Yelbũna 19:3 - WẼNNAAM SEBRE 2014

³ Yaa ninsaal yalemdã n wat ne a tudgri, la yaa ne Sẽn-Ka-Saab la yẽnda yikd a sũuri.

SEBR SÕNGO

³ Yaa tõnd yalemdã n wat ne d meng bõne tɩ d lɛɛg n ningd Wẽnd taale.

Yelbũna 19:3 Iomraidhean Croise

2 Rĩm-dãmba 6:33

A Eliize sẽn nan ket n gomd ne kãsem-dãmbã bal yee, la rĩmã sẽn be waoongẽ, n ta n yeel a Eliize yaa: «Sã n yaa Sẽn-Ka-Saab n bas tɩ to-kãensã fãa paamd tõndo, mam na n leb n teega bãmb n maan bõe?»

A. Zoobe 15:13

Yaa bõe tɩ f sũur puug ne Wẽnnaam tɩ f gomd goam a woto?

Yɩɩn‑sõamyã 37:1

A Davɩɩd yɩɩlle. Ra yik f sũur ne nin-wẽng ye. Ra maan sũ-kiir ne tʋʋm-wẽns maandbã ye.

Yɩɩn‑sõamyã 37:7

Sĩnd f noor Sẽn-Ka-Saab taoore, la f ges bãmb bala. Ra yik f sũur ne ned ning sẽn paamd tõogr a saag-wẽns pʋga, la ne ned sẽn tõogd ne a tags-wẽns ye.

Yelbũna 11:3

Nin-tɩrg burkĩndlim n tɛt-a, la sɩlem soab sɩlmã n wãad-a.

A Ezayi 32:6

Bala, yalem gomda yalem goamã, t'a sũurã tagsd wẽng maanego, la a maanda tʋʋm-dẽgdo, n gomd n paoogd Sẽn-Ka-Saabo. Yẽnda basda kom sẽn tar b rãmbã tɩ b gãe kom, la a mongd ko-yũud sẽn tar-b rãmbã koom.

Kʋʋr yɩɩla 3:39

Yaa bõe tɩ nin-vɩɩg yẽgemdẽ? Bɩ ned kam fãa yẽgem a meng yel-wẽn yĩnga.

Ezekiyɛl 18:25

Yãmb yetame: ‹Zu-soabã manesmã ka zems ye.› Israyɛll buudu, m kotame tɩ y kelge! Dẽ yĩnga, yaa mam manesmã n ka zemse? Ka yãmb manesmã n ka zems sɩda?

1 Sãmwɛlle 13:13

A Sãmwɛll yeela a Sayull yaa: «Yãmb sẽn maanã yaa yalemdo. Yãmb ka sak noor ning Sẽn-Ka-Saab sẽn yaa fo Wẽnnaamã sẽn kõ yãmbã ye. Sẽn-Ka-Saab rag n na n kɩtẽ lame tɩ yãmb ne y yagensã soog Israyɛll rĩungã wakat fãa.

1 Sãmwɛlle 15:23

Bala, kɩɩsg yaa wẽng wa bagr bʋgb sẽn yaa wẽngã, la tõdgr yaa wẽnga, wa bõn-naands pʋʋsg sẽn yaa wẽngã. La fo sẽn zãgs Sẽn-Ka-Saab noorã yĩnga, bãmb me basa foom tɩ f ka na n leb n yɩ rĩm ye.»