Vẽnegre 5:9 - WẼNNAAM SEBRE 2014

⁹ La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam nebã.

SEBR SÕNGO

⁹ B pʋda yɩɩn paalle: «Yãmb sɩd togame, n deeg sebrã la y sogs a soagdsã tɩ yãmb la b kodg yã, la yaa ne yãmb zɩɩm la y reeg ninsaalba n lebs-b Wẽnnaam, bãmb ne b buud toɛ-toɛ yã, ne b goam, ne b rog-n-mik, ne b soolem.

KÃAB-PAALGÃ KOE-NOOGO

⁹ La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam neba.

Vẽnegre 5:9 Iomraidhean Croise

Yɩɩn‑sõamyã 144:9

Mam Wẽnnaam, mam na n yɩɩla yɩɩn-paalg yãmb yĩnga. Mam na n wãaga ruudg sẽn tar sus piig yãmb yĩnga.

Yɩɩn‑sõamyã 149:1

Pẽg-y Sẽn-Ka-Saabo! Yɩɩl-y yɩɩn-paalg Sẽn-Ka-Saab yĩnga! Yɩɩl-y n pẽg-y Sẽn-Ka-Saab bãmb nin-nongdsã nebã sʋka!

Yɩɩn‑sõamyã 33:3

Yɩɩl-y yɩɩn-paalg n pẽg bãmba! Tall-y y yʋʋm-teedã n maan noog n pẽg-ba.

Yɩɩn‑sõamyã 40:3

Bãmb yiisa maam sãoong bok pʋga, la b yiis-m begdã pʋgẽ. Bãmb kɩtame tɩ mam naoã yals pĩig zugu, n kɩt tɩ m kẽnd ne pɛl-kɛgenga.

Yɩɩn‑sõamyã 96:1

Yɩɩl-y yɩɩn-paalg Sẽn-Ka-Saab yĩnga! Bɩ dũniyã gill nebã yɩɩl Sẽn-Ka-Saab yĩnga!

Yɩɩn‑sõamyã 98:1

Yɩɩlle Yɩɩl-y yɩɩn-paalg Sẽn-Ka-Saab yĩnga! Bala, bãmb maana bõn-bãna. Bãmb nug-rɩtg ne b kan-sõngã kõo bãmb tõogre.

A Ezayi 42:10

Yɩɩl-y yɩɩn-paalg Sẽn-Ka-Saab yĩnga, yɩɩl-y n pẽg-y bãmb dũni ween-vɩɩsã fãa pʋga. Bɩ sẽn kẽnd-b ko-kãsengã zugã, la yãmb dãmb sẽn be tẽms koom sẽn gũbg pʋgẽ wã ne y nebã, pẽg-y Sẽn-Ka-Saabo!

A Dãniyɛlle 3:4

Dẽ, rĩmã koe-moaandã zẽka a koɛɛg n yeele: «Yãmb fãa sẽn yaa tẽms toor-toore, ne buud toor-toore, la buud goam toor-toor nebã, kelg-y-yã! Ad rĩmã sẽn yet yãmba:

A Dãniyɛlle 4:1

«Maam a Nebukatnedzaar dag n vɩɩ bãan m na-yirã pʋga, n be m na-zakẽ wã tɩ m vɩɩm yaa noogo.

A Dãniyɛlle 5:19

La Wẽnnaam sẽn dag n zẽk bãmb tɩ b lebg rĩm-kãsengã yĩng kɩtame, tɩ buudã fãa, ne soolem toay-toayã fãa, ne nebã buud fãa sẽn gomd goam buud toor-toorã rigd bãmb taoor ne rabeem. Rĩm a Nebukatnedzaar dag n kʋʋda a sẽn dat-a soaba, la a basd a sẽn dat-a soaba. Bãmb dag n zẽkda b sẽn dat-a soaba, la b sikd b sẽn dat-a soaba.

A Dãniyɛlle 6:25

La rĩmã kõo noor tɩ b tɩ yõg neb nins sẽn dõd-b a Dãniyɛllã n wa lob gɩgmã wã bokẽ, bãmb ne b kambã la b pagbã fãa. La sẽn deng bãmb sẽn na n lʋɩ bokã pʋgã, gɩgmã wã koka bãmb n wõr b kõabã zãnga.

A Matiye Sõng 20:28

Yaa woto yĩng la Ninsaal Bi-riblã wa yã. Ka tɩ nebã na sõng bãmb ye, la yaa tɩ bãmb na sõng nebã, la tɩ kõ b vɩɩmã, n yao n fãag neb wʋsgo.»

A Matiye Sõng 26:28

bala, yõwã yaa mam zɩɩm, kãab-paalgã zɩɩm sẽn daag neb wʋsg yĩnga, yel-wẽnã sugr kũun yĩnga.

Tʋʋma 20:28

Dẽ wã, gũus-y y mense, la y ges piis nins fãa Sɩɩg-sõng sẽn kõ-y tɩ y gũ wã yelle. Rɩlg-y Zu-soabã tẽedbã b sẽn da ne b biigã zɩɩmã.

1 Korẽnt rãmba 6:20

Bala, b lebs n daa yãmb toogo. Woto yĩnga, waoog-y Wẽnnaam ne y yĩngã [la ne Sɩɩgã sẽn yaa Wẽnnaam dẽndã.]

1 Korẽnt rãmba 7:23

B lebs n daa yãmb toogo. Bɩ y da leb n lebg ninsaalb yembs ye.

