Yelbũna 20:13 - WẼNNAAM SEBRE 2014

¹³ Da nong gõeem n wa lebg naong soab ye. Puk f nini, tɩ f na n paam n dɩ n tɩgame.

SEBR SÕNGO

¹³ Da nong gõeem n wa lebg naong soab ye. Ypk f nini tɩ f na paam n dɩ n tɩge.

Yelbũna 20:13 Iomraidhean Croise

Yelbũna 10:4

Ned sã n tʋmd yaal-yaale, naong n yõkda, La sẽn tʋmda ne-a sũur fãa paamda arzegse.

Yelbũna 12:11

Sẽn kood-a a pʋʋg na n dɩ n tɩgame, la sẽn pʋgd-a yel-yaals yaa yam-kaalg soaba.

Yelbũna 13:4

Kʋɩɩm tara ratem sẽn ka tõe n pidsi, la sẽn tʋmd-a paamda a sẽn date.

Yelbũna 19:15

Kʋɩʋʋng kẽesda ned gõeem, la kom na n yõka sẽn ka nong-a tʋʋmde.

Yelbũna 20:14

Raad yetame: «Yaa toogo! Yaa toogo!» La yẽnda sã n wa zãage, a maanda sũ-noog ne bũmb ning a sẽn da wã.

Yelbũna 28:19

Sẽn kood-a a pʋʋg na rɩ n tɩge, la naong na sek sẽn pʋgd-a yel-yaalse.

Yelbũna 31:15

Yẽnda yikdame tɩ zĩig nan ka yẽeg ye, n kõt a zak rãmb dɩɩbo, n wilgd tʋmtʋmd-pogsã b tʋʋmde.

A Zonaase 1:6

Dẽ, koom koglgã taoor soab kolga a Zonaas n sok-a yaa: «Yaa bõe tɩ f gãe n gõe? Fo me yik n bool f Wẽnnaamã, tɩ tõe tɩ b zoe d nimbãanega, tɩ d da ki ye.»

Rom Dãmba 12:11

Yɩ-y neb sẽn wɩngd ne tʋʋmde, la y ra yɩ kʋɩɩmb ye. Wɩng-y ne sɩɩgã yelle. Maan-y Zu-soabã tʋʋmde.

Rom Dãmba 13:11

Yãmb sẽn mi wakat ning tõnd sẽn be wã, moasã yaa wakat tɩ y nek n bas gõeem. Bala, fãagrã pẽe ne tõnd moasã n yɩɩd wakat ning tõnd sẽn lebg Kiris tẽedbã.

1 Korẽnt rãmba 15:34

Teem-y nao-kẽndre, n kẽn wa nin-tɩrse, la y ra maan yel-wẽn ye. Yaa yãmb yãnde, la mam yetame tɩ yãmb neb kẽer ka mi Wẽnnaam ye.

Efɛɛz Rãmba 5:14

Yaa woto yĩng n kɩt tɩ b yeel yaa: Foom! Sẽn gõe-a wã, neke! Yik n yi kũumã sʋka, la Kiris na kõ foom vẽenem sẽn kõt vɩɩm.

2Tesalonik Rãmba 3:10

Bala, tõnd sẽn dag n be ne yãmbã, tõnd dag n yeela yãmb a woto: Ned sã n ka rat n tʋm bɩ a ra rɩ me ye.