Yelbũna 11:16 - WẼNNAAM SEBRE 2014

¹⁶ Pʋg-sõng paamda ziiri, la pãens rãmbã paamda arzegse.

SEBR SÕNGO

¹⁶ Pag sẽn tar neerem paamda waoogre, la rao sẽn modgd a menga paamda arzɛka.

Yelbũna 11:16 Iomraidhean Croise

A Ɛstɛɛre 9:25

La a Ɛstɛɛr sẽn kẽng rĩmã nengẽ wã, rĩmã gʋlsame n yeele: «Bɩ saag-wẽng ning a Haman sẽn dag n saagd n dat n maan Zʋɩf-rãmbã, lebg n sig a Haman mengã zugu. La bɩ b luul yẽnda ne a kom-dibli wã fãa ra-lugdg zugu.»

Yelbũna 31:28

A kambã gomda a yelle, n yetẽ t'a tara barka, la a sɩdã pẽgd-a lame n yetẽ:

A Amoose 3:10

Sẽn-Ka-Saab yetame: Bãmb ka mi tɩ maan sɩd ye, bãmb pidsda b pãng zĩisã ne paoong b sẽn deeg ne pãnga.

A Amoose 3:9

Moon-y Asdood ne Ezɩpt pãng zĩisẽ wã n yeele: «Tigm-y taab Samaari tãmsã zutu, n ges zũnglg ninga, la namsg ning b sẽn namsd nebã Samaari tẽngã pʋgẽ wã.»

A Matiye Sõng 26:13

Sɩd-sɩda, mam yeta yãmb tɩ dũni tɛk fãa, zĩig ning fãa b sẽn na n moon koe-no-kãngã, b na n goma bũmb ning pagã sẽn maanã yelle, a tẽegr yĩnga.»

A Luk Sõng 10:42

Bũmb a yembr tãa n yaa tɩlɛ. A Maari yãka pʋɩ-sõng b sẽn kõn deeg n bas-a ye.

A Luk Sõng 8:3

a Erood ligd gɛt a Suuza pag a Zan n paas a Suzan, la pagb a taab wʋsg sẽn dag n yãkd b paoong n sõngd a Zeezi ne b karen-biisã.

Tʋʋma 9:39

La a Pɩyɛɛr yikame n tũ-b n looge. La a Pɩyɛɛr sẽn ta be, b tall-a lame n dʋ yĩngr doogã pʋgẽ. La pʋg‑kõapã fãa kolga yẽnda n yãbd la b wilgd yẽndã fu-yerd ninsi, la fut nins a Dorkaas sẽn dag n sẽ a sẽn wa n ket n vɩ wã.

Rom Dãmba 16:6

Pʋʋs-y-yã a Maari sẽn nams a meng wʋsg yãmb yĩngã.

2 Zã 1:1

Kãsmã n tʋmd seb-kãngã pag a Kirya sẽn ya Wẽnnaam nin-tũusdgã ne a kambã mam sẽn nong sɩdã pʋgẽ wã. La ka maam m ye n nong-b ye, neb nins fãa sẽn bãng sɩdã me nong-b lame,

1 Sãmwɛlle 25:40

A Davɩɩd tʋmtʋmdbã kẽnga a Abigayɩll nengẽ Karmell n tɩ yeele: «A Davɩɩd n tʋm tõnd tɩ d wa peeg-f n wa t'a maan a paga.»