Yelbũna 10:15 - WẼNNAAM SEBRE 2014

¹⁵ Arzɛk soab arzɛk n yaa a pãnga, la naong soab naong n wãad-a.

SEBR SÕNGO

¹⁵ Arzɛk soab pãng la a arzɛkã, la bũmb ka wãad naong soaba n zʋʋg a naonga ye.

Yelbũna 10:15 Iomraidhean Croise

Yɩɩn‑sõamyã 49:6

Bõe yĩng tɩ mam na n zoe rabeem toog daare? Mam bɛɛbã tʋʋm-beedã gũbga maam.

Yɩɩn‑sõamyã 52:7

Woto me, Wẽnnaam me na n sãam-f-la wakat fãa yĩnga. B na n lub-f lame, n vuug-f n yiis f fu-roogẽ wã. B na n yiisa foom nin-vɩɩsã sʋka.

Yelbũna 14:20

Baa naong soab zo-rãmb kis-a lame, la arzɛk soab zo-rãmb yaa wʋsgo.

Yelbũna 18:11

Arzɛk soab arzɛk n yaa a pãnga. Yẽnda tagsdame t'a arzɛkã yaa wa lalg sẽn zãnte.

Yelbũna 19:7

Naong soab saam-biis fãa kis-a lame, t'a zo-rãmb me zãagd n basd-a. A baood-b lame n na n gom ne, la a ka yãt-b ye.

Kowelɛt 7:12

Bala, yam maasem yaa wa ligd maasem. La bãngr yõodã, yaa t'a fãagda neb nins sẽn tar-b yamã.

Zeremi 9:23

Ned sã n dat n maan sũ-noogo, bɩ a maan sũ-noog a sẽn tar yam la a mi maam, la a miẽ tɩ mam yaa Sẽn-Ka-Saab sẽn tʋmd ne nonglem la tɩrlem ne zemsg dũniyã zugã yĩnga. Bala, yaa bõn-kãens n noom maam.» Maam a Sẽn-Ka-Saab n yeele.

A Mark Sõng 10:24

A Zeezi gom-kãng yɛɛsa b karen-biisã, la a Zeezi kẽnga taoor n yeel-ba: «M kamba, ad na n yɩɩ toog ne [neb nins sẽn teegd arzegsã] tɩ b kẽ Wẽnnaam soolmẽ.

A Luk Sõng 12:19

La mam a n yeela m meng yaa: Fo tara paoong wʋsg sẽn sekd yʋʋm wʋsg yĩnga. Bɩ f vʋʋse, n dɩ la f yũ, la f maan sũ-noogo.»

1 Tɩmote 6:17

Yeel neb nins sẽn tar arzegs dũni‑kãngã pʋgẽ wã tɩ b ra maan wilg-m-menga, la b da rɩk b teegrã n teeg arzegs b sẽn ka tar a hakɩɩk ye. Bɩ b teeg Wẽnnaam, tɩ b kõta bũmb fãa tɩ seke, tɩ tõnd tõe n tall n maan sũ-noog ne.