Yelbũna 23:23 - WẼNNAAM SEBRE 2014

²³ Bao sɩdã, la f ra bas-a ye, la f bao yam, ne zãmsg la bãngre.

SEBR SÕNGO

²³ Bao sɩda, yɩ ned sẽn dengd n tagse, ned sẽn sak noora tũudem.

Yelbũna 23:23 Iomraidhean Croise

Yɩɩn‑sõamyã 119:127

Yaa rẽ n kɩt tɩ mam nong yãmb noyã, n yɩɩd sãnem halaale.

Yɩɩn‑sõamyã 119:72

Yãmb sẽn kõ tõod ninsã tara yõod ne maam, n yɩɩd sãnem ne wanzuri teed tusa.

Yelbũna 10:1

A Salmo yel-bũna Biig sẽn tar yam kõta a ba sũ-noogo, la bi-yalem kõta a ma sũ-sãanga.

Yelbũna 16:16

F sẽn na n paam yam n são f sẽn na n paam sãnem halaale, la f sẽn na n paam bãngr n são f sẽn na n paam wanzuri.

Yelbũna 17:16

Ligd sẽn be yalem nugẽ yõod yaa bõe? Yaa sẽn na n da yam bɩ? La yẽnda zugã sẽn ka wã!

Yelbũna 18:15

Sẽn tar-a yam paamda bãngre, la yam soab kelgd n baooda bãngre.

Yelbũna 9:8

Ra keoog nin-paoogd t'a na n kisg-f lame, bɩ f keoog yam soab t'a na n nong-f lame.

A Ezayi 55:1

Hey! Yãmb dãmb fãa ko-yũud sẽn tarã, wa-y koom zĩigẽ! Baa sẽn ka tar-a ligd bɩ a wa! Wa-y n da-y rɩɩb n dɩ, wa-y n da-y reezẽ rãam ne bĩisim! Yaa zaalem, ka yaood ligd ye!

A Matiye Sõng 13:44

Arzãn soolem leb n wẽnda wa arzɛk sẽn solg pʋʋg pʋgẽ. Rao ning sẽn yãnd-a wã lebs n solg-a lame. La a sũurã sẽn yaa noogã yĩnga, a kuil n tɩ koosa a sẽn tarã fãa n dɩk n da pʋʋgã.

A Matiye Sõng 13:46

Yẽ wa yãa kĩndf a yembr t'a ligdã yaa wʋsgo, t'a kẽng n tɩ koos a sẽn dag n tarã fãa n da-a.

A Matiye Sõng 16:26

La ned sã n paam dũni gill fãa n bas n ki, a yõod bee yɛ? Walla bõe la ninsaal na n dɩk n tek ne a vɩɩmã?

Tʋʋma 20:23

Mam sẽn mi bala, yaa tɩ Sɩɩg-sõng keoogda maam tẽng‑tẽnga, tɩ bi-bees roog la namsg n gũud maam.

Ebre rãmba 11:26

Sɩda, a dag n getame tɩ yẽndã sã n paam yãnd ning Kirisã sẽn na n paamã yaa arzɛk n yɩɩd Ezɩpt arzegsã. Bala, a long n geta keoorã sẽn be yɩɩgã.

Vẽnegre 12:11

D ba-biisã tõoga rõatã ne pe-bilã zɩɩm pãnga, la ne kasetã bãmb sẽn kɩtã pãnga, la bãmb ka nong b vɩɩmã, hal n zoe kũum ye.

Vẽnegre 3:18

mam sagenda yãmb tɩ y ra sãnem sẽn yɩlg ne bugum mam nengẽ, tɩ y tõe n lebg arzegs rãmba, la y ra fu-peels mam nengẽ, tɩ y tõe n paam n yeelge, n lud y yãnd n da yɩ y zaal ye, la y ra nin kaam mam nengẽ n sõog y ninã tɩ y tõe n yã.