Yelbũna 18:10 - WẼNNAAM SEBRE 2014

¹⁰ Sẽn-Ka-Saab yʋʋrã yaa gãsg sẽn tar pãnga, nin-tɩrg sã n zoe n tɩ kẽ be, yell kõn paam-a ye.

SEBR SÕNGO

¹⁰ Soondg zĩiga: Naaba-Wẽnd yʋʋre; nin-sõng bas a meng ne Wẽnde, yell buug kõn le tõog n pak-a ye.

Yelbũna 18:10 Iomraidhean Croise

Sɩngrẽ 17:1

A Abram sẽn wa n tar yʋʋm pis-wɛ la a wɛ, Sẽn-Ka-Saab puka b meng ne yẽnda, n yeel-a yaa: «Mam yaa Wẽnnaam Sẽn-Tõe-Fãa! Bɩ f tũ maam ne burkĩndi.

Sɩngrẽ 32:11

Mam paooda wʋsgo, dẽ, mam ka zems tɩ paam maan-neer ning ne pʋ-peelem ninga yãmb sẽn maan mam sẽn yaa yãmb tʋmtʋmdã yĩngã ye. Bala, mam sẽn wa n na n dʋʋg Zʋrdẽ kʋɩlgã, rag n yaa dasaar bal la mam tara. La moasã, mam lebga sul a yiibu.

2 Sãmwɛlle 22:2

A yeelame yaa: «Sẽn-Ka-Saab yaa mam pĩiga, bãmb yaa mam pãng zĩiga, la b yaa mam fãagda.

2 Sãmwɛlle 22:3

Bãmb yaa mam Wẽnnaam, la b yaa mam pĩiga. Mam zĩ-soalgdg yaa bãmb nengẽ. Bãmb yaa mam gãongo, la pãng sẽn fãagd maam. Mam pãng zĩiga, la m zĩ-soalgdga. Yãmb n fãagd maam nen-keglem dãmbã nugẽ.

2 Sãmwɛlle 22:51

Sẽn-Ka-Saab maanda tʋʋm-kãsems n fãagd b rĩmã, bãmb wilgda b nonglem ne b nin-tũusdgã. Bãmb wilga b nonglem ne a Davɩɩde, la ne a Davɩɩd yagensã, wakat sẽn kõn sa yĩnga.»

Yɩɩn‑sõamyã 144:2

Sẽn-Ka-Saab yaa mam maan-neer soaba. Bãmb yaa mam pãng zĩiga, la m zĩ-soalgdga, la m fãagda. Bãmb yaa mam gãongo, la m zĩ-lilldga. Bãmb n kɩtd tɩ nebã sakd maam!

Yɩɩn‑sõamyã 18:2

A Davɩɩd yeelame: «Sẽn-Ka-Saab sẽn yaa mam pãnga, mam nonga yãmba!

Yɩɩn‑sõamyã 20:2

Bɩ Sẽn-Ka-Saab leok foom f yel-pakr wakate, bɩ a Zakoob Wẽnnaamã yʋʋr gũ foom!

Yɩɩn‑sõamyã 27:1

A Davɩɩd yɩɩlle. Sẽn-Ka-Saab yaa mam vẽenem, la mam fãagda. Ãnda la mam na n zoe? Sẽn-Ka-Saab yaa mam vɩɩmã gũuda, ãndã n tõe n kẽes maam dabeem?

Yɩɩn‑sõamyã 91:14

Bala, Sẽn-Ka-Saab yeelame: «Yẽnda sẽn nong maamã yĩnga, mam na n fãaga yẽnda, yẽnda sẽn mi mam yʋʋrã yĩnga, mam na n kogla yẽnda.

Yɩɩn‑sõamyã 91:2

Mam yeela Sẽn-Ka-Saab yaa: «Yãmb yaa mam zĩ-soalgdga, la m pãng zĩiga, yãmb yaa mam Wẽnnaam, mam teega yãmba!»

