Yelbũna 18:14 - WẼNNAAM SEBRE 2014

¹⁴ Ninsaal pɛl-kɛgeng n tebended-a a bãag wakate, la a sã n kong raoodo, ãnda n na n sõng-a t'a yiki?

SEBR SÕNGO

¹⁴ Ninsaal tõe n deega yĩnga bãaga, la a sã n bẽed yam bãaga, a na n yɩɩ wãna n maan daoodo.

Yelbũna 18:14 Iomraidhean Croise

A. Zoobe 6:4

Bala, Pãng-Soabã pɛɛm kõsa maam n sãage, tɩ mam sɩɩgã pid ne b zẽnmã. Wẽnnaam sẽn wat ne yɛɛsg ninsã n seg maam.

Yɩɩn‑sõamyã 109:22

Mam yaa naong soab la nimbãan-neda, Mam sũur bondga m pʋgẽ.

Yɩɩn‑sõamyã 147:3

Bãmb belsda sũ-sãang rãmbã, la b tɩpd b poglgã.

Yɩɩn‑sõamyã 55:3

Bɩ y kelg-ma, la y leok-ma! Mam yam yuusdame, tɩ m sidgd n maand yɩɩre,

Yɩɩn‑sõamyã 55:5

Mam sũurã kiuusda m pʋgẽ, la kũum dabeem tara maam.

Yikri 6:9

A Moyiis togsa Israyɛll nebã gom-kãensã, la b ka kelg a Moyiis ye. Bala, bãmb dag n bee sũ-sãang pʋga, b yembdã sẽn yaa toogã yĩnga.

Yelbũna 15:13

Ned sũur sã n noomẽ, a noor bee laado, la sũ-pa-noaang maagda gĩina.

Yelbũna 17:22

Sũ-noog wata ne yĩns laafɩ, la sũ-sãang kʋɩɩsda kõaba.

2 Korẽnt rãmba 1:12

Bala, bũmb ning sẽn kõt tõnd sũ-noogã, yaa tõnd sũ-bãngrã sẽn kɩt kaset tɩ dũni wã neb sʋka, tõnd kẽna ne sõmblem la pʋ-peelem sẽn yit Wẽnnaam nengẽ wã yĩnga, la d kẽna yãmb sʋk a woto n yɩɩda. La ka yɩ ne ninsaal yam ye, yaa ne Wẽnnaam barkã la d maan woto.

2 Korẽnt rãmba 2:7

La sẽn yaa neer n yɩɩd moasã, yaa tɩ yãmb tog n kõ-a-la sugri, la y bels-a tɩ Sũ-sãoon-kãseng da wa yõk-a, n kẽes-a pãn-komsem pʋg ye.

Zake 1:2

M ba-biisi, makr buud toay-toay sẽn tõe n paam yãmbã, ges-y-b wa bũmb sẽn wat ne yãmb sũ-noog zãnga,

1 Pɩyɛɛr 1:6

Yãmb maanda sũ-noog bõn-kãng yĩnga, baa ne sẽn ya tɩlɛ tɩ yãmb paam makr buud toay-toay sẽn namsd yãmb moasã wakat bilf yĩngã.