Vẽnegre 9:5 - WẼNNAAM SEBRE 2014

⁵ B ka kõ sʋyã noor tɩ b kʋ nebã ye, la yaa tɩ nams-b kiis a nu. La namsg ning b sẽn namsd nebã wẽnda wa nang sẽn dũmd ned t'a namsd to-to wã.

SEBR SÕNGO

⁵ B da ka tar sor n kʋ neb ye, yaa b nams-b bal kiis a nu tõre; la b rũmba zabr da yaa wa nang rẽnna.

KÃAB-PAALGÃ KOE-NOOGO

⁵ B ka kõ sʋyã noor tɩ b kʋ nebã ye, la yaa tɩ nams-b kiis a nu. La namsg ning b sẽn namsd nebã wẽnda wa nang sẽn dũmd ned t'a namsd to-to wã.

Vẽnegre 9:5 Iomraidhean Croise

2 Kibayã 10:11

La sẽn paase, yeel-y-b tɩ y ba sã n dag namsa bãmba, yãmb na n paasa bãmb namsgã tɩ yɩɩg rẽndã. La y ba sã n dag n sɩbga bãmb ne kalwaase, yãmb na n sɩbg-b-la ne namse.»

2 Kibayã 10:14

Dẽ, a Roboaam reega a kom-bɩɩsã sẽn yaa yẽnda reed-n-taasã sagls n yeel nebã yaa: «M ba rag n namsa yãmba, la mam na n paasa yãmb namsgã tɩ yɩɩg rẽndã, m ba rag n sɩbga yãmb ne kalwaase, la mam na n sɩbga yãmb ne namse.»

A. Zoobe 2:6

Sẽn-Ka-Saab yeela sʋtãana yaa: «Beneere, a bee fo nugẽ. Bũmb sẽn be bala, ra sɩɩs a vɩɩmã ye!»

Ezekiyɛl 2:6

La foom a ninsaala, da zoe bãmb ye, da zoe b goamã rabeem ye. Bala, fo bee ne neb sẽn yaa wa gõose, la wa gõ-payãndse la fo na n zĩnda nams zutu. Da zoe b goamã rabeem ye, la ra bas tɩ b nensã yɛɛs foom ye. Bala, yaa buud sẽn yaa tõata.

A Dãniyɛlle 7:6

Rẽ zugẽ, mam dag n getame, la mam yãnda rũng a to sẽn wẽnd ãbga, la a rag n tara pɩgs a naas sẽn yaa liuul pɩgs a poorã zugu, la rũn-kãng rag n tara zut a naase, la b kõ-a-la naam.

A Zã Sõng 19:11

A Zeezi leokame n yeele: «Yãmb sã n dag n ka reegẽ noor yĩngi, yãmb ka tar noor tɩ maan maam baa fɩ. Rẽnda n kɩt tɩ ned ning sẽn tall maam n wa n kõ yãmbã yel-wẽnd yɩɩd yãmb dẽndã.»

Vẽnegre 11:7

Bãmb sã n wa kɩs b kasetã n sɛ, rũng ning sẽn yit bog-zulungẽ wã na n yika zabr ne bãmba, n tõog-ba, n kʋ-ba.

Vẽnegre 13:5

B kõo rũngã noor t'a gom wilg-m-meng goam la Wẽnnaam paoogr goamã. La b kõo yẽnda pãn-tõog t'a tʋm kiis pis-naas la a yiibu.

Vẽnegre 13:7

La b kõo yẽnda noor t'a yik zabr ne Wẽnnaam nin-tũusdsã n tõog-ba. B kõo yẽnda pãn-tõog t'a tõog buud fãa, la tẽng fãa nebã, la goam buud fãa nebã, la soolem fãa.

Vẽnegre 9:10

Bãmb dag n tara zʋy sẽn wẽnd nams zʋyã, la b tara zʋ-gõose, la pãn-tõog ning bãmb sẽn na n tall n nams ninsaalbã kiis a nu wã ra bee bãmb zʋyẽ wã.

Vẽnegre 9:3

Sʋy yii bug-zõosẽ wã n sãeeg n kẽ tẽngã, la b kõo bãmb pãn-tõog sẽn yaa wa tẽng zug namsã sẽn tarã.