Yelbũna 2:22 - WẼNNAAM SEBRE 2014

²² B na n menesa nin-wẽnsã tẽngã pʋga. La b võ zãmb dãmbã wa mood n yiis tẽngã.

SEBR SÕNGO

²² Nin-wẽnsã la tẽng kãnga nin-yoodã na n digame n yiisi.

Yelbũna 2:22 Iomraidhean Croise

1 Rĩm-dãmbã 14:14

Rẽ zugẽ, Sẽn-Ka-Saab na n yãka rĩm n kõ Israyɛlle, la yaa rĩm-kãng n na n menes a Zeroboaam buudã. La rũndã bala, bõn-kãng zoe n sɩngame.

1 Kibayã 10:13

A Sayull kiime, a sẽn beeg Sẽn-Ka-Saabã yĩnga. Bala, yẽnda kɩɩsa Sẽn-Ka-Saab noore, n tol n bao kinkir-bagb sõngre.

A. Zoobe 21:30

B fãagda nin-wẽng sãoong wakate. La Wẽnnaam sũ-puugrã wakate, yẽnda paamda zĩ-soalgdga.

Yɩɩn‑sõamyã 104:35

Bɩ yel-wẽn-maandbã menem dũniyã zugu, tɩ nin-wẽnsã ra leb n zĩnd ye! Mam na n pẽga Sẽn-Ka-Saabo! Pẽg-y Sẽn-Ka-Saabo!

Yɩɩn‑sõamyã 145:20

Sẽn-Ka-Saab gũuda neb nins sẽn nong bãmbã, la b sãamda nin-wẽnsã zãnga.

Yɩɩn‑sõamyã 37:20

La nin-wẽnsã na n sãamame. Sẽn-Ka-Saab bɛɛbã na n looga wa yam-maasa. Bãmb na n loogame, b na n looga wa bug-zõose.

Yɩɩn‑sõamyã 37:22

Bala, bãmb sẽn ning-b rãmb barkã n na n soog tẽngã, la bãmb sẽn kãab b rãmb wẽngã na n sãamame.

Yɩɩn‑sõamyã 37:28

Bala, Sẽn-Ka-Saab nonga tɩrlem, la bãmb ka basd sẽn maand-b pʋ-peelem ne bãmbã ye. Bãmb paamda Sẽn-Ka-Saab gũudum wakat fãa, la nin-wẽns yagens sãamdame.

Yɩɩn‑sõamyã 52:5

Fo nonga wẽng n yɩɩd sẽn yaa sõama, la f nong zĩrẽ n yɩɩd sɩd goamã.

Yɩɩn‑sõamyã 52:7

Woto me, Wẽnnaam me na n sãam-f-la wakat fãa yĩnga. B na n lub-f lame, n vuug-f n yiis f fu-roogẽ wã. B na n yiisa foom nin-vɩɩsã sʋka.

Yelbũna 10:30

Nin-tɩrg ka na n tol n vigs ye. La nin-wẽnsã ka na n pa dũni ye.

Yelbũna 11:3

Nin-tɩrg burkĩndlim n tɛt-a, la sɩlem soab sɩlmã n wãad-a.

Yaoolem 29:20

Sẽn-Ka-Saab na n welga yẽnda Israyɛll buudã sʋka, t'a paam toog wa sẽn zems kaoolã kãabd nins fãa sẽn gʋls seb-kãngã pʋgẽ wã.»

Yaoolem 29:28

Bũmb nins sẽn solgã yaa Sẽn-Ka-Saab sẽn yaa tõnd Wẽnnaamã n so. La bũmb nins b sẽn vẽnegã yaa tõnd ne d kambã yĩng wakat fãa, sẽn na n yɩl tɩ tõnd dɩk tõ-kãensã goamã fãa n ning b nao-kẽndr zugu.»

Yaoolem 7:22

Sẽn-Ka-Saab sẽn yaa yãmb Wẽnnaamã na n diga bu-kãens yãmb taoor bilf-bilfu. Yãmb ka na n tõog n sãam bãmb fãa wakat a yembr ye. Sã n ka rẽ, we-rũmsã na n lebga wʋsg n yɩɩd yãmba.