Vẽnegre 5:6 - WẼNNAAM SEBRE 2014

⁶ La mam yãnda pe-bil sẽn yas yĩngr geerã sʋka, la bõn-vɩɩs a naasã ne kãsem-dãmbã sʋka, la a yaa wa pesg b sẽn kodge. Pe-bilã dag n tara yɩɩl a yopoe la nin a yopoe sẽn yaa Wẽnnaam sɩɩs a yopoe wã b sẽn tʋm dũniyã tɛk fãa wã.

SEBR SÕNGO

⁶ Zaoora yegende, Bõn-vɩɩs a naasã la Nin-kẽemba sʋka, m yãee Pe-bil sẽn yɛse tɩ yaa wa b kodg-a lame la a ra tara yɩɩl a yopoe la nin a yopoe; bãmb la Wẽnd tõogã, b yama sẽn tʋmd b tʋʋmda tẽng zugu, zĩis fãa wã.

KÃAB-PAALGÃ KOE-NOOGO

⁶ La mam yãa Pe-bil sẽn yas yĩngr geerã sʋka la bõn-vɩɩs a naasã ne kãsem-dãmba sʋka, la a yaa wa pesg b sẽn kʋ. Pe-bilã da tara yɩɩl a yopoe la nin a yopoe sẽn ya Wẽnnaam sɩɩs a yopoe wã b sẽn tʋm dũniyã tɛk fãa wã.

Vẽnegre 5:6 Iomraidhean Croise

2 Kibayã 16:9

Bala, Sẽn-Ka-Saab geta dũniyã fãa gilli, n na n sõng neb nins sẽn nong bãmb ne b sũyã fãa wã. Yel-kãngã pʋgẽ, fo maana yalemdo, yaa rẽ n kɩt tɩ sẽn sɩng ne moasã, fo na n paama zaba.»

A Dãniyɛlle 7:14

La b kõo yẽnda ninsaalbã pãnga, waoogre, la naam. La nebã buud fãa, ne soolem-dãmbã fãa, la ninsaalbã sẽn gomd goam buud toor-toorã, tʋmda yẽnda yĩnga. La yẽnda pãnga paada wakat sẽn ka sɛta, la a pãngã ka tar sɛɛb ye. La yẽnda naamã ka na n tol n sãam ye.

A Dãniyɛlle 8:3

Mam zẽka m neng n gese, la mam yãnda pe-raoog sẽn yas kʋɩlgã noore, n tar yɩɩl a yiibu. A yɩɩlã rag n yaa wogdo, la a yembr n dag n yaa wok n yɩɩd a to wã. La sẽn yaa a wokã n yɩ yaoolem soab n yi.

A Miise 4:13

Sɩyõ tẽn-neere! Yik n tab koodã! Ade, mam na n kɩtame tɩ f yɩɩlã lebg kut yɩɩla, la m kɩt tɩ f nao-bendã lebg zũud nao-bendo, fo na n taba buud wʋsg neb n bedse, n dɩk b zãmbã teed n kõ Sẽn-Ka-Saabo, la b arzegsã n kõ dũniyã fãa soaalã.

Abakuk 3:4

Bãmb yaa wa vẽenem sẽn yãgde. Vẽenem sẽn yãgd n yit bãmb nugẽ wã, la bãmb pãngã solga beenẽ.

Zakari 3:9

Sɩd me, mam ninga kugr a Zozoe taoore, la kug-kãngã a yembrã zugu, nin a yopoe n be beenẽ. Mam mengã na n gʋlsa gʋlsem a zugu. Yaa maam a Saasẽ-Pãng-Soabã n yeele. Mam na n yiisa tẽn-kãngã kongrã daar a yembr pʋgẽ.

Zakari 4:10

Woto wã, ãnda la sẽn paoog tʋʋmdã sẽn sɩng bilfã? B sã n wa yãnd namdã sẽn be a Zorobabɛll nugẽ wã, b na n kɩdmame. Fɩtl-dãmb a yopoe wã mamsda Sẽn-Ka-Saab ninã sẽn get dũniyã gill fãa wã.»

A Luk Sõng 1:69

la bãmb sẽn kõ tõnd fãagd sẽn tar pãnga, sẽn yit a Davɩɩd sẽn yaa bãmb tʋmtʋmdã buud pʋgẽ

A Zã Sõng 1:29

Vẽkembeoogo, a Zã yãnda a Zeezi sẽn wat yẽnda nengẽ, n yeele: «Ad Wẽnnaam pe-bilã, sẽn yiisd-a dũni yel-wẽnã.»

A Zã Sõng 1:36

A dag n geta a Zeezi sẽn loogd n yeele: «Ad Wẽnnaam pe-bilã.»

Tʋʋma 8:32

Raoã sẽn da karemd zĩig ning gʋls-sõngã pʋgẽ wã ra yeta a woto: B waa ne bãmb wala b sẽn wat ne pesg kʋʋb zĩigẽ, wala pe-bil sẽn ka yaagd a noor a wõrsdã taoorã, bãmb me ka yaag b noor ye.

