Yelbũna 21:1 - WẼNNAAM SEBRE 2014

¹ Rĩm sũur bee Sẽn-Ka-Saab nugẽ wa ko-sore. Bãmb wẽnemded-a lame n teesd b sẽn datẽ.

SEBR SÕNGO

¹ Dĩm sũuri bee Naaba-Wẽnd nugẽ wala kʋɩlga tɩ Wẽnd teesd-a goabg bɩ rɩtgo, wala b sẽn date.

Yelbũna 21:1 Iomraidhean Croise

2 Rĩm-dãmba 19:33

Yẽnda sẽn tũ sor ning n wa wã, a na n lebg n tũu so-kãng n lebe, la yẽnda kõn tol n kẽ tẽn-kãngã pʋg ye. Yaa Sẽn-Ka-Saab n yeele.

Esdras 1:1

Pɛrs-rãmbã rĩm a Siruus naamã pipi yʋʋmdã pʋga, sẽn na n yɩl tɩ Sẽn-Ka-Saab sẽn dag n kɩt tɩ b no-rɛɛs a Zeremi togsã paam pidsgu, Sẽn-Ka-Saab ninga a Siruus sũurẽ n kɩt t'a moone, la a gʋls n togs a soolmã fãa pʋg n yeel yaa:

Esdras 1:2

Ade, Pɛrs-rãmbã rĩm a Siruus yetame: «Sẽn-Ka-Saab sẽn yaa saasẽ Wẽnnaamã kõo maam pãng tɩ m soog dũniyã soolmã fãa. La b kõo maam tʋʋmd tɩ m me roog Zeruzalɛm, Zʋʋda soolmã pʋg n kõ-ba.

Esdras 6:22

Dẽ poore, bãmb maana bur sẽn ka rã-bɩll tigrã rasem a yopoe ne sũ-noogo. Bala, Sẽn-Ka-Saab rag n kõo bãmb sũ-noog sɩd-sɩda, b sẽn kɩt tɩ rĩmã tebend bãmb Israyɛll Wẽnnaamã roog meeb wɛɛngẽ wã yĩnga. Bõn-kãng paasa bãmb raoodo, tɩ b tõog n leb n dɩk tʋʋmdã n me Israyɛll Wẽnnaamã roogo.

A Neemi 1:11

Dẽ wã yaa Zu-soaba, m kot-y lame tɩ y kɩll y tʋbr n kelg m pʋʋsgã, la y kelg y tʋmtʋmdbã sẽn tar datem tɩ zoe yãmb yʋʋrã pʋʋsgo! Zu-soaba, kɩt-y tɩ mam sẽn dat n maan bũmb ning rũndã wã tõoge, la y kɩt tɩ rĩmã sak n zoe mam nimbãanega, n leok m kosgã. Wakat-kãnga, mam dag n yaa rĩmã bõn-yũudl kɩta.

A Neemi 2:4

Dẽ, rĩmã soka maam tɩ m datame tɩ b maan bõe n kõ-ma. La mam pʋʋsa saasẽ Wẽnnaamã,

A Neemi 2:8

Mam data sebr a to me n tɩ kɩs rĩmã tɩɩs naab a Azaf t'a kõ-m daad sẽn na n maneg tãb-sikã kʋɩlems sẽn pẽ Wẽnd doogã. La raad me m sẽn na n maneg tẽngã lalgã, ne roog ninga mam sẽn na n zĩnd a pʋgẽ wã.» Woto, rĩmã kõo maam seb-kãense, bala, mam Wẽnnaamã nug-sõngã rag n bee mam zugu.

A Ɛstɛɛre 2:17

A Ɛstɛɛr la rĩmã wa n tɩ nong n yɩɩd pagb a taabã fãa, la rĩmã sũur dag n nooma ne a Ɛstɛɛre, n yɩɩd pʋg-sadb a taab nins fãa sẽn ka mi raoã. Dẽ, rĩmã rɩka naam maanf n fõgen a Ɛstɛɛre, n kɩt t'a lebg rĩm-poak n deeg a Vasti zĩiga.

