Yelbũna 14:30 - WẼNNAAM SEBRE 2014

³⁰ Yam-gãneg kõta yĩns vɩɩm, la sũ-kiir yaa wa bãag sẽn dɩt kõaba.

SEBR SÕNGO

³⁰ Vɩɩm sẽn sakde yaa sũur sẽn zãr ne yɩɩre, raab wagl lebga zũnzũuri n fõosd f kõaba sɩɩlem.

Yelbũna 14:30 Iomraidhean Croise

1 Rĩm-dãmbã 21:6

La rĩmã leokame yaa: «Mam goma ne Yiizreyɛll dao a Nabot n yeel-a t'a kõ-m a pʋʋgã tɩ m da, wall a sã n data, m na n kõ-a-la reezẽ tɩɩs pʋ-sõng a to n led a zĩigẽ. La a leoka maam t'a ka na n kõ maam a pʋʋgã ye!»

A. Zoobe 5:2

Bala, yalem sũ-toog n kʋʋd-a, la ka-yam soab sũ-kiir n kʋʋd-a.

Yɩɩn‑sõamyã 112:10

Nin-wẽng nee rẽ t'a sũur puudẽ, t'a wãbd a yẽna, t'a sũur wurdẽ. Nin-wẽnsã ratem na n sãamame.

Yɩɩn‑sõamyã 119:80

Mam na n saka y noyã ne m sũur fãa, n da wa paam yãnd ye.

Yelbũna 12:4

Pʋg-sõng yaa a sɩd ziiri, la sẽn ningd-a sɩd yãnd yaa wa bãag sẽn dɩt a kõabã.

Yelbũna 15:13

Ned sũur sã n noomẽ, a noor bee laado, la sũ-pa-noaang maagda gĩina.

Yelbũna 17:22

Sũ-noog wata ne yĩns laafɩ, la sũ-sãang kʋɩɩsda kõaba.

Yelbũna 3:8

Bõn-kãng n na n kõ f yĩnsã laafɩ, la a kõ f kõabã keelem.

Yelbũna 4:23

Maan gũusg ne f sũurã tagsg n yɩɩd bũmb fãa, bala, ninsaal vɩɩm yita a sũur pʋgẽ.

Abakuk 3:16

Mam sẽn wʋm bʋrgã, mam põaagã bendgame. Bʋrgã kɩtame tɩ m no-bɩmsã rigda, tɩ mam kõabã wãgda, tɩ m naoã gĩin maage. La m dag n yasa sɩɩ n gũudẽ, m dag n gũuda sũ-sãangã daare, m dag n gũuda daar ning tõnd sẽn na n tɩ zab ne sẽn zabd-b ne tõndã.

Tʋʋma 7:9

La Zʋɩf-rãmbã yaab-rãmb maana sũ-kiir ne a Zozɛf n koos-a tɩ b tall-a n kẽng Ezɩpte.

Rom Dãmba 1:29

Ka-tɩrlem buud fãa, la pʋ-toogo, la yão-beedo, la wẽnga, la ratem-wẽnga, la nin-kʋʋbo, la zaba, la zãmbo, la sɩlem n pid bãmba.

2 Tɩmote 1:7

Bala, ka rabeem Sɩɩg la Wẽnnaam kõ tõnd ye, la yaa pãnga, la nonglem, la yam Sɩɩga.

Zake 4:5

Yãmb tẽedame tɩ Wẽnnaam gʋls-sõamyã sẽn yet tɩ: «Yaa ne sũ-kiir la Wẽnnaam nong sɩɩg ninga b sẽn kɩt tɩ b be yãmb pʋgẽ wã.» B gomda zaalem la?