Yelbũna 19:11 - WẼNNAAM SEBRE 2014

¹¹ Sẽn tar-a yam ka yikd a sũur tao-tao ye, a zu-zẽkrã yaa a sẽn basd b sẽn beeg yẽnda wã taalã.

SEBR SÕNGO

¹¹ Ned ninga yam sẽn sek-a yaa sũ-bʋgs soaba, a zu-zẽkre yaa a tõog n kõ beegr sugri.

Yelbũna 19:11 Iomraidhean Croise

2 Rĩm-dãmba 5:12

Rẽ yĩnga, Damaas ne Abana la Parpaar ka tar kʋɩls sẽn são Israyɛll kʋɩlsã zãng la? Mam dag n ka tõe n lisẽ kʋɩl-bãmb pʋs n paam m yĩn-gãong bãagã maagr sɩda?» Dẽ, a Naama lebg n looga ne sũ-yikri.

Yelbũna 11:13

Tẽn-kãn-ned pugsda yɛla, la sɩd soab luta yɛla.

Yelbũna 12:16

Yalem wilgda a sũ-yikr tao-tao, la sẽn solgd-a a paoogr tara yam.

Yelbũna 14:29

Sũ-maasem soab tara yam wʋsgo, la sũ-tʋʋn-ned wilgda a yalemdo.

Yelbũna 15:18

Sũ-yikr soab bolgda zabre, la sũ-maasem soab kiisda zabre.

Yelbũna 16:32

Sũ-maasem soab n são gãndaoogo, la sẽn tõe a meng n são sẽn zab-a n deeg tẽnga.

Yelbũna 17:14

Fo sã n sɩng zabre, yaa wa f sẽn kãsg ko-koaka. Reng n loog tɩ zabrã ra wa sɩng ye.

Yelbũna 20:22

Da yeel tɩ f na n maana wẽng n lebs wẽng ye. Teeg Sẽn-Ka-Saab tɩ b na n fãaga foom.

Yelbũna 20:3

Ninsaal waoogr yaa a sẽn na n zãag a meng ne zaba. La sẽn yaa-a yalem fãa baooda zaba.

Yelbũna 25:21

Kom sã n tar f bɛ bɩ f kõ-arɩɩb t'a rɩ, la ko-yũud sã n tar-a bɩ f kõ-a koom t'a yũ.

Yelbũna 29:11

Yalem wilgda a sũ-yikr zãnga, la yam soab gũusda a menga, n ka rat t'a rẽnd puk ye.

Efɛɛz Rãmba 4:32

Maan-y taab neere, n kũmd taaba, la y kõ taab sugri, a wa Wẽnnaam sẽn kõ yãmb sugr Kiris maasem yĩngã.

Zake 1:19

M ba-bi-nongdse, bãng-y yõwã neere: Woto, bɩ ned fãa wɩng ne kelgre, la a maag ne goamã, la a maag ne sũ-yikri.