Yelbũna 22:4 - WẼNNAAM SEBRE 2014

⁴ Sik-m-meng ne Sẽn-Ka-Saab zoees kõta arzɛka, la ziir ne yõ-woko.

SEBR SÕNGO

⁴ Sulg-m-meng yõodo yaa Wẽnd nif zoeese, n paas arzɛka, waoore, la yõ-woko.

Yelbũna 22:4 Iomraidhean Croise

Yelbũna 19:23

Sẽn-Ka-Saab zoees kõta yõ-woko, la a kɩtdame tɩ ned rɩ n tɩge, n kẽ n gãand tɩ yel-wẽng ka paam-a ye.

Yelbũna 21:20

Paoong sẽn tar yõodo, ne naar bee yam soab yiri, la yalem dɩta a paoong zãnga.

Yelbũna 21:21

Ned sã n baood tɩrlem la maan-neere, a na n paama vɩɩm ne tɩrlem, la waoogre.

Yelbũna 22:3

Gũus-m-meng soab yãta yell n zoe n soonde, la zɩtbã zãgsda soondgo, n bao yell n kõ b mense.

Yelbũna 22:5

Tʋʋm-kɛg soab sor gãnega ne bẽds la gõose. Ned ning sẽn nong-a a vɩɩm zãagda a meng ne so-kãnga.

Yelbũna 29:23

Waoog-m-meng wata ne paoogre, la sik-m-meng wata ne waoogre.

Yelbũna 3:16

Yõ-wok bee yam dɩtgo, tɩ arzegs ne ziir be a goabga.

Yelbũna 31:30

Nagem tudgdame, la neerem yaa zaalem, la yaa pag ning sẽn zoet-a Sẽn-Ka-Saabã la b na n pẽge.

A Ezayi 33:6

Yãmb a Sẽn-Ka-Saab nebã, yãmb na n vɩɩmda ne bãane. Yam ne Wẽnnaam bãngr na n yɩɩ arzɛk sẽn fãagd yãmba. La Sẽn-Ka-Saab zoees yaa laogo.

A Ezayi 57:15

Bala, soab ning sẽn yɩɩd fãa wã, la sẽn paad wakat sẽn kõn sa wã, tɩ b yʋʋrã welg toorã yetame: «Mam bee hal yĩngr zĩig sẽn welg toor pʋgẽ, la m bee ne ned ning sũur sẽn sãame, soab ning sẽn be paoogr pʋgã, mam bee ne soab ning sɩɩgã sẽn yɛ, n na n bels sũ-pa-noaang soabã.

A Matiye Sõng 6:33

Deng‑y n bao-y Wẽnnaam soolmã ne bãmb tɩrlmã, la b na n kõo yãmb bõn-kãens fãa n paase.

1 Tɩmote 4:8

Mao ne Wẽnnaam sakre. Bala, yĩngã modgr yõod yaa bilfu, la Wẽnnaam sakr bee yõod ne bũmb fãa. A tara vɩɩm ning sẽn be moasã wã kãabgo, la vɩɩm ning sẽn watã yĩnga.

Zake 4:10

Sik-y y meng Zu-soabã taoore, la bãmb na zẽk yãmba.

Zake 4:6

La bãmb kõta bark sẽn yɩɩda, bala b gʋls-sõamyã yetame yaa: Wẽnnaam kɩɩsda tɩtaam-dãmbã la b ningda sik-m-mens-rãmbã zut barka.