Yelbũna 19:1 - WẼNNAAM SEBRE 2014

¹ Naong soab sẽn vɩ ne burkĩndlim n são zĩrẽ-be-neda. Zĩrẽ-be-ned yaa yalma.

SEBR SÕNGO

¹ Naong soab sẽn vɩ a pʋ-peelem vɩɩm, são arzɛk soaba sẽn zĩ ne zelem golemde.

Yelbũna 19:1 Iomraidhean Croise

Yɩɩn‑sõamyã 26:11

Mam kẽnda ne burkĩndi, yols-y maam, la y zoe m nimbãanega.

Yɩɩn‑sõamyã 37:26

Wakat fãa, nin-tɩrg zoeta nimbãaneg n pengdẽ, la yẽnda yagensã paamda barka.

Yelbũna 12:26

Nin-tɩrg wilgda a zoa so-sõngo, la nin-wẽns sor kẽesd-b-la moogo.

Yelbũna 14:2

Sẽn kẽnd-a tɩrlem pʋg zoeta Sẽn-Ka-Saabo, la yel-kɛg-maand paoogda bãmba.

Yelbũna 15:16

F sã n tar paoong bilf n zoet Sẽn-Ka-Saabo, n são f sẽn na n tar paoong wʋsgo, n yaool n zĩ ne yɩɩre.

Yelbũna 16:8

F sẽn na n maan tɩrlem n paam paoong bilfu, n são f sẽn na n maan zãmb n paam paoong wʋsgo.

Yelbũna 19:22

B sẽn baood bũmb ning ninsaal nengẽ, yaa t'a maan pʋ-peelem. F sẽn na n yaa naong soaba, n são f sẽn na n yaa zĩrẽ-be-neda.

Yelbũna 20:7

Nin-tɩrg sã n kẽnd ne burkĩndlim, a kamb tara sũ-noog a loogr poore.

Yelbũna 28:6

Naong soab sẽn kẽnd ne burkĩndlim, n são arzɛk soab sẽn tũud so-golemse.

Yelbũna 4:24

Da sak tɩ f noor gom zĩrẽ goam ye, la bɩ f zãag f noorã ne zãmb goamã.

A Ezayi 59:3

Bala, yãmb nusã rẽgmã ne zɩɩm, tɩ yãmb kongrã rẽgem yãmb nug-bi wã. Yãmb noyã yagda zĩrẽ, la yãmb zɛlma wã gomda zãmb goam.

A Matiye Sõng 16:26

La ned sã n paam dũni gill fãa n bas n ki, a yõod bee yɛ? Walla bõe la ninsaal na n dɩk n tek ne a vɩɩmã?

1 Sãmwɛlle 25:17

Moasã, bɩ y ges yãmb sẽn na n maan bũmb ninga, bala, b zoe n yãka yam n na n sãam tõnd soaalã ne a zakã rãmba. A Naball la sẽn yaa nin-yoog tɩ ned ka tõe n gom ne-b la!»

1 Sãmwɛlle 25:25

M kot-y lame tɩ y ra rɩk nin-yoog a Naball manesmã n ning y sũurẽ ye. Yẽnda kell n yaa wa a yʋʋrã: nabd bala. Mam ka yã neb nins yãmb sẽn tʋmã ye.