Yelbũna 17:23 - WẼNNAAM SEBRE 2014

²³ Nin-wẽng solgdame n deegd kũuni, sẽn na n yɩlẽ tɩ b ra bʋ bʋʋd tɩrg ye.

SEBR SÕNGO

²³ Sẽn nong-a ligd tɩ looge soosdẽ n deegda kũuni, tɩ bʋʋda na n lebg kɛdba.

Yelbũna 17:23 Iomraidhean Croise

Yikri 23:8

Ra sak n deeg zãmb kũun ye. Bala, zãmb kũun luta yam dãmb nini, la a golemd nin-tɩrs goamã.

Yelbũna 17:8

Kũun tara yõod sẽn kõt-bã nifẽ. B sẽn kẽng zĩig ning fãa b paamda tõogre.

Yelbũna 18:16

Ned kũun n pagsd a soayã, n kɩtdẽ t'a tõe n kẽng nin-kãsems taoore.

Yelbũna 21:14

Kũun sẽn solg n kõ maagda sũuri. Kũun sẽn deeg n sui sigsda sũ-puugri.

Kowelɛt 7:7

Pãn-maaneg kɩtdame tɩ yam soab lebg yalma, la kũun menesda yam.

A Ezayi 1:23

Fo nanambsã lebga kɩɩsdba, la b lebg wagda tũud-n-taase. Bãmb fãa nongame tɩ b kõt-b kũuni, la b zoet n pʋgd zãmb keoore. Bãmb ka kaood kɩɩb bʋʋd tɩrga, la pʋg-kõap yell gesg ka pak-b ye.

A Ezayi 5:23

Bãmb deegda kũun n kõt nin-wẽng bʋʋm, la b mongd bʋʋm soab bʋʋm!

Ezekiyɛl 22:12

Neb n sakd n deegd kũun n daagd zɩɩm fo pʋgẽ. Fo pengda ligd n modgdẽ tɩ b lebs-f ne roaglenga. Fo maanda f taab pãng n wẽgd-ba, n yaool n yĩmd mam yelle. Maam a Zu-soab a Sẽn-Ka-Saab n yeele.»

Ezekiyɛl 22:27

Yẽnda nanambsã bee a pʋg wa rigd-n-yĩids sẽn zendemd rũng b sẽn yõke. Bãmb daagda zɩɩm, b menesda nebã, sẽn na n yɩl n tõog n maan b wẽgbã.

A Miise 3:11

Zeruzalɛm nanambsã reegda kũun n yaool n kao bʋʋdo. Bãmb maan-kʋʋdbã zãmsda nebã n deegd yaoodo, la b no-rɛɛsdbã togsda pĩnd-n-bãngr goamã n deegd wanzuri. Bãmb yaool n tika Sẽn-Ka-Saab n yetẽ yaa: «Sẽn-Ka-Saab sẽn be tõnd sʋkã yĩnga, yel-beed kõn tol n paam-d ye.»

A Miise 3:9

Zakoob yagensã taoor dãmba, Israyɛll buudã nanambse, m kot-y lame tɩ y kelge! Yãmb dãmb sẽn kis tɩrlem, la y golemd sẽn yaa tɩrgã!

A Miise 7:3

Bãmb sẽn mi yaa wẽng maaneg bala. Naab ka maand neer tɩ b ka reeg bũmb ye, Bʋ-kaoodã ka kaood bʋʋd t'a ka reeg kũun ye, Nin-kãsemsã wilgda b yão-beedã, la b naagd taab n tʋmd b tʋʋm-beedo.

Yaoolem 16:19

Bɩ y ra bʋ bʋʋdã kɛg ye, la y ra tũus neb ye. Bɩ y ra reeg kũun ye. Bala, kũun luta yam dãmb nini, la a golemd nin-tɩrs goamã.

1 Sãmwɛlle 12:3

Ad-m sẽn yase! Leok-y maam Sẽn-Ka-Saab ne rĩm ning bãmb sẽn yãkã taoore, tɩ b yɩ kaset rãmba. Ãnda naaf la m deeg yã? Ãnda bõang la m deeg yã? Ãnda la m maan pãnga? Ãnda la m nams yã? Ãnda kũun la m deeg yã, n mum m nin n kao a soab bʋʋd kegre? Bɩ y togs tɩ m bao n lebs a soaba.»

1 Sãmwɛlle 8:3

A Samwɛll kambã ka rɩk a Sãmwɛll naoor ye. Bãmb dag n nonga kũuni, b rag n deegda kũuni, la b kaood bʋʋdã kɛga.