Vẽnegre 7:9 - WẼNNAAM SEBRE 2014

⁹ Dẽ poore, mam gesame, la mam yãnda neb kʋʋng ned sẽn ka tõe n sõd n sɛ ye. Bãmb yii soolem dãmbã fãa pʋse, buud toay-toayã fãa pʋse, tẽms toay-toayã fãa pʋse, la sẽn gomd goam buud toay-toayã. Bãmb dag n yera fu-peelse, la b zãad koms vãad b nusẽ n yas geerã taoore, la pe-bilã taoore.

SEBR SÕNGO

⁹ Dẽ poore m yãee zãma kõn bãng n sõde, tẽns toɛ-toɛ rãmba, buud toɛ-toɛ, rog-n-mik toɛ-toɛ, goam biis toɛ-toɛ; m yãend-b lame tɩ b yɛs yĩngri, zaoora taoore la Pe-bila taoore, n yer fu-wogd peelse la b zãad kãase la b moon ne koe kãsenga:

KÃAB-PAALGÃ KOE-NOOGO

⁹ Dẽ poore, mam gesame, la mam yãa neb kʋʋng wʋsg ned sẽn ka tõe n sõd n sɛ ye, sẽn yi soolem dãmba fãa pʋse, buud fãa pʋse, tẽns toay-toay fãa pʋse, la sẽn gomd goam buud toor-toore. Bãmb dag yera fu-peelse la b zãad koms vãad b nusẽ n yas geerã taoore la Pe-bila taoore.

Vẽnegre 7:9 Iomraidhean Croise

Sɩngrẽ 13:16

Mam na n kɩtame tɩ fo yagensã yɩ wʋsg wa tẽng tom. Ned sã n tõog n sõd tẽngã tomã sõore, a na n tõog n sõda fo yagensã me sõore.

Sɩngrẽ 49:10

Naam dasaar kõn tol n zãag n bas a Zʋʋda ye. La naam kãnd kõn tol n kong yẽnda naoã tẽngr ye, hal t'ɩ sẽn soa bãmbã wa, tɩ nebã buud fãa sak yẽnda.

Yɩɩn‑sõamyã 2:8

Kos maam, la mam na n kõo foom soolem-dãmb tɩ yɩ f pʋɩɩre, la m kɩt tɩ f soolmã tãag dũniyã tɛk fãa.

Yɩɩn‑sõamyã 22:27

Naong rãmbã na n dɩɩ n tɩgame. Sẽn baood-b Sẽn-Ka-Saabã na n pẽga bãmba. Bɩ bãmb vɩɩmd wakat sẽn ka sɛta!

Yɩɩn‑sõamyã 76:4

Beenẽ, bãmb kaoo tãbdo, la b sãam gãndo, n kao sʋʋse, n kɩt tɩ zabr sɛ.

Yɩɩn‑sõamyã 77:2

Mam zẽkda m koɛɛg n kelemd n boond Wẽnnaam. Mam kelemdame n boond Wẽnnaam, la bãmb kelgda maam.

Yɩɩn‑sõamyã 98:3

Bãmb tẽega b nonglmã ne b pʋ-peelmã b sẽn tar Israyɛll nebã yĩngã yelle. La dũniyã gill fãa yãnda tõnd Wẽnnaamã fãagre.

Zeremi 16:19

Sẽn-Ka-Saabo, yãmb yaa mam pãnga, la m pãng zĩiga, la m zĩ-soalgdg yel-pakr wakate! Buud toay-toay na n yii dũniyã kɩremsã fãa n wa yãmb nengẽ, la b na n yeelame: Tõnd yaab-rãmbã reega zĩrẽ tɩ yaa b pʋɩɩre, la a yaa bũmb sẽn ka yõodo.

Zeremi 3:17

Wakat-kãnga, b na n boola Zeruzalɛm tɩ ‹Sẽn-Ka-Saab naam geere.› Bu-zẽmsã fãa na n tigma be ne mam yʋʋre, la b na n basa b sũ-keglmã.

Ezekiyɛl 47:5

A leb n maka kãntɩɩg tusri, la a lebga ko-zoetem tɩ mam ka tõe n dʋʋg ye. Koomã lebga zulunga, tɩ rag n yaa tɩlɛ tɩ f rugi. Rag n yaa ko-zoetem tɩ ned rag n ka tõe n dʋʋg ye.

A Dãniyɛlle 4:1

«Maam a Nebukatnedzaar dag n vɩɩ bãan m na-yirã pʋga, n be m na-zakẽ wã tɩ m vɩɩm yaa noogo.

A Dãniyɛlle 6:25

La rĩmã kõo noor tɩ b tɩ yõg neb nins sẽn dõd-b a Dãniyɛllã n wa lob gɩgmã wã bokẽ, bãmb ne b kambã la b pagbã fãa. La sẽn deng bãmb sẽn na n lʋɩ bokã pʋgã, gɩgmã wã koka bãmb n wõr b kõabã zãnga.

