Yelbũna 15:8 - WẼNNAAM SEBRE 2014

⁸ Nin-wẽnsã maoong yaa yel-beed Sẽn-Ka-Saab nifẽ, la nin-tɩrsã pʋʋsg tata bãmb yam.

SEBR SÕNGO

⁸ Wẽnd sẽn kis wa fãa-fãa yaa nin-wẽns maoongo, b sẽn nonge yaa nin-tɩrs wẽn-kosgo.

Yelbũna 15:8 Iomraidhean Croise

2 Sãmwɛlle 15:12

La a Absalom sẽn wa n be Ebrõ n maand maanda wakate, a leb n tʋma ned t'a kẽng Gilo tẽngã, n tɩ bool a Ayitofɛll sẽn yaa a Davɩɩd sagendã t'a wa. La a Absalom nebã sõor dag n tara paasgo, tɩ yellã me paamd pãng n paasdẽ.

1 Rĩm-dãmbã 3:10

Sẽn-Ka-Saab sũur yɩɩ noog ne a Salmo kosgã.

1 Kibayã 29:17

Mam Wẽnnaam, mam miime tɩ yãmb feesda sũyã, la y nonga tɩrlem. Mam kõo yãmb yamleoog kũun-kãensã fãa ne sũur sẽn yaa tɩrga, la yaa ne sũ-noog la mam get yãmb nebã sẽn be ka wã sẽn wa ne kũun n kõt yãmb ne yamleoogã.

Yɩɩn‑sõamyã 141:2

Bɩ m pʋʋsgã zẽk wa wisd n ta y nengẽ. Bɩ m nusã sẽn zẽk n tees yãmbã yɩ wa zaabr maoongo!

Yɩɩn‑sõamyã 17:1

A Davɩɩd pʋʋsgo. Sẽn-Ka-Saabo, kelg-y m sẽn kot yãmb ne tɩrlmã, wʋm-y m kɛlengã. Kɩll-y y tʋbr n kelg m pʋʋsgã, tɩ m ka pʋʋsd-y ne zãmb ye.

Yelbũna 10:24

Nin-wẽng sẽn zoet bũmb ningã n paamd-a, la nin-tɩrg sẽn dat bũmb ningã la a paamda.

Yelbũna 15:29

Sẽn-Ka-Saab zãra ne nin-wẽnse, la b kelgda nin-tɩrsã pʋʋsgo.

Yelbũna 15:7

Yam dãmb goam pida ne bãngre, la yalem sũur tagsg ka woto ye.

Yelbũna 21:27

Nin-wẽns maoong yaa yel-beedo. Sẽn yɩɩd fãa, yaa b sã n wat ne yam-wẽnga.

Yelbũna 21:3

Ned sã n kẽnd ne tɩrlem la a maand sẽn zemse, nooma Sẽn-Ka-Saab sũuri, n yɩɩd maando.

Yelbũna 28:9

Ned sã n yẽd a tʋb n ka rat n kelg zãmsgo, a pʋʋsgã meng yaa yel-beedo.

Kowelɛt 5:1

Ra yɩ yãg-yãg n yiis gomd f noorẽ ye. Ra yɩ tao-tao n yiis f sũur tagsg gomd Wẽnnaam taoor ye. Bala, Wẽnnaam bee saasẽ, la fo bee dũniyã zugu. Dẽ wã, bɩ f ra gom wʋsg ye.

A Salmo yɩɩla 2:14

M walle, fo bee pĩis bogdẽ n solgd f meng pẽgsẽ. Sak tɩ m yãnd f neng la m wʋm f koɛɛga. Bala, fo koɛɛg yaa noogo, la fo neng yaa neere.»

A Ezayi 61:8

Bala, maam a Sẽn-Ka-Saab nonga zemsgo, la m kisa wẽgb ne wẽnem. Mam na n keoo bãmb wa sẽn segde, la m maan kaool sẽn ka sɛt ne bãmba.

A Ezayi 66:3

Sẽn kʋʋd-a naaf n maan maoongo, wẽnda wa a sẽn kʋʋd ninsaala. Sẽn maand-a peosg bɩ bʋʋg maando, wẽnda wa ned sẽn pãbd baaga. Sẽn wat-a ne kũuni, wẽnda wa a sẽn wat ne kurkur zɩɩm. Sẽn wat-a ne wisd kũuni, wẽnda wa a sẽn pʋʋsd wẽn-naandse. Nin-bãmb fãa sũy yaa noog ne b manesmã, la bãmb maanda sũ-noog ne b yel-yoodã.

Zeremi 6:20

Wisd sẽn yit Seba yõod ne maam yaa bõe? Parfẽ sẽn yit zĩ-zãrsẽ yõod ne maam yaa bõe? Mam ka na n deeg y maand sẽn yõogd bugmã ye. Y maandã ka noom maam ye.

A Dãniyɛlle 9:23

Hal fo se-yõkrã sɩngrẽ, Wẽnnaam tʋma koɛɛga, la mam waame n na n togs foom koe-kãnga. Bala, fo yaa Wẽnnaam nin-nongre. Kelg koɛɛgã neere, la f wʋm vẽnegrã võore.

Maan‑kʋʋre 7:18

La ned sã n baas n wãb a zems-n-taar maoong nemdo, maoongã yɩ tɩ rabɩtẽ, Sẽn-Ka-Saab ka na n deeg a maoongã ye. La b ka na n geelg yẽnda maoongã ye, la a soabã rẽgma a menga. La ned ning sẽn wãb-a maoongã nemdã rogenda yell a meng zugu.

A Miise 6:6

Bõe la mam na n tall n kẽng Sẽn-Ka-Saab taoore? M na n talla bõe n tɩ wõgemd Wẽnnaam sẽn be saasẽ wã taoore? Mam na n waa bãmb taoor ne maand sẽn yõogd bugum bɩ? Bɩ m na n waa bãmb taoor ne nag-bi sẽn tar yʋʋmde?

A Miise 6:7

Mam sã n kõ Sẽn-Ka-Saab pe-raad tusa, wall m kõ-b kaam sẽn yaa wʋsg wa ko-zoetem, bãmb sũur na n yɩɩ noog bɩ? Mam na n dɩka m bi-rẽeng n kõ-b n paam m beegrã sugr bɩ? Mam na n dɩka m bi-roak n kõ-b n paam m yel-wẽnã sugri bɩ?

A Aaze 2:14

Dẽ, a Aaze yeelame yaa: «Nin-bãmbã me yaa woto, nimbuiidã sẽn yas mam taoorã me yaa a woto. Maam a Sẽn-Ka-Saab n yeele. Bãmb nusã tʋʋm fãa me yaa a woto. B sẽn wat ne bũmb ning tẽn-kugrẽ wã yaa bõn-dẽgdo.»

Malasi 1:10

Ãnda n be yãmb sʋkã, n na n pag Wẽnd doogã kʋɩlemse, tɩ yãmb ra leb n yõgen bugmã mam tẽn-kugrã zug zaalem? Mam sũur ka noom ne yãmba, la y kũunã me ka tat mam yam ye. Maam a Saasẽ-Pãng-Soabã n yeele.

A Zã Sõng 4:24

Wẽnnaam yaa Sɩɩga, la yaa tɩlɛ tɩ neb nins sẽn pʋʋsd bãmbã na pʋʋs ne b sɩɩse, la ne sɩda.»