Yelbũna 17:8 - WẼNNAAM SEBRE 2014

⁸ Kũun tara yõod sẽn kõt-bã nifẽ. B sẽn kẽng zĩig ning fãa b paamda tõogre.

SEBR SÕNGO

⁸ Kũun yaa wa zu-noog tɩɩm, f sã n yãend bũmb n kõ, f sẽn dat fãa na yɩ.

Yelbũna 17:8 Iomraidhean Croise

Sɩngrẽ 32:14

A Zakoob paa beenẽ n gãand yʋn-kãnga. A Zakoob yãka bũmb nins yẽnda sẽn so wã n na n kõ a kẽem a Ezayu.

Sɩngrẽ 32:21

A Zakoob yeelame: «Yeel-y-yã-a tɩ yẽnda tʋmtʋmd a Zakoob bee poorẽ n pʋgd yãmb n watẽ.» Woto fãa yaa t'a Zakoob rag n tagsdame n yetẽ: «Mam sã n tʋm kũun tɩ reng taoor n tɩ kõ a Ezayu, tõe t'a sũurã sigi. Dẽ, mam tõe n yaool n pʋglame n kẽng a nengẽ. La tõeeme t'a sak n deeg maam sõama.»

Sɩngrẽ 43:11

Bãmb ba a Israyɛll yeela bãmb yaa: «Sã n yaa woto, ad yãmb sẽn na n maan bũmb ninga: Bao-y tẽngã bõn-sõama wã n sui y yondẽ wã n tall n tɩ kõ raoã. Yãk-y tɩdar bilfu, sɩɩd bilfu, wisdu, kaam sẽn tar yũ-noogo, Pistaas biisi, ne Amand-dãmba.

Yɩɩn‑sõamyã 18:16

Sẽn-Ka-Saabo, yãmb sẽn tãs-bã, y noorã pemsem ne y vʋʋsmã pemsem sẽn yi yãmb yõ-bogdẽ wã kɩtame tɩ koomã tẽngr tẽn-gãongã puki, tɩ dũniyã yẽbgr zɛɛmd n puki.

Yɩɩn‑sõamyã 19:6

Yibeoogo, wĩndgã pukda wa yikãad-paall sẽn yit a roogẽ, n kɩdemd wa gãndaoog sẽn be sor zug n zoetẽ.

Yɩɩn‑sõamyã 21:13

Bala, yãmb na n dig-b lame tɩ b zoe, la y na n yãaga y tãp n tão-ba.

Yɩɩn‑sõamyã 29:4

Sẽn-Ka-Saab koɛɛgã yita ne pãnga, Sẽn-Ka-Saab koɛɛgã yita ne ziiri.

Yikri 23:8

Ra sak n deeg zãmb kũun ye. Bala, zãmb kũun luta yam dãmb nini, la a golemd nin-tɩrs goamã.

Yelbũna 17:23

Nin-wẽng solgdame n deegd kũuni, sẽn na n yɩlẽ tɩ b ra bʋ bʋʋd tɩrg ye.

Yelbũna 18:16

Ned kũun n pagsd a soayã, n kɩtdẽ t'a tõe n kẽng nin-kãsems taoore.

Yelbũna 21:14

Kũun sẽn solg n kõ maagda sũuri. Kũun sẽn deeg n sui sigsda sũ-puugri.

Kowelɛt 7:7

Pãn-maaneg kɩtdame tɩ yam soab lebg yalma, la kũun menesda yam.

A Ezayi 1:23

Fo nanambsã lebga kɩɩsdba, la b lebg wagda tũud-n-taase. Bãmb fãa nongame tɩ b kõt-b kũuni, la b zoet n pʋgd zãmb keoore. Bãmb ka kaood kɩɩb bʋʋd tɩrga, la pʋg-kõap yell gesg ka pak-b ye.

A Amoose 5:12

Bala, mam miime tɩ yãmb beegrã looga nugu, la y yel-wẽnã yaa wʋsgo. Yãmb namsda nin-tɩrga, la y reegd kũuni, n mongd naong soab bʋʋm bʋʋd zĩigẽ.

A Miise 7:3

Bãmb sẽn mi yaa wẽng maaneg bala. Naab ka maand neer tɩ b ka reeg bũmb ye, Bʋ-kaoodã ka kaood bʋʋd t'a ka reeg kũun ye, Nin-kãsemsã wilgda b yão-beedã, la b naagd taab n tʋmd b tʋʋm-beedo.

Yaoolem 16:19

Bɩ y ra bʋ bʋʋdã kɛg ye, la y ra tũus neb ye. Bɩ y ra reeg kũun ye. Bala, kũun luta yam dãmb nini, la a golemd nin-tɩrs goamã.

1 Sãmwɛlle 25:35

A Davɩɩd reega kũunã a Abigayɩll sẽn wa ne wã, la a yeel-a yaa: «Lebg n kuil ne bãane, bala, mam kelga f koɛɛgã, la m saka f sẽn kosã.»