Maan‑kʋʋre 23:40

Pipi daarã, bɩ y bao tɩ-sõama wã biisi, ne koms vãado, tɩɩs wil sẽn tar vãado, ne ko-soodã noor yɩlsã, n tall-b n maan sũ-noog Sẽn-Ka-Saab sẽn yaa yãmb Wẽnnaamã taoor rasem a yopoe.

Zakari 10:8

Mam na n fɩɩl n bool-b lame n tigme, bala, yaa maam n fãagd bãmba, la b na n leb n fɩɩga wa pĩndã.

Zakari 2:11

Haya! Sɩyõ nebã, yãmb dãmb sẽn be Babilond tẽn-neerã pʋgẽ wã, zoe-y n põs-y-yã!»

A Luk Sõng 12:1

Wakat-kãnga, neb tus‑tusa tigma taaba, n sẽbg taaba, tɩ yaa wa b na n fẽda taaba. A Zeezi deng n goma ne b karen-biisã n yeel-b yaa: Gũus-y y mens ne Fariizẽ-dãmbã rã-bɩllã sẽn yaa zãmbã.

A Luk Sõng 21:36

Dẽ yĩnga, bɩ y neend la y pʋʋs wakat fãa, tɩ yãmb tõe n paam pãng n põs bũmb nins fãa sẽn tog n wa wã, la y tõog n yals Ninsaal Bi-riblã taoore.»

A Zã Sõng 12:13

Dẽ, nebã kaoo koms-vãad n yi n seg bãmba, n kelemdẽ n yetẽ: Hozaana, bark bee ned ning sẽn wat ne Zu-soabã yʋʋre, Israyɛll Rĩmã zugu.

Rom Dãmba 11:25

Bala, m ba-biisi, mam ka rat tɩ yãmb zɩ yel-solem-kãngã ye, tɩ yãmb da wa n get y mens wa yam dãmb ye: Israyɛll nebã kenga b sũy wakat bilf yĩnga, hal tɩ bu-zẽmsã fãa na kẽ fãagrã pʋgẽ.

Efɛɛz Rãmba 6:13

Yaa woto yĩng n kɩt tɩ mam yet yãmb tɩ y bob Wẽnnaam zab-teedã fãa, tɩ y tõe n yals n zab wẽngã wakate, la tɩ y sã n zab n tõog bũmb fãa, yãmb na yals kãenkãe.

Ebre rãmba 11:12

Dẽ n kɩt tɩ ned a yembr pʋgẽ, dao a yembr sẽn da zoe n yaa kũum, yagens wʋsg n yi be, tɩ b sõorã ta ãdsã sẽn be yĩngrã, la bĩisrã sẽn be ko-kãsengã noor tɩ ned ka tõe n sõd n sa wã.

Ebre rãmba 12:22

La yãmb kolga Sɩyõ tãngã la Wẽnnaam sẽn vɩ wã tẽnga, sẽn yaa yĩngr Zeruzalɛm, la malegs tus wʋsgã.

Vẽnegre 11:15

Malɛɛk a yopoe soabã peeba baorgo. La koe-kãsems zĩnda arzãn n yeel yaa: Dũniyã soolem lebga tõnd Zu-soabã ne bãmb Kirisã n so. Bãmb na n dɩɩ naam zamaan woo zamaana!

Vẽnegre 22:3

Wẽnnaam sẽn kãab bũmb wẽng kõn leb n zĩnd be ye. Wẽnnaam ne pe-bilã geer na n zĩnda tẽngã pʋga. Bãmb tʋmtʋmdbã na n waooga bãmba,

Vẽnegre 3:18

mam sagenda yãmb tɩ y ra sãnem sẽn yɩlg ne bugum mam nengẽ, tɩ y tõe n lebg arzegs rãmba, la y ra fu-peels mam nengẽ, tɩ y tõe n paam n yeelge, n lud y yãnd n da yɩ y zaal ye, la y ra nin kaam mam nengẽ n sõog y ninã tɩ y tõe n yã.

Vẽnegre 4:4

La gɛy pisi la a naas n dag n gilg ge-kãsengã, la kãsem-dãmb pisi la a naas n zao b zutu, n yer fu-peelse, la b fõg sãnem maanf-rãmba.

Vẽnegre 5:11

Mam gesame la m wʋma malegs wʋsg sẽn gũbg geerã, ne bõn-vɩɩsã la kãsem-dãmbã koeese, la bãmb sõorã yaa tus piig naoor tus piiga, la tus naoor tusa.

Vẽnegre 5:9

La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam nebã.

Vẽnegre 6:11

B kõo bãmb ned kam fãa fu-pɛɛlga, la b yeel-b tɩ b kell n vʋʋs wakat bilf yɛsa, hal tɩ bãmb tʋmd-n-taasã ne b ba-biisã b sẽn na n kʋ wa b sẽn kʋ bãmbã sõor pidi.

Vẽnegre 7:8

a Zabulõ buudã me yaa neb tus piig la a yiibu, a Zozɛf buudã me yaa neb tus piig la a yiibu, a Benzame buudã me yaa neb tus piig la a yiibu.