Yelbũna 2:19 - WẼNNAAM SEBRE 2014

¹⁹ Neb nins fãa sẽn kẽnd-b yẽnda nengẽ wã ka lebgd ye. Bãmb ka leb n tõe n yãnd vɩɩm sor n tũ ye.

SEBR SÕNGO

¹⁹ Sẽn sõs-a ne-a ka lɛɛgd n wa ye, a pa le tõe n paam vɩɩm sor n dɩk ye.

Yelbũna 2:19 Iomraidhean Croise

Yɩɩn‑sõamyã 16:11

Yãmb na n kɩtame tɩ m bãng vɩɩm sore. Sũ-noog wʋsg bee yãmb nengẽ. Naar meng-meng bee yãmb dɩtg wakat sẽn ka sɛta.

Yɩɩn‑sõamyã 81:12

La mam nebã ka kelg mam koɛɛgã ye. Israyɛll nebã zãgsa maam.

Yelbũna 4:18

La nin-tɩrsã sor wẽnda wa sõor sẽn pukdi, t'a vẽenemã paasdẽ, hal n wa ta wĩnto-sʋka.

Yelbũna 5:11

la a kɩt tɩ f wa gãe n wõosdẽ, fo yĩnsã sẽn sãamdã yĩnga.

Yelbũna 5:6

Yẽnda ka manegd vɩɩmã sor ye, yẽnda bee tudgr pʋgẽ n ka miẽ ye.

Yelbũna 6:32

La sẽn yood-a ne a to pag yaa yam-kaalg soaba. Yaa sẽn dat-a n sãam a meng vɩɩm n maand a woto.

Kowelɛt 7:26

La mam yaool n yãndame tɩ pag ning sẽn yaa wa kuusrã, t'a sũurã ne a nusã yaa wa sẽbdsã, toolem yɩɩda kũum. La ned ning sẽn tat Wẽnnaam yamã põsda yẽnda. La yẽnda yõkda yel-wẽn-maandã.

Zeremi 13:23

Kuus ned tõe n teka a yĩn-gãong bɩ? Ãbg tõe n teka a kõbg bɩ? Woto sã n dag n tõeẽ, rẽnd yãmb sẽn minim wẽngã maanegã, y ka tõe n maan neere?

A Ooze 4:14

La m ka na n sɩbg y kom-pugli wã, wall y bi-pagbã b yoobã yĩng ye. Bala, yãmb mensã kẽeda ne pʋg-yoaadba, n naagd pʋʋsg zĩisẽ pʋg-yoaadbã n maand maando. Yãmb yaa neb sẽn ka tar yam, la y na n sãamame!

Ebre rãmba 6:18

Yɩɩ a woto tɩ ne bũmb a yiibã sẽn ka na n viigã, la Wẽnnaam sẽn ka tõe n yag zĩrẽ b pʋgẽ wã, bɩ tõnd paam raood paoosg wʋsgo. Bala, zĩig a yembr tãa tõnd sẽn tõog n kẽ n paam põsã, yaa d sẽn gãd saag-sõng ning Wẽnnaam sẽn da kõt tõndã.