Yelbũna 17:11 - WẼNNAAM SEBRE 2014

¹¹ Nin-wẽng ka baood bũmb tɩ ka kɩɩsg ye. Rẽ kɩtame tɩ b na n tʋm nin-toaag a nengẽ.

SEBR SÕNGO

¹¹ Nin-wẽng sẽn dat yaa a zẽk a zug ne a zu-soaben-dãmba, la a bãnge tɩ na-yir nin-toaaga la b na n wa tʋm a nengẽ.

Yelbũna 17:11 Iomraidhean Croise

2 Sãmwɛlle 15:12

La a Absalom sẽn wa n be Ebrõ n maand maanda wakate, a leb n tʋma ned t'a kẽng Gilo tẽngã, n tɩ bool a Ayitofɛll sẽn yaa a Davɩɩd sagendã t'a wa. La a Absalom nebã sõor dag n tara paasgo, tɩ yellã me paamd pãng n paasdẽ.

2 Sãmwɛlle 18:15

La a Zoaab rakõap piigã sẽn zãad a zab-teedã wa n baasa a Absalom.

2 Sãmwɛlle 18:19

A Sadok biig a Ayimaas yeelame: «M kos tɩ y Bas tɩ m zoe n tɩ togs rĩmã kiba-noogã, bala, Sẽn-Ka-Saab fãaga bãmb ne b bɛɛbã.»

2 Sãmwɛlle 20:1

Nin-yoog a yembr n dag be Gilgalle, t'a yʋʋr boondẽ t'a Seba, yẽnda yaa Benzame buudã ned a Bikri biiga. A Seba peeba baorg n yeele: «Tõnd bũmb ka be a Davɩɩd nengẽ ye, Tõnd ka tar lagem-n-taar ne a Izayi biigã ye. Israyɛll nebã, bɩ ned kam fãa lebg n kuil a yiri.»

2 Sãmwɛlle 20:22

La pagã kẽngame n tɩ gom ne tẽngã nebã fãa ne yam. La b fiuuga a Bikri biig a Seba zugã n lob yɩng lalgã poor t'a Zoaab rɩke. La a Zoaab peeba baorg t'a nebã loog n bas tẽngã, ned kam fãa leb a yiri. La a Zoaab me lebg n leba rĩmã nengẽ Zeruzalɛm.

1 Rĩm-dãmbã 2:31

La rĩm a Salmo yeelame: «Beneere, maan wa yẽnda sẽn yeelã. Kʋ-a, la f rɩk-a n mume. Woto, f na n yiisa a Zoaab sẽn daag neb nins zɩɩm zaalma yell maam ne m buudã zugu.

1 Rĩm-dãmbã 2:46

Dẽ, rĩm a Salmo yeela a Zehozada biig a Benaya t'a kʋ a Simeyi. La a Benaya yiime n kʋ-a. Woto kɩtame t'a Salmo naamã tall pãnga.

Yelbũna 17:10

Keoog-vuk kẽeda yam soaba, n yɩɩd f sẽn na n wẽ yalem naoor koabga.

Yelbũna 17:12

Fo sẽn segd rigd-n-yĩidg b sẽn dɩk a kamba, n são f sẽn na n seg nabd a yalemdã pʋga.

Yelbũna 24:21

M biiga, zoe Sẽn-Ka-Saabo, la f zoe rĩma, la f ra naag neb nins sẽn baood tɩ yɛlã fãa tegsã ye.

A Matiye Sõng 21:41

Bãmb leoka a Zeezi yaa: «A na n kɩtame tɩ nin-wẽn‑kãens ki nimbãan-kũum, la a rɩk pʋʋgã n peng koaadb a taab sẽn na kõ yẽnda reezẽ wã a bɩʋʋng wakate.»

A Matiye Sõng 22:7

Rĩmã sũur yikame t'a tʋm a tãb-biisã tɩ b tɩ sãam nin-kʋʋdb kãense, la b yõog b tẽngã bugum.

A Luk Sõng 19:27

La sẽn keta, tall-y mam bɛɛbã sẽn da ka rat tɩ mam soog-bã n wa ne ka. Kood-y-b mam nifẽ ka.»