Efɛɛz Rãmba 1:7

Yaa Kiris zɩɩmã maasem yĩng la tõnd paam fãagre, fãagr ning sẽn yaa yel-wẽnã sugr kũuni, sẽn zems Wẽnnaam barkã sẽn waoog wʋsgã,

Efɛɛz Rãmba 5:19

Sõs-y ne taab ne yɩɩn-sõamyã, la ne Wẽnnaam yɩɩla, la ne Sɩɩg-sõng yɩɩla. Yɩɩl-y n pẽg-y Zu-soabã ne y sũyã fãa.

Kolos Rãmba 1:14

soab ning maasem yĩng tõnd sẽn paam fãagre, la yel-wẽna sugrã.

Kolos Rãmba 1:23

Yãmb sã n sɩd pa tẽebã pʋgẽ, la y kɩ yẽg n yals kãenkãe tɩ bũmb da wa n zãag yãmb ne koe-noogã tẽeb pidsg gũudum ning yãmb sẽn wʋma, sẽn yaa koe-noog ning b sẽn moon ninsaalbã fãa sẽn be dũniyã zugã, koe-noog ning maam a Poll sẽn lebg a tʋmtʋmdã.

A Titi 2:14

A Zeezi Kiris kõo b meng tõnd yĩnga, tɩ fãag tõnd ne yel-wẽn fãa n kɩt tɩ tõnd lebg bãmb neb b sẽn yɩlge, la sẽn wɩngd ne tʋʋm-sõamyã maanego.

Ebre rãmba 11:14

Neb nins sẽn gomd a woto wã wilgda vẽeneg tɩ b baooda ba-yiri.

2 Pɩyɛɛr 2:1

Zĩrẽ-bãngdb n dag n zĩnd Wẽnnaam nebã sʋka. Woto me, zĩrẽ karen-saam-dãmb n be yãmb sʋkã. B na n maana sɩlem n wa ne zãmsg sẽn menesd nebã, la b na n kɩɩsa Zu-soab ning sẽn fãag-a bãmbã, la b na n taka sãoong tao‑tao n wa b mens zutu.

1 Zã 1:7

La tõnd sã n kẽnd vẽenemẽ wa bãmb mengã sẽn be vẽenemẽ wã, tõnd tara lagem-n-taar ne taaba, la bãmb Bi-ribl a Zeezi zɩɩmã pekda tõnd yel-wẽnã fãa n yiisi.

1 Zã 2:2

B talla a Zeezi meng n maan maoong tõnd yel-wẽnã sugr kũun yĩnga, la ka tõnd bal yel-wẽnã yĩng ye, la dũni nebã fãa me yel-wẽnã yĩnga.

Vẽnegre 10:11

Dẽ poore, b yeela maam yaa: Yaa tɩlɛ tɩ fo leb n togs bãngr goam yɛs n gom neb wʋsg yelle, la buud wʋsg yelle, la goam buud wʋsg yelle, la rĩm-dãmb wʋsg yelle.

Vẽnegre 11:9

Tẽms toay-toay nebã, la buud toay-toay nebã, la neb sẽn gomd goam buud toor-toore, la soolem toay-toay neb na n yãnda bãmb kũumã rasem a tãab la pʋɩ-sʋka, la b kõn sak tɩ b rɩk-b n tɩ mum ye.

Vẽnegre 13:7

La b kõo yẽnda noor t'a yik zabr ne Wẽnnaam nin-tũusdsã n tõog-ba. B kõo yẽnda pãn-tõog t'a tõog buud fãa, la tẽng fãa nebã, la goam buud fãa nebã, la soolem fãa.

Vẽnegre 13:8

La nebã fãa sẽn be tẽng zugu, tɩ b yʋy ka gʋls vɩɩm sebrã sẽn yaa pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.

Vẽnegre 14:6

Mam yãnda malɛɛk a to sẽn yɩgd n pɩʋʋgd yĩngri: A rag n tara koe-noog sẽn paad wakat sẽn kõn sa, n na n togs neb nins sẽn be tẽng zugã, soolem fãa, buud fãa, goam buud fãa nebã, la tẽng fãa nebã.

Vẽnegre 15:3

Bãmb yɩɩnda Wẽnnaam tʋmtʋmd a Moyiis yɩɩllã, la pe-bilã yɩɩlle: Zu-soab a Wẽnnaam Sẽn‑Tõe‑Fãa, yãmb tʋʋmã yaa kãsemse la b bee neere! Soolem dãmbã rĩmã, yãmb tʋʋmã zemsame la b yaa sɩda.

Vẽnegre 17:15

Malɛɛkã yeela maam yaa: «Koom nins fo sẽn yãnd tɩ pʋg-yoodrã zĩ b zutã, yaa nebã, la neb kʋʋndo, ne soolem‑dãmba, la goam buud toay-toayã nebã.

Vẽnegre 4:11

Tõnd Zu-soab la d Wẽnnaam, yãmb n zems tɩ reeg ziiri, la waoogre, la pãnga. Bala, yãmb n naan bũmb fãa, la yaa yãmb daab yĩng la y naan-b tɩ b beẽ.

Vẽnegre 5:12

Bãmb da zẽkda b koees n yetẽ: Pe-bil ning b sẽn dag n kʋ wã zemsame tɩ reeg pãn-tõogo, arzegse, yam, pãnga, waoogre, ziiri, la pẽgre.

Vẽnegre 5:6

La mam yãnda pe-bil sẽn yas yĩngr geerã sʋka, la bõn-vɩɩs a naasã ne kãsem-dãmbã sʋka, la a yaa wa pesg b sẽn kodge. Pe-bilã dag n tara yɩɩl a yopoe la nin a yopoe sẽn yaa Wẽnnaam sɩɩs a yopoe wã b sẽn tʋm dũniyã tɛk fãa wã.