Yelbũna 11:17 - WẼNNAAM SEBRE 2014

¹⁷ Nin-sõng maanda a meng neere, la nin-toaag maanda a meng wẽnga.

SEBR SÕNGO

¹⁷ Bũmb sẽn manegd nin-noanga yaa a nonglma. Sẽn ya-a nin-toaaga lɛɛg n sɩbgda a menga.

Yelbũna 11:17 Iomraidhean Croise

A. Zoobe 20:16

Yẽnda yũuda põeer zẽnem. La ruruug zelemd n na n kʋ-a.

Yelbũna 15:27

Ned sã n nong zãmb paoongo, a wata ne zu-beed a meng zak pʋga, la sẽn kis-a zãmb kũun na n vɩɩmdame n kaoose.

Yelbũna 22:9

Maan-neer soab na n paama barka, bala, yẽnda rɩkda a rɩɩb n dɩlgd naong rãmba.

Kowelɛt 4:8

Yaa ned sẽn yaa a yembr n ka tar doagd ye. Yẽnda ka tar bi-ribl wall ba-biig ye. La baoosgo, yẽnda tʋʋmdã ka tar tɛk ye. Yẽnda ninã ka tɩgd arzegs ye. Yaa ãnda yĩng la mam sẽn tʋmd n mongd m meng sũ-noog woto wã? Woto me yaa zaalem la a yaa tʋʋmd sẽn yaa wẽnga.

A Ezayi 57:1

Nin-tɩrg kiidame tɩ ned ba a yembr toog ka ye. B mumda nin-sõamyã tɩ ned ba ye ka mi tɩ b sẽn mum nin-tɩrgã yaa sẽn na n yɩl t'a põs toog ye.

A Dãniyɛlle 4:27

Rĩmã yeelame: «Ges Babilond tẽn-kãsengã, yaa ne m pãngã, la mam tõog n me-a t'a lebg na-tẽnga, mam mengã waoogr ne m ziir yĩnga.»

A Matiye Sõng 5:7

Bark bee nimbãan-zoɛtbã zutu, bala Wẽnnaam na n zoee bãmb me nimbãanega.

A Luk Sõng 6:38

Bɩ y kõ la b na kõ yãmba. B na n maka sõama n kõ yãmba, n dĩ, n yegse, n ning tɩ sudgi. Bala, ne makdg ning yãmb sẽn makd n kõt nebã, Wẽnnaam na n maka ne rẽnda n kõ yãmba.

Filip rãmba 4:17

Ka tɩ mam baooda kũun ye, mam sẽn baood bũmb ninga yaa tɩ yãmb wom biis wʋsgo. Rẽnda n na n yɩ yãmb yõodo.

Zake 2:13

Bala, ned sã n ka tar nimbãan-zoeere, bʋʋdã me ka na n zoe a nimbãaneg ye. Nimbãan-zoeer tõogda bʋʋdo.