Yelbũna 2:9 - WẼNNAAM SEBRE 2014

⁹ Woto la f na n bãng zemsgo, ne sɩd la tɩrlem võore, sẽn dat n togs tɩ soay nins fãa sẽn dabd naar zĩigẽ wã.

SEBR SÕNGO

⁹ tɩ b mii sẽn zemse, sẽn toge, sẽn yaa tɩrga, tɩ b mii sor ninga sẽn dabd sũ-noog zĩigẽ.

Yelbũna 2:9 Iomraidhean Croise

Yɩɩn‑sõamyã 119:105

Yãmb goamã yaa fɩtl mam kẽnd pʋga, a yaa vẽenem mam sor zugu.

Yɩɩn‑sõamyã 119:99

Mam tara yam n yɩɩd m zu-soben-dãmbã, bala, yaa yãmb noyã yell bal la mam tagsda.

Yɩɩn‑sõamyã 25:12

Ãnda soab n zoet Sẽn-Ka-Saabo? Sẽn-Ka-Saab wilgda nin-kãng sor ning a sẽn tog n dɩke.

Yɩɩn‑sõamyã 32:8

Sẽn-Ka-Saab yeelame: «Mam na n zãmsa foom, la m wilg foom sor ning f sẽn tog n tũ. Mam na n sagla foom, la mam nin na n bee fo zugu.

Yelbũna 28:5

Nin-wẽns ka wʋmd no-tũudr võor ye. La sẽn baood-b Sẽn-Ka-Saabã wʋmda a fãa võore.

Yelbũna 4:12

Woto, bũmb kõn gɩdg f kẽnd ye, la f sã n zoetẽ, f kõn lak bũmb ye.

Yelbũna 4:18

La nin-tɩrsã sor wẽnda wa sõor sẽn pukdi, t'a vẽenemã paasdẽ, hal n wa ta wĩnto-sʋka.

Yelbũna 8:20

Mam kẽnda tɩrlem sor zugu, la yaa pʋ-peelem soay pʋsẽ la m kẽnda.

A Ezayi 35:8

B na n tuka so-kõodr beenẽ, n pʋd sorã yʋʋr tɩ ‹sor sẽn welg toore. Ned ning sẽn yaa rẽgd ka rɩkd so-kãng ye. So-kãng yaa sẽn tũud-b yẽnda wã yĩnga, la yalembã sã n dɩk so-kãnga, b ka na n menem ye.

A Ezayi 48:17

Sẽn-Ka-Saab sẽn yaa fo fãagda, n yaa Israyɛll Pʋ-Peelem-Soabã yetame: «Maam a Sẽn-Ka-Saab n yaa fo Wẽnnaam, mam na n zãmsa foom f meng sõngr yĩnga, maam n tɛt foom sor ning fo sẽn be wã zugu.

Zeremi 6:16

Ade, Sẽn-Ka-Saab yetame: «Yaas-y soayã zut n gese, Sok n bãng kʋdem-wẽndẽ soayã sẽn beẽ. Sok-y n bãng-y so-sõngã sẽn beẽ. Tũ-y so-kãng tɩ y na n vɩɩmda bãane.» La nebã yeelame: «Tõnd ka na n tũ so-kãng ye.»

A Zã Sõng 14:6

A Zeezi yeela yẽnda yaa: «Maam la sore, la sɩda, la vɩɩm. Ned baa a yembr ka tõe n wa m ba nengẽ tɩ ka tũ ne maam ye.