Vẽnegre 8:11 - WẼNNAAM SEBRE 2014

¹¹ Ãd-kãng yʋʋr boondame t'a Zẽnem. La koomã pʋɩɩr a yembr tãab sʋk lebga zẽnem, la koomã sẽn lebg zẽnemã kʋʋ ninsaalb wʋsgo.

SEBR SÕNGO

¹¹ Ãdga yʋʋr la a «Tɩɩsem»; kooma bogr a tãab sob lebga tɩɩsga la neb wʋsg sẽn yũ kooma sẽn lebg toog liga kiime.

KÃAB-PAALGÃ KOE-NOOGO

¹¹ Ad-kãng yʋʋr boondame t'a Zẽnem. La koomã pʋɩɩr a yembr tãab sʋk lebga zẽnem, la koomã sẽn lebg zẽnemã kʋʋ ninsaalb wʋsgo.

Vẽnegre 8:11 Iomraidhean Croise

Yikri 15:23

Bãmb taa Maara, la b ka tõog n yũ Maara koomã ye. Bala, a rag n yaa toogo. Yaa woto n kɩt tɩ b pʋd zĩigã yʋʋr tɩ Maara.

Yelbũna 5:4

La baoosgo, a wat n lebga toog liga, n wãagd wa zabr sʋʋg sẽn tar noy a yiibu.

Zeremi 23:15

Woto yĩnga, ad Saasẽ-Pãng-Soabã sẽn yet no-rɛɛsdbã wɛɛngẽ: «Mam na n kõo bãmb rɩɩb sẽn yaa toog liga tɩ b rɩ, la m kɩt tɩ b yũ koom sẽn tar zẽnem. Bala, Zeruzalɛm no-rɛɛsdbã kɩtame tɩ tẽngã fãa pid ne rẽgdo.»

Zeremi 9:15

Mam na n kɩtame tɩ b sãeeg n kẽng bu-zẽms bãmb ne b yaab-rãmbã sẽn ka mi sʋka. La m na n kɩtame tɩ b rig bãmb ne zabr sʋʋga, hal tɩ m menes-b zãnga.»

Kʋʋr yɩɩla 3:19

Bɩ y tẽeg mam namsgã ne m yeebgã yelle, mam zẽnem-toaagã ne m zẽnemã yelle.

Kʋʋr yɩɩla 3:5

Bãmb sẽbga maam n gũbg maam ne zẽnem-toaaga, la ne namsgo.

A Amoose 5:7

Yãmb kaooda bʋʋd kɛga, n mongd bʋʋm dãmb bʋʋm.

A Amoose 6:12

Wed-moos tõe n zoee pĩig kugr zug sɩda? Ned me tõe n koo ko-kãsengã pʋg ne niig sɩda? La yaa bõe tɩ yãmb tekd sɩd tɩ lebg zĩrẽ, la y tekd tɩrlem tɩ lebg wẽnga?

Zakari 13:8

Dẽ, maam a Sẽn-Ka-Saab yetame: Tẽngã pʋga, neb a tãab sʋka, neb a yiib n na n ki, b na n sãamame, la sẽn kell-a wã na n vɩɩmdame.

Zakari 13:9

La m na n dɩka sẽn kell-a wã n ning bugmẽ, mam na n yẽnega yẽnda wa b sẽn yẽnegd wanzuri, mam na n zuga yẽnda wa b sẽn zugd sãnem. Yẽnda na n boola mam yʋʋrã, la mam na n leok-a lame. Mam na n yeelame yaa: «Bãmb n yaa mam nebã.» La bãmb na n yeelame: «Sẽn-Ka-Saab n yaa tõnd Wẽnnaam.»

Yaoolem 29:18

Ned sã n wʋm goam nins b sẽn gom wẽen-kangã pʋgã, bɩ a ra kãab a meng noog n yeele: «Baa mam sã n tũ m sũurã tagsg n maan tʋʋm-wẽns tɩ looge, yell ka na n paam maam ye.»

Ebre rãmba 12:15

Bɩ yãmb ned kam fãa mao n da wa n mong a meng Wẽnnaam barkã ye, tɩ yẽgen-tõaag baa a yembr da wa tobe, n wa ne rãmbgo, n nams neb wʋsg ye.

Vẽnegre 12:4

Yẽnda zʋʋrã rag n kãagda ãdsã sẽn be yĩngrã, yembr tãab fãa sʋk n lobd tẽng zugu. Wag‑bɛɛgã yik n yalsa pag ning sẽn dat n dogã taoore, tɩ pagã sẽn dog yee, bɩ yẽnda vel a biigã.

Vẽnegre 8:7

Pipi malɛɛkã peeba baorgo. La sapɩlem ne bugum sẽn kalem ne zɩɩm zĩndame, la b lob-b-la tẽng zugu. Tẽngã pʋɩɩr a yembr tãab sʋk rɩɩ bugum, tɩɩg a yembr tãab sʋk rɩɩ bugum, la mo-maasã fãa rɩɩ bugum.

Vẽnegre 9:15

La b baaga malegs a naasã sẽn da segl n sɛ wakate, la daare, la kiuugu, ne yʋʋmdã yĩngã, tɩ b kʋ ninsaalbã ned a yembr tãab fãa sʋka.

Vẽnegre 9:18

To-kãensã a tãabã sẽn yaa bugmã, la bug-zõosã ne kidbrã sẽn da yit wiidã noyẽ wã kʋʋ ninsaalbã ned a yembr tãab sʋka.

A Ruti 1:20

La a Naoomi yeela pagbã yaa: «Da bool-y maam t'a Naoomi, sẽn dat n yeel t'a ‹sũ-noog› ye, bool-y maam t'a ‹Maara›, sẽn dat n yeel t'a ‹sũ-toogo.› Tɩ bala, Pãng-Soabã kɩtame tɩ mam vɩɩmã lebg toog wʋsgo.