Vẽnegre 1:4

Maam a Zã n tʋmd seb‑kãngã wẽnd-dot a yopoe wã sẽn be Aazi Porvẽnsã pʋgẽ wã. Bɩ soab ning sẽn be, la sẽn dag n be la sẽn watã, n paas sɩɩs a yopoe wã sẽn be bãmb geerã taoorã, la a Zeezi Kiris sẽn yaa kaset soab sẽn yaa tɩrga, la pipi soab Wẽnnaam sẽn vʋʋg n bas kũum la dũniyã rĩm-dãmbã Rĩmã ning yãmb zut barka, la b kõ-y bãane. Soab ning sẽn nonga tõndo, n pek tõnd ne b zɩɩmã

Vẽnegre 12:11

D ba-biisã tõoga rõatã ne pe-bilã zɩɩm pãnga, la ne kasetã bãmb sẽn kɩtã pãnga, la bãmb ka nong b vɩɩmã, hal n zoe kũum ye.

Vẽnegre 13:8

La nebã fãa sẽn be tẽng zugu, tɩ b yʋy ka gʋls vɩɩm sebrã sẽn yaa pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.

Vẽnegre 14:1

Mam gesame, la m yãnda pe-bilã sẽn yik n yas Sɩyõ tãngã zugu, tɩ neb tus koabg la tus pis-naas la a naas sẽn da tar pe-bilã yʋʋr ne b ba wã yʋʋr sẽn gʋls b rĩyẽ wã be ne bãmba.

Vẽnegre 17:14

Bãmb na n zaba ne pe-bilã. La pe-bilã na n tõog-b lame, tɩ bõe bãmb yaa zu-soben-dãmb Zu-soabã la rĩm-dãmbã Dĩmã. La neb nins b sẽn boolã, neb nins b sẽn tũusã, ne neb nins sẽn maand sɩdã, n be ne pe-bilã na n tõog-b lame me.

Vẽnegre 21:22

Mam ka yã wẽnd-doog tẽngã pʋg ye. Bala, Zu-soab a Wẽnnaam Sẽn‑Tõe‑Fãa wã la pe-bilã me yaa tẽngã wẽnd doogo.

Vẽnegre 21:23

Tẽngã ka baood tɩ wĩntoog bɩ kiuug yãg beenẽ ye. Bala, Wẽnnaam ziirã kõt-a-la vẽenem, la pe-bilã yaa a fɩtla.

Vẽnegre 22:1

Malɛɛkã wilga maam vɩɩm koomã kʋɩlga, kʋɩlg sẽn pɩnd wa vɛɛre, la a yita Wẽnnaam ne pe-bilã geerẽ wã.

Vẽnegre 22:3

Wẽnnaam sẽn kãab bũmb wẽng kõn leb n zĩnd be ye. Wẽnnaam ne pe-bilã geer na n zĩnda tẽngã pʋga. Bãmb tʋmtʋmdbã na n waooga bãmba,

Vẽnegre 4:8

Bõn-vɩɩs a naasã ned kam fãa tara pɩgs a yoob sẽn pid ne nin b zĩigã fãa, la b pʋgẽ wã me. Wĩndg la yʋngo b yetame tɩ: Sõngo, sõngo, Zu-soab a Wẽnnaam sẽn Tõeyã fãa wã yaa sõngo. Bãmb da beeme la b bee moasã la b watame, n ka basdẽ ye.

Vẽnegre 5:11

Mam gesame la m wʋma malegs wʋsg sẽn gũbg geerã, ne bõn-vɩɩsã la kãsem-dãmbã koeese, la bãmb sõorã yaa tus piig naoor tus piiga, la tus naoor tusa.

Vẽnegre 5:12

Bãmb da zẽkda b koees n yetẽ: Pe-bil ning b sẽn dag n kʋ wã zemsame tɩ reeg pãn-tõogo, arzegse, yam, pãnga, waoogre, ziiri, la pẽgre.

Vẽnegre 5:13

La mam wʋma bõn-naandsã fãa sẽn be arzãna, la sẽn be tẽng zug la tẽngã tẽngre, la ko-kãsengã zugu, la bũmb nins fãa sẽn be be wã sẽn yet yaa: Sẽn zao-a geerã zugã la pe-bilã n tog ne pẽgre, la waoogre, la ziiri, la pãnga, zamaan woo zamaane.

Vẽnegre 5:14

La bõn-vɩɩs a naasã yeelame yaa: Ãmina! La kãsem-dãmbã yĩgimdame n waoog-ba.

Vẽnegre 6:16

La b rag n yeta tãmsã ne pĩisã yaa: «Lʋɩ n põd-y tõnd n solg tõnd tɩ d zãag ne sẽn zao-a geerã zugã gesgo la ne pe-bilã sũ-puugri.

1 Sãmwɛlle 2:10

Sẽn-Ka-Saab bɛɛbã na n sãamame. Bãmb na n zĩnda saasẽ, tɩ b sa-tãsã sig b bɛɛbã zutu. Bãmb na n kaoo dũni rãmb fãa bʋʋdo. Bãmb na n kõo b rĩmã pãnga, la b paas b nin-tũusdgã pãnga.»