Yelbũna 22:7 - WẼNNAAM SEBRE 2014

⁷ Arzɛk soab n so naong rãmba, la ned sã n tɩ reeg samd ned a to nengẽ, a lebga a soabã yamba.

SEBR SÕNGO

⁷ Naong rãmb naaba: arzɛk soaba; ned sã n peng f ligdi, a lebga f zu-soaba, tɩ fo lebg a yamba.

Yelbũna 22:7 Iomraidhean Croise

2 Rĩm-dãmba 4:1

Daar a yembre, no-rɛɛsdbã karen-biig a ye pag wa a Eliize nengẽ n kelem n yeel-a yaa: «Mam sɩdã sẽn yaa Wẽnnaam tʋmtʋmdã kiime, la yãmb miime t'a rag n yaa ned sẽn zoet Wẽnnaam. A rag n tara ned a ye samde, la sam-soabã waame n dat n yõg mam kom-dibli a yiibã n tɩ maan yembse.»

Yelbũna 14:31

Sẽn namsd-a naong soab tʋʋsda a naandã, la sẽn maand-a nimbãan-ned neer waoogda a naandã.

Yelbũna 18:23

Naong soab gomdame n wẽed kãntɩɩga, la arzɛk soab leokda ne gãgse.

Yelbũna 22:16

B tõeeme n namsd naong soaba, n mik b kõt-a-la arzegse, la sẽn kõt-a arzɛk soab a paasd-a meng naongo.

Yelbũna 22:22

Ra fã naong soab a sẽn ka pãng yĩng ye, la f ra maan nimbãan-ned pãng bʋʋd zĩigẽ ye.

A Ezayi 24:2

Yell ning sẽn na n paam maan-kʋʋdã na n paama nin-zaalga. Yell ning sẽn na n paam zu-soabã na n paama yamba. Yell ning sẽn na n paam zu-soben-poakã na n paama yem-poaka. Yell ning sẽn na n paam koaasdã na n pama raada. Yell ning sẽn na n paam sẽn kõt-a samdã na n paama sam-soaba. Yell ning sẽn na n paam sẽn tar-b n pengdẽ wã na n paama sẽn tog n yao-a wã.

A Amoose 2:6

Ade, Sẽn-Ka-Saab yetame: Israyɛll nebã yel-kɛg a tãabã yĩnga, m yeel tɩ naasẽ soabã yĩnga, mam sẽn yeelã ka na n vaal ye: Bala, bãmb koosa nin-tɩrg ligd yĩnga, la b koosa naong soabã neooda yĩnga.

A Amoose 4:1

Samaari pagbã sẽn nob wa Basan nag-wubdsã, n be Samaari tãngã zugã, Kelg-y-yã! Yãmb namsda ka-pãens rãmbã, la y maand nimbãan-dãmbã pãnga, la y yet y sɩdbã tɩ b tall n wa tɩ y yũ.

A Amoose 8:4

Kelg-y-yã, yãmb dãmb sẽn maand nimbãan-nebã pãngã, la y namsd tẽngã ka-pãens-rãmbã,

A Amoose 8:6

Tõnd na n daa naong rãmbã ne ligdi, la d koos nin-koamã neooda yĩnga. Tõnd na n koosa baa ne ka-pedsã.

A Matiye Sõng 18:25

Dao wã sẽn ka tar n na n yao wã yĩnga, a soaalã yeelame tɩ b koos-a ne a pagã la a kambã, la bũmb nins fãa a sẽn tarã n wa n yao a samdã.

Zake 2:6

La yãmba, yãmb paooga naong soabã. Dẽ yĩnga, arzegs rãmbã ka weoogd yãmb la b tar yãmb n kẽnd bʋʋd zĩisẽ sɩda?

Zake 5:1

Moasã, mam gomda ne yãmba, arzegsã rãmba! Wɩsg-y y meng n yãbe, tood nins sẽn na n wa yãmb zutã yĩnga!

Zake 5:4

Ade, tẽn-tʋmdb nins sẽn tigs yãmb koodã tɩ yãmb yaool n ka yao-bã kelemdame. Tigsdbã kelems zẽk n taa pãn-kẽemd soabã tʋbẽ.