Yelbũna 15:15 - WẼNNAAM SEBRE 2014

¹⁵ Nimbãan-ned daar fãa vɩɩmã yaa toog bala, la sũ-noog soab maanda tigr daar fãa.

SEBR SÕNGO

¹⁵ Nimbãan-ned beoog wẽnda a zaame, beoog sẽn vẽege sũ-noog soab tara a kibsa.

Yelbũna 15:15 Iomraidhean Croise

Sɩngrẽ 37:35

A Zakoob kom-dibli wã ne a kom-pugli wã fãa yikame n bels a Zakoobe, la a ka sak belsgã ye. Yẽnda yeelame: «Mam na n yãbame n ki n bʋʋg m biig a Zozɛf kɩɩm-kulgu.» La yẽnda yãba a biigã yĩnga.

Sɩngrẽ 47:9

A Zakoob leoka Faarõ yaa: «Yaa yʋʋm koabg la pis-tã la woto, mam sẽn gõod tẽng-tẽnga. La mam yʋʋmã sõor ka waoog ye, la a yɩɩ toogo. La yʋʋm-kãens sõorã ka ta mam saam-dãmbã yʋʋmã, b sẽn dag n wa n gõod tẽng-tẽngã ye.»

Yelbũna 15:13

Ned sũur sã n noomẽ, a noor bee laado, la sũ-pa-noaang maagda gĩina.

Yelbũna 15:14

Sẽn tar-a yam baooda bãngre, la yalem noor pita ne yalem-goam bala.

Yelbũna 15:16

F sã n tar paoong bilf n zoet Sẽn-Ka-Saabo, n são f sẽn na n tar paoong wʋsgo, n yaool n zĩ ne yɩɩre.

Yelbũna 16:22

Yam-sõng yaa vɩɩm bulg yam dãmbã yĩnga, la yalembã yalemdã n yaa b sɩbgre.

Yelbũna 17:22

Sũ-noog wata ne yĩns laafɩ, la sũ-sãang kʋɩɩsda kõaba.

Tʋʋma 16:25

La sẽn kolg yʋn-sʋka, a Poll ne a Sɩlaas ra pʋʋsdame, la b yɩɩnd n waoogd Wẽnnaam. La bi-beesã ra kelgd-b lame.

Rom Dãmba 12:12

Maan-y tẽeb n kɩdme. Paam-y sũ-mar yel-pakr pʋgẽ. Wɩng-y ne pʋʋsgo.

Rom Dãmba 5:11

Sẽn yɩɩd rẽ yɛsa, tõnd maanda sũ-noog Wẽnnaam pʋgẽ, tõnd Zu-soab a Zeezi Kiris maasem yĩnga, soab ning sẽn wa ne zemsg tõnd ne Wẽnnaam sʋk moasã wã.

2 Korẽnt rãmba 1:12

Bala, bũmb ning sẽn kõt tõnd sũ-noogã, yaa tõnd sũ-bãngrã sẽn kɩt kaset tɩ dũni wã neb sʋka, tõnd kẽna ne sõmblem la pʋ-peelem sẽn yit Wẽnnaam nengẽ wã yĩnga, la d kẽna yãmb sʋk a woto n yɩɩda. La ka yɩ ne ninsaal yam ye, yaa ne Wẽnnaam barkã la d maan woto.

2 Korẽnt rãmba 1:5

Bala, a wa Kiris namsgã sẽn paamd tõndã, woto me, tõnd paamda belsg wʋsg Kiris maasem yĩng me.

2 Korẽnt rãmba 6:10

B geta tõnd wa sũ-sãang rãmba, la tõnd tara sũ-noog daar fãa. B geta tõnd wa naong rãmba, la tõnd kɩtdame tɩ neb wʋsg lebgd arzegs rãmba. B geta tõnd wa neb sẽn ka tar baa fʋɩ, la tõnd yaool n tara bũmb fãa.

1 Pɩyɛɛr 4:13

Ka tog n yɩ a woto ye, maan-y sũ-noogo, yãmb sẽn paam pʋɩɩr ne Kiris namsgã yĩnga, tɩ yãmb tõe n maan sũ-noog n kɩdem wakat ning bãmb ziirã sẽn na n pukã.