Yelbũna 16:4 - WẼNNAAM SEBRE 2014

⁴ Sẽn-Ka-Saab ka maan bũmb ba a yembr zaalem yĩng ye, la b naana nin-wẽng me toog daar yĩnga.

SEBR SÕNGO

⁴ Wẽnd n naan bũmb fãa ne b raabo, n naan nin-wẽnga t'a yẽ toogo, sɩbgr kãsenga daare.

Yelbũna 16:4 Iomraidhean Croise

Sɩngrẽ 1:31

Wẽnnaam yãndame tɩ bũmb nins fãa bãmb sẽn naanã sɩd yaa sõama hal wʋsgo. Zaabr la yibeoog zĩndame. Rẽndã yɩɩ rasem a yoob daarã.

A. Zoobe 15:23

Yẽnda yeebd n baooda a rɩɩbo. A miime tɩ lik wakat n be taoor n gũud yẽ.

A. Zoobe 21:30

B fãagda nin-wẽng sãoong wakate. La Wẽnnaam sũ-puugrã wakate, yẽnda paamda zĩ-soalgdga.

Yikri 9:16

La mam basa foom tɩ f vɩɩmde, sẽn na n yɩlẽ tɩ fo yãnd mam pãngã, la tɩ mam yʋʋr saag dũniyã fãa pʋgẽ.

Yelbũna 16:5

Sẽn-Ka-Saab kisa tɩta-neda, la b kõn bas-a n ka sɩbg-a ye.

Kowelɛt 3:11

Wẽnnaam maana bũmb fãa sõama n zems a wakate. Bãmb ninga wakat sẽn ka sɛt tagsg ninsaal sũur pʋgẽ, baa ne yẽnda sẽn ka tõe n tags n bãng tʋʋmd ning Wẽnnaam sẽn maan hal sɩngr tɩ ta sɛɛbã.

A Ezayi 43:21

Mam neb nins mam sẽn naanã na n pẽga maam.»

A Ezayi 43:7

Yaa neb nins fãa sẽn boond mam yʋʋrã, mam sẽn naan-b rãmb mam waoogr yĩngã, neb nins sẽn yaa mam nus tʋʋmdã.»

Rom Dãmba 11:36

Bũmb fãa yii bãmb nengẽ, bãmb n maan bũmb fãa, la bũmb fãa yaa bãmb yĩnga. Bãmb n so ziir wakat fãa. Ãmina.

Rom Dãmba 9:22

La Wẽnnaam sã n maan sũ-mar wʋsg ne lagd sẽn wat ne sũ-yikri la sẽn maan sãoong yĩngã, n na n wilg b sũ-yikri la b kɩt tɩ nebã bãng bãmb pãngã?

1 Pɩyɛɛr 2:8

Bãmb lakda kug-kãngã, b sẽn ka sakd Wẽnnaam goamã yĩnga. La Wẽnnaam dag n pĩnd n miime tɩ na n yɩɩ a woto ne-ba.

2 Pɩyɛɛr 2:3

Bãmb rat-wʋsgã yĩnga, b na n belga yãmb ne sɩlem goam n fã yãmba. La bãmb sɩbgrã sɩnga hal daar zãr n watẽ, la bãmb sãoongã ka na n vaal ye.

2 Pɩyɛɛr 2:9

Rẽ wã, Zu-soabã mii b sẽn na n maan to-to n fãag neb nins sẽn sakd bãmbã makr wakate, la b sẽn na n maan to-to n bĩng tʋʋm-wẽns maandbã n sɩbg-b bʋʋdã kaoob daare.

Vẽnegre 4:11

Tõnd Zu-soab la d Wẽnnaam, yãmb n zems tɩ reeg ziiri, la waoogre, la pãnga. Bala, yãmb n naan bũmb fãa, la yaa yãmb daab yĩng la y naan-b tɩ b beẽ.