Vẽnegre 7:10 - WẼNNAAM SEBRE 2014

¹⁰ Bãmb dag n zẽkda b koees ne pãng n yetẽ: Fãagrã bee ne tõnd Wẽnnaam sẽn zao geerã zugã, la ne pe-bilã.

SEBR SÕNGO

¹⁰ «Tõnd Wẽnnaam sẽn zao b zaoorẽ la Pe-bila soog waoogre!»

KÃAB-PAALGÃ KOE-NOOGO

¹⁰ Bãmb dag n zẽkda b koees ne pãng n yetẽ: Fãagrã bee ne tõnd Wẽnnaam sẽn zao geerã zugã, la ne Pe-bilã.

Vẽnegre 7:10 Iomraidhean Croise

Yɩɩn‑sõamyã 115:1

Sẽn-Ka-Saabo, ka tõnd n tog ne waoogr ye. Kɩt-y tɩ y yʋʋrã paam waoogre, yãmb maan-neerã ne y sɩdã yĩnga!

Yɩɩn‑sõamyã 3:8

Mam Sẽn-Ka-Saabo, yik-y-yã! Wẽnnaam, fãag-y maam! Yãmb pãbda mam bɛɛbã fãa pegse, yãmb kaooda nin-wẽnsã yẽna.

Yɩɩn‑sõamyã 37:39

Sẽn-Ka-Saab n fãagd nin-tɩrse, yel-pakr wakate, Sẽn-Ka-Saab n yaa b pãng zĩiga.

A Ezayi 43:11

Yaa maam bala, maam m yembr bal n yaa Sẽn-Ka-Saabo. Sã n ka maam, fãagd a to ka be ye.

A Ezayi 45:15

Israyɛll Wẽnnaam sẽn yaa fãagda, yãmb sɩd yaa Wẽnnaam sẽn solg y menga!

A Ezayi 45:21

Togs-y yellã! Wa-y n yals-y taoor n gom n yiis y menga! Bɩ b fãa tigim n yẽs ne taaba! Ãnda soab n kɩt tɩ b wʋm bõn-kãng hal kʋdem-wẽndẽ, la a sɩng n togs bõn-kãng hal pĩnda? Ka maam a Sẽn-Ka-Saab la? Sã n ka maam, Wẽnnaam a to ka be ye. Sã n ka maam, Wẽnnaam sẽn yaa tɩrg n yaa fãagd ka be ye. Wẽnnaam a to ka tol n leb n beẽ ye.

Zeremi 3:23

Sɩda, pʋʋsg ning sẽn maand kunkubã zutã, ne bʋrg ning sẽn yit tãmsã zutã yaa zĩrẽ bala. Sɩd-sɩdã, Israyɛll nebã fãagr yita Sẽn-Ka-Saab sẽn yaa tõnd Wẽnnaamã nengẽ.

A Ooze 13:4

Mam yaa Sẽn-Ka-Saab n yaa yãmb Wẽnnaam. Hal sẽn sɩng Ezɩpte, Yãmb ka mi Wẽnnaam a to, sã n ka maam ye. La fãagd a to ka be sã n ka maam ye

A Zonaase 2:9

Neb nins sẽn waoogd wẽn-naandsã sẽn ka tar yõodã, zãagda b mens ne yãmb zoodã.

Zakari 4:7

Tãn-kãsenga, fo yaa ãnda a Zorobabɛll taoore? B na n sarma foom. A Zorobabɛll na n yãka mam doogã pãng kugr beenẽ, la nebã na n kilsame n yeel tɩ ‹pẽgre, bɩ a paam pẽgre!›

Zakari 9:9

Sɩyõ tẽn-neere, kɩdem ne sũ-noogo! Zeruzalɛm tẽn-neere, bɩ f kilsi! Ade, fo rĩmã wata fo nengẽ. Bãmb yaa tɩrlem soaba, la tõaagda, n yaa sik-m-meng soaba, n zao bõanga, bãmb zaoo bõan-bila, bõan-yãang biiga.

A Luk Sõng 3:6

La ninsaal buud fãa na n yãa fãagr ning Wẽnnaam sẽn kõtã.»

A Zã Sõng 1:29

Vẽkembeoogo, a Zã yãnda a Zeezi sẽn wat yẽnda nengẽ, n yeele: «Ad Wẽnnaam pe-bilã, sẽn yiisd-a dũni yel-wẽnã.»

A Zã Sõng 1:36

A dag n geta a Zeezi sẽn loogd n yeele: «Ad Wẽnnaam pe-bilã.»

A Zã Sõng 4:22

Yãmb pʋʋsda y sẽn ka mi. Tõnd pʋʋsda d sẽn mi, bala, fãagrã yita Zʋɩf-rãmbã nengẽ.

Efɛɛz Rãmba 2:8

Sɩd me, yaa Wẽnnaam barkã yĩng la yãmb paam fãagr tẽeb yĩnga. Yãmb sẽn paam fãagrã, ka ne y mens pãng ye, yaa Wẽnnaam kũuni.

Vẽnegre 12:10

Dẽ, mam wʋma koe-kãseng arzãn pʋgẽ sẽn yeel yaa: Moasã, fãagre, la pãnga, la tõnd Wẽnnaamã naam la bãmb Kirisã noor waame. Bala, b luba tõnd ba-biisã rõatã, soab ning sẽn dag n dõt bãmb Wẽnnaam taoor wĩndg la yʋngã.

Vẽnegre 19:1

Rẽ poore, mam wʋma koe-kãseng arzãn pʋgẽ sẽn wẽnd neb kʋʋng wʋsg koees sẽn yet yaa: Haleluya! Fãagre, la ziiri, ne pãng yaa tõnd Wẽnnaamã n so,

Vẽnegre 21:5

Ned ning sẽn zao geerã yeelame yaa: Ade, mam maanda bũmbã fãa paalse. La b yeel yaa: Gʋlse, bala, gom-kãensã yaa vẽenega, la b yaa sɩda.

Vẽnegre 22:3

Wẽnnaam sẽn kãab bũmb wẽng kõn leb n zĩnd be ye. Wẽnnaam ne pe-bilã geer na n zĩnda tẽngã pʋga. Bãmb tʋmtʋmdbã na n waooga bãmba,

Vẽnegre 4:6

Geerã taoor dag n gãnega bũmb sẽn pɩnd wa vɛɛre, n tud n yaa wa kiristalle. La geerã sʋk ne sẽn gũbg geerã fãa, bõn-vɩɩs a naas n be beenẽ n pid ne nin taoor la poorẽ.

Vẽnegre 5:7

Pe-bilã waa n deega sebrã sẽn be sẽn zao-a geerã zugã nug‑rɩtgẽ wã.