israyɛll nebã kenga b sũy wakat bilf yĩnga, hal tɩ bu-zẽmsã fãa na kẽ fãagrã pʋgẽ.

Rom Dãmba 12:16

Paam-y tagsg a yembr taab yĩnga. Da bao-y tɩ paam bõn-kãsems ye. Kɩt-y tɩ y ratem zĩnd ne bõn-talse. Da ges-y y mens wa yam dãmb ye.

Ebre rãmba 13:5

Bɩ y mao tɩ da yɩ ligdã nonglem n kɩtd tɩ yãmb maand y sẽn maandã ye. Maan-y sũ-noog ne bũmb nins y sẽn tar moasã wã, bala Wẽnnaam meng yeelame yaa: Mam ka na n bas foom f yembr ye, la m ka na n loog n bas foom ye.