Yikri 6:3

Mam vẽnega m meng ne a Abrahaam la a Izak ne a Zakoob n wilg bãmb tɩ mam yaa Pãng-Soab a Wẽnnaam. La mam ka kɩt tɩ bãmb bãng tɩ mam yʋʋr la Sẽn-Ka-Saab ye.

Yelbũna 14:26

Ned ning sẽn zoet-a Sẽn-Ka-Saab pɛlg yaa kãenkãe, la a kambã na n paama zĩ-soalgdga.

Yelbũna 29:25

Ninsaal zoees wata ne yelle, la yell kõn paam sẽn teeg-a Wẽnnaam ye.

A Ezayi 26:4

Rɩk-y y teegrã n teeg Sẽn-Ka-Saab wakat fãa. Bala, Sẽn-Ka-Saab bal n yaa pĩig kugr wakat fãa.

A Ezayi 57:15

Bala, soab ning sẽn yɩɩd fãa wã, la sẽn paad wakat sẽn kõn sa wã, tɩ b yʋʋrã welg toorã yetame: «Mam bee hal yĩngr zĩig sẽn welg toor pʋgẽ, la m bee ne ned ning sũur sẽn sãame, soab ning sẽn be paoogr pʋgã, mam bee ne soab ning sɩɩgã sẽn yɛ, n na n bels sũ-pa-noaang soabã.

A Ezayi 9:6

Yẽnda naamã na n yalgame, yẽnda na n waa ne vɩ-bãan sẽn ka sɛta, a Davɩɩd naam geerã ne yẽnda soolmã yĩnga. Yẽnda na n paasa a soolmã pãnga, la a na n zã-a-la ne zemsgo la tɩrlem, sẽn sɩng ne moasã la wakat sẽn kõn sɛ yĩnga. Saasẽ-Pãng-Soabã nonglem-kãsengã n na n kɩt t'a yɩ a woto.

Zeremi 23:6

Yaa yẽnda wakat la Zʋʋda nebã na n paam fãagre, tɩ Israyɛll nebã zĩnd ne bãane. B na n boola rĩmã yʋʋr tɩ Sẽn-Ka-Saab sẽn yaa tõnd tɩrlem.»

Abakuk 3:19

Sẽn-Ka-Saab sẽn yaa mam Zu-soabã yaa mam pãnga. Bãmb kɩtdame tɩ mam naoã keng wa wals nao. La bãmb n sõngd-m tɩ m kẽnd kunkub zutu. Yaa yɩɩlã naab yɩɩlle. Yɩɩnda ne yʋʋm-teed sẽn tar susi.

A Matiye Sõng 1:23

Ade, pa-kuil na n dɩka pʋga, n dog bi-ribla, la b na n pʋda a yʋʋr tɩ Emanuwɛlle, sẽn dat n togs tɩ ‹Wẽnd‑be‑ne‑do.›

Vẽnegre 1:8

Zu-soab a Wẽnnaam yetame yaa: Maam la Alfa la Omega, soab ning sẽn be moasã, la sẽn dag n be, la sẽn watã, soab ning sẽn Tõeyã fãa wã.

1 Sãmwɛlle 17:45

A Davɩɩd yeela Filistẽ daoã yaa: «Fo segda maam ne zabr sʋʋga, la ne kãnd ne kãn-dibga, la maam, mam segda foom ne Saasẽ-Pãng-Soabã sẽn yaa Israyɛll tãb-biisã Wẽnnaamã fo sẽn paoogdã yʋʋre.

1 Sãmwɛlle 30:6

Sũ-sãan-kãseng n yõk a Davɩɩde, bala, nebã rag n gomdame tɩ b na n lob-a-la kuga, bãmb fãa sũyã sẽn sãam b kom-dibli wã ne b kom-pugli wã yĩngã yĩnga. La a Davɩɩd paama pãng sẽn yit Sẽn-Ka-Saab sẽn yaa yẽnda Wẽnnaamã nengẽ.