Yɩɩn‑sõamyã 105:25

Sẽn-Ka-Saab wẽnemda Ezɩpt nebã sũyã, n kɩt tɩ b kisg Israyɛll sẽn yaa bãmb nebã, n maan bãmb tʋmtʋmdbã zãmbo.

Yɩɩn‑sõamyã 106:46

Sẽn-Ka-Saab kɩtame tɩ neb nins fãa sẽn kẽes bãmb yembdã zoe bãmb nimbãanega.

Yɩɩn‑sõamyã 114:3

Ko-kãsengã sẽn yã Israyɛll nebã, a zoeeme, la Zʋrdẽ kʋɩlgã sẽn yãnd-bã, a tara po-tula.

Yɩɩn‑sõamyã 114:5

Ko-kãsenga, bõe n tar-f tɩ f zoetẽ? Zʋrdẽ kʋɩlga, bõe yĩng tɩ f tard po-tula?

Yɩɩn‑sõamyã 74:15

Yãmb n kɩt tɩ ko-bunds ne kʋɩls pus n yi. Yãmb n kɩt tɩ kʋɩls nins koom sẽn ka sɛtã kʋɩ.

Yɩɩn‑sõamyã 93:4

Bãmb zẽkdame n yɩɩd ko-bɛdã, n yɩɩd ko-kãsemsã ko-wĩ-bɛdã, Sẽn-Ka-Saab tara ziiri, bãmb bee hal saasẽ.

Yikri 7:3

La maam, mam na n kɩtame tɩ Faarõ keng a sũuri, la Ezɩpt soolmã pʋgẽ, mam na n maana bãn ne bõn-bãn n yɩlme.

Yelbũna 16:1

Ninsaal saagdame, la pidsgã bee ne Sẽn-Ka-Saabo.

Yelbũna 16:9

Ninsaal tagsda a sẽn na tũ sor ninga, la yaa Sẽn-Ka-Saab n na n kɩt t'a tõoge.

Yelbũna 20:24

Sẽn-Ka-Saab n wilgd ninsaal a sore. Ninsaal na n yɩ a wãn n bãng a sore?

A Ezayi 43:19

Ade, mam na n maana bõn-paalse, bõn-kãng sɩngame n pukdẽ, yãmb ka ne bõn-kãng la? Mam na n pãrga sor we-raoogã pʋga, la m kɩt tɩ kʋɩls zĩnd zĩ-peen-daagẽ.

A Ezayi 44:27

Mam yeela ko-zulumsã yaa: ‹kʋɩ-y-yã!› Mam na n kʋɩɩsa yãmb kʋɩlsã koom.

Zeremi 39:12

«Peeg-a n tɩ ges a yell neere, la f ra sak n maan-a wẽng ye. Maan a sẽn dat bũmb ninsã n kõ-a.»

Tʋʋma 7:10

La Wẽnnaam dag n bee ne a Zozɛfe, la b fãaga yẽnda a yel-pakrã fãa pʋgẽ. La Wẽnnaam kɩtame t'a Zozɛf tar yam la bark Ezɩpt rĩm a Faarõ nifẽ. La rĩm a Faarõ kɩtame t'a Zozɛf lebg Gʋvɛrneer n soog Ezɩpt ne a Farõ na-yirã neb fãa.

Vẽnegre 16:12

Malɛɛk a yoob-n-soabã kiiga sẽn be yẽnda laagẽ wã kʋɩl-kãseng ning sẽn boond tɩ Efartã zugu. La kʋɩlgã koom kʋɩɩme tɩ lebg sor rĩm-dãmb nins sẽn yit yaangã yĩnga.

Vẽnegre 16:4

Malɛɛk a tãabẽ soabã kiiga sẽn be yẽnda laagẽ wã kʋɩlsã ne ko-bundsã pʋse, la b lebga zɩɩm.