Yelbũna 18:23 - WẼNNAAM SEBRE 2014

²³ Naong soab gomdame n wẽed kãntɩɩga, la arzɛk soab leokda ne gãgse.

SEBR SÕNGO

²³ Naong soab gomdame n bõsd tɩ b leok-a, la arzɛk soaba leokda ne pãnga.

Yelbũna 18:23 Iomraidhean Croise

Sɩngrẽ 42:30

Bãmb yeelame yaa: «Rao ning sẽn so soolmã goma ne tõnd ne nen-keglem, a yeela tõnd tɩ d wa n na n gũusa tẽngã.

Sɩngrẽ 42:7

A Zozɛf sẽn yãnd a ba-biisã, a bãng-b lame, la a maana a meng wa yẽnda ka mi-b ye, n gom ne bãmb ne nen-keglem n yeele: «Hey! Yãmba! Yãmb yita yɛɛnẽ?» La b leokame: «Tõnd yii Kana soolem n wa n na n da koodo.»

1 Rĩm-dãmbã 12:13

Dẽ, a Roboaam basa nin-kẽembã sẽn sagl yẽnda wã, n leok nebã ne mo-beedo.

2 Kibayã 10:13

La a Roboaam basa nin-kẽembã sẽn sagl yẽnda wã, n gom ne nebã gom kegemse.

A. Zoobe 41:3

Ãnda soab n peng maam tɩ m tog n lebs-a? Bũmb nins fãa sẽn be tẽng zugã yaa maam n so.

Yikri 5:2

La Faarõ leokame: «Sẽn-Ka-Saab yaa ãnda tɩ mam na n kelg bãmb koɛɛg n bas Israyɛll nebã tɩ b looge? Mam ka mi Sẽn-Ka-Saabo, la m ka na n bas Israyɛll nebã tɩ b loog ye!»

Yelbũna 19:7

Naong soab saam-biis fãa kis-a lame, t'a zo-rãmb me zãagd n basd-a. A baood-b lame n na n gom ne, la a ka yãt-b ye.

Yelbũna 22:7

Arzɛk soab n so naong rãmba, la ned sã n tɩ reeg samd ned a to nengẽ, a lebga a soabã yamba.

A Ezayi 66:2

Bõn-kãensã fãa yaa mam nug n maane, yaa woto la bũmb fãa wa n beẽ. Maam a Sẽn-Ka-Saab n yeele. Ad mam sẽn na n wẽnemd m neng n ges a soaba: yaa sik-m-meng soab sẽn be sũ-sãang pʋga, n zoet mam goamã rabeem n digda.

A Matiye Sõng 5:3

Bark bee sik-m-mens rãmbã zutu, bala arzãn soolem yaa bãmb dẽnda.

Zake 2:3

yãmb sã n waoog ned ning sẽn yer-a naam futã n yeel-a: Fo wa n zĩnd waoogr zĩ-kãngã wã, la y yeel naongã soaba: Fo yals yĩngr be, wall f yeel: Zĩnd tẽng mam naoẽ wã.

Zake 2:6

La yãmba, yãmb paooga naong soabã. Dẽ yĩnga, arzegs rãmbã ka weoogd yãmb la b tar yãmb n kẽnd bʋʋd zĩisẽ sɩda?

A Ruti 2:7

Yẽnda kosa maam n na n pʋgd tigsdbã n yiisd koodo. La a sẽn wa hal yibeoogẽ tɛkã, a nan ka tol n vʋʋs ye.»

1 Sãmwɛlle 2:36

La fo yagens nins sẽn kellã na n tɩ wõgemda maan-kʋʋdã taoore, n kos ligd ne rɩɩbo, la a yeele: «M kotame tɩ y kõ-m tʋʋmd a yembr maan-kʋʋr tʋʋmã sʋka, tɩ m tõe n paamd rɩɩb n dɩtẽ.»

1 Sãmwɛlle 25:10

A Naball leoka a Davɩɩd tʋmtʋmdbã yaa: «A Davɩɩd la ãnda? A Izayi biig la ãnda? Rũndã-rũndã wã, yembs wʋsg n zoet n basd b zu-soben-dãmba.

1 Sãmwɛlle 25:17

Moasã, bɩ y ges yãmb sẽn na n maan bũmb ninga, bala, b zoe n yãka yam n na n sãam tõnd soaalã ne a zakã rãmba. A Naball la sẽn yaa nin-yoog tɩ ned ka tõe n gom ne-b la!»