Yelbũna 18:4 - WẼNNAAM SEBRE 2014

⁴ Ninsaal noor goam yaa ko-zulums ne ko-zoetem, la a yaa yam bulga.

SEBR SÕNGO

⁴ Ninsaal goama, bãng ko-zulunga, koom sẽn fõt ne pãnga, boto la yam sõngo.

Yelbũna 18:4 Iomraidhean Croise

Yɩɩn‑sõamyã 78:2

Mam na n yaaga m noor n togs yel-bũna, la m togs kʋdemd wẽndẽ yel-solgdse.

Yelbũna 10:11

Nin-tɩrg noor yaa vɩɩm bulga, la nin-wẽns noy solgda wẽnem.

Yelbũna 13:14

Yam soab zãmsg yaa vɩɩm bulga, n tõe n sõng ned t'a gil kũum bẽdgo.

Yelbũna 16:22

Yam-sõng yaa vɩɩm bulg yam dãmbã yĩnga, la yalembã yalemdã n yaa b sɩbgre.

Yelbũna 18:3

Nin-wẽng sẽn beẽ, paoogr bee be. La tʋʋm-yood sẽn beẽ, yãnd bee be.

Yelbũna 20:5

Ninsaal sũur pʋgẽ saagr wẽnda wa koom sẽn be zĩ-zulumsẽ. Sẽn tar-a bãngr n mi a sẽn na n toog-a to-to.

A Matiye Sõng 12:34

Yãmb wag-toos buudu, yãmb sẽn yaa nin-wẽns a woto wã, yãmb na n yɩɩ a wãn n tõog n gom gom-sõama? Bala, yaa bũmb nins sẽn pid sũurẽ wã n yit noorẽ wã.

A Zã Sõng 4:14

La ned ning fãa sẽn na n yũ koom ning mam sẽn na n kõ-a wã ye, ko-yũud kõn leb n yõka ye: la koom ning mam sẽn na n kõ-a wã na n lebga ko-bundg sẽn na n buli, hal tɩ ta vɩɩm sẽn kõn sa wã pʋgẽ.

Kolos Rãmba 3:16

Bɩ Kiris goamã zĩnd yãmb pʋsẽ ne yõod ning sẽn be a pʋgẽ wã. Zãms-y taab la y keoog taab ne yam meng-menga, ne yɩɩn-sõamyã, la Wẽnnaam yɩɩla, la yɩɩl Sɩɩg-sõng sẽn kõta. Yɩɩl-y bark pʋʋsg yɩɩl ne y sũyã fãa n pẽg Wẽnnaam.

Kolos Rãmba 4:6

Kɩt-y tɩ yãmb goam tall bark wakat fãa n tar yamsem noom, tɩ yãmb na bãng y sẽn tog n leok ned kam fãa to-to tɩ zemse.