Yelbũna 1:9 - WẼNNAAM SEBRE 2014

⁹ Bãmb na n yɩɩ maanf sẽn yaa neer sẽn be f zugẽ, la kĩndi sẽn be f loorẽ.

SEBR SÕNGO

⁹ Ad-b saglsã na n manega f vɩɩma wa pugl neere sẽn fõgneg f zugu, bɩ faong teedo sẽn luund f yãoogẽ.

Yelbũna 1:9 Iomraidhean Croise

Sɩngrẽ 41:42

Faarõ pidga a meng nugbĩngã sẽn tar nug-tikr bãndã n pid a Zozɛf nug-bila, la a kɩt tɩ b yeelg-a fu-neeb sẽn pɩnda, la a pid a Zozɛf loorã ne sãnem yãndo.

Yɩɩn‑sõamyã 73:6

Rẽ n kɩte, tɩ wuk-m-mengã yaa b nag-teoogo, tɩ wẽngã maaneg yaa b fuugu.

Yelbũna 3:22

Bala, b na n kõ-f-la vɩɩm, la b na n gũu foom.

Yelbũna 3:3

Ra sak n bas maan-sɩd la pʋ-peelem ye, pid bãmb f loorẽ, la f gʋls bãmb f sũur pʋgẽ.

Yelbũna 4:9

A na n fõgna f zugã ne sõmblem maanfo, la a fõgen f zugã ne maanf sẽn tar ziiri.

A Salmo yɩɩla 1:10

Fo yɛgã yaa neeb n be fo tʋblondã sʋka. La fo yublã toga ne lo-yɛrga.

A Salmo yɩɩla 4:9

M pʋg-paala, m tão, fo noogda mam sũur wʋsgo. Fo sã n ges maam vugr bal tɩ mam yãnd fo lo-yɛrg a yembr bala, mam sũur yaa noogo.

A Ezayi 3:19

b tʋblondã ne b nug-zũyã ne pɛɛlã b sẽn lut b nensã,

Zeremi 35:8

Tõnd saka bũmb nins fãa tõnd yaab a Yonadaab sẽn dag n yeel tõndã. Dẽ wã, tõnd mensã wall d pagbã ne d kom-dibli wã la d kom-pugli wã ka na n tol n yũ reezẽ rãam abada.

Ezekiyɛl 16:11

Mam nagsa foom ne fan-teedo, n ning f nusã zũyã, la m ning f loorã kĩndfu.

A Dãniyɛlle 5:16

B yeela maam tɩ fo yaa ned sẽn tõe n kõ yel-soalem bilgri, la f tõe n wilg yel-tood manegr soayã. Dẽ wã, fo sã n tõog n karem gʋlsmã fo sẽn ne wã, la f bilg a võorã n kõ maam, b na n yeelga foom naam fuugu, la b pid fo yublã sãnem yãndo, la b kɩt tɩ f lebg soolmã naab a tãabẽ soaba.»

A Dãniyɛlle 5:29

La wakat-kãng bala, rĩm a Bɛlsatzaar kõo noor tɩ b yeelg a Dãniyɛll naam fuugu, la b pid a yublã sãnem yãndo, la b moon n yeel t'a Dãniyɛll lebga naab a tãabẽ soab soolmã pʋga.

A Dãniyɛlle 5:7

La rĩmã tãsame, n yeel tɩ b tɩ bool bãngdbã ne Kalde rãmbã bãngdbã, ne bag-bʋgdbã tɩ b wa. Dẽ, rĩmã yeela bãmb yaa: «Ned ning sẽn na n tõog-a n karm-a gʋlsmã, la a bilg a võorã n kõ-ma, b na n yeelga a soabã naam fuugu, la b pid a soabã kokor sãnem yãndo, la b kõ-a naam n kɩt t'a yɩ tãabẽ-soab mam soolmã nanambs sʋka.»