Yelbũna 16:20 - WẼNNAAM SEBRE 2014

²⁰ Sẽn tagsd-a bũmb yell neer paamda sũ-noogo, la sẽn teeg-a Sẽn-Ka-Saab tara barka.

SEBR SÕNGO

²⁰ F sã n tags bũmb neere, f yãeta f sẽn na n maanega, sẽn teeg-a Naaba-Wẽnd n maand zu-noogo.

Yelbũna 16:20 Iomraidhean Croise

1 Kibayã 5:20

Bãmb paamame tɩ b sõng-b n zab ne Hagaar nebã. Dẽ, b yõga Hagaar nebã ne neb nins fãa sẽn dag n be ne bãmbã. Bala, zabrã wakate, bãmb kelem n boola Wẽnnaam, la Wẽnnaam leoka b kosgã, b sẽn dag n dɩk b teegrã n teeg Wẽnnaamã yĩnga.

Yɩɩn‑sõamyã 125:1

Zeruzalɛm kẽnd yɩɩlle. Neb nins sẽn teegd Sẽn-Ka-Saabã, wẽnda wa Sɩyõ tãngã, a ka miimda, la a paada wakat fãa.

Yɩɩn‑sõamyã 146:5

Bark bee ned ning sẽn paam t'a Zakoob Wẽnnaamã yaa a sõangdã zugu. Sẽn teeg-a Sẽn-Ka-Saab tɩ b yaa a Wẽnnaam tara barka.

Yɩɩn‑sõamyã 2:12

Waoog-y biigã, tɩ b sũurã ra wa yik tɩ b menes-y ye. Bala, bãmb sũurã tõe n yika zĩig pʋgẽ n dɩt wa bugum. La neb nins fãa sẽn paam zĩ-lilldg bãmb nengẽ wã na n paama sũ-noogo.

Yɩɩn‑sõamyã 32:10

Nin-wẽng na n paama tood wʋsgo, la Sẽn-Ka-Saab nonglmã na n gũbga sẽn teeg-a bãmbã.

Yɩɩn‑sõamyã 34:8

Sẽn-Ka-Saab malɛɛkã gũuda sẽn zoet-b bãmbã, n fãagd-ba.

Yelbũna 13:13

Sẽn ka reegd-a saglg na n paama a yaoodo, la sẽn sakd-a noor na n paama keoore.

Yelbũna 13:15

Ned sã n mi sẽn toge, nebã fãa nong-a lame, la zãmb soab ka tõe n maan bũmb tɩ ta ned yam ye.

Yelbũna 17:2

Tʋmtʋmd sẽn tar yam, na n sooga biig sẽn ningd a ba yãnde, la yẽnda na n lagma kambã n paam dogem pʋɩɩre.

Yelbũna 19:8

Sẽn baood-a bãngr nonga a menga, la sẽn talld-a bãngr neer paamda sũ-noogo.

Yelbũna 8:35

Bala, ned sã n paam maam, a paama vɩɩm, la a paamda Sẽn-Ka-Saab nonglem.

A Ezayi 30:18

Rẽ kɩtame tɩ Sẽn-Ka-Saab gũud wakat n na n ning yãmb barka, rẽ n kɩte, tɩ b na n yik n zoe yãmb nimbãanega. Bala, Sẽn-Ka-Saab yaa Wẽnnaam sẽn yaa bʋ-tɩrg soaba. Bark bee neb nins fãa sẽn tẽed bãmbã zugu!

A Dãniyɛlle 3:28

Rĩm a Nebukatnedzaar zẽka a koɛɛg n yeel yaa: «Bɩ a Sadrak ne a Mesak la a Abednego Wẽnnaamã paam pẽgre. Bala, bãmb tʋma b malɛɛk t'a wa n fãag b tʋmtʋmdbã. A Sadrak ne a Mesak la a Abednego kɩsa sɩd ne b Wẽnnaamã, n kɩɩs rĩmã noore, n gẽneg b yõore, n ka sak n na n wõgemd n waoog Wẽnnaam a to tɩ sã n ka bãmb Wẽnnaamã bal ye.

A Dãniyɛlle 6:23

Mam Wẽnnaamã tʋma b malɛɛk t'a wa mum gɩgmã wã noy tɩ b ka tõog n maan maam bũmb ye. Bala, Wẽnnaam gesame tɩ mam tara bʋʋm bãmb nifẽ. N-na! Mam ka maan bũmb sẽn yaa wẽng n beeg yãmb me ye.»

A Matiye Sõng 10:16

Ade, mam tʋmda yãmb wa piis digd-n-yĩids sʋka. Dẽ yĩnga, yɩ-y yam dãmb wa wiisi, la y yɩ neb sẽn ka tar yell ye, n yaa wa wala.