Vẽnegre 4:11 - WẼNNAAM SEBRE 2014

¹¹ Tõnd Zu-soab la d Wẽnnaam, yãmb n zems tɩ reeg ziiri, la waoogre, la pãnga. Bala, yãmb n naan bũmb fãa, la yaa yãmb daab yĩng la y naan-b tɩ b beẽ.

SEBR SÕNGO

¹¹ «D Soaala la d Wẽnnaam, yãmb toga ne pẽgre la ne waoogre la ne ziiri, tɩ yãmb n naan dũniya la yaa ne yãmb pãnga la bũmb sẽn da ka be zĩnd yã.»

KÃAB-PAALGÃ KOE-NOOGO

¹¹ Tõnd Zu-soaba la d Wẽnnaam, yãmb n zems tɩ reeg ziiri, la waoogre, la pãnga. Bala, yãmb n naan bũmb fãa, la yaa yãmb daab yĩng la y naan-b tɩ b beẽ.

Vẽnegre 4:11 Iomraidhean Croise

Sɩngrẽ 1:1

Sɩngr wẽndẽ, Wẽnnaam naana yĩngr la tẽnga.

2 Sãmwɛlle 22:4

Mam sã n zẽk m koɛɛg n yeele: ‹Bɩ Sẽn-Ka-Saab yʋʋr paam pẽgre›, bãmb fãagda maam m bɛɛbã fãa nusẽ.

A Neemi 9:5

Dẽ, a Zozoe ne a Baani, la a Kadmiyɛlle, ne a Hasabneya, la a Serebiya, ne a Hodiya, la a Sebaniya ne a Petahiya sẽn yaa Leevi buudã nebã zẽka b koees n yeel yaa: «Yik-y yĩngri! Pʋʋs-y Sẽn-Ka-Saab sẽn yaa yãmb Wẽnnaamã barka! Pʋʋs-y bãmb bark wakat fãa!» Bɩ yãmb yʋʋrã sẽn tar ziirã paam pẽgre, yãmb yʋʋrã yɩɩda bark la waoogr buudã fãa!

A. Zoobe 36:3

Mam na n dɩka m daar zãr bãngrã n wilg tɩ sẽn naan-a maamã tara bʋʋm.

Yɩɩn‑sõamyã 18:3

Sẽn-Ka-Saab yaa mam pĩiga, mam pãng zĩiga, la m fãagda! Mam Wẽnnaamã yaa mam pĩig sẽn yaa mam zĩ-soalgdga. Bãmb yaa mam gãongo, la pãng sẽn fãagd maam, ne m pãng zĩiga!»

Yɩɩn‑sõamyã 68:34

Yɩɩl-y n pẽg-y sẽn zao-a sa-gãnã, hal kʋdem-wẽndẽ sa-gãnã! Bãmb kɩtame tɩ b koɛɛg rãamd yi tɩ b koɛɛg rãamd yi ne pãnga.

Yikri 20:11

Bala, yaa rasem a yoobã pʋgẽ, la Sẽn-Ka-Saab naan yĩngr la tẽngã, la ko-kãsengã ne bũmb nins fãa sẽn be b pʋsã. La rasem a yopoe wã daare, bãmb vʋʋsame. Yaa rẽ n kɩt tɩ Sẽn-Ka-Saab ning vʋʋsg daarã bark n kɩt t'a yɩ daar sẽn welg toore.

Yelbũna 16:4

Sẽn-Ka-Saab ka maan bũmb ba a yembr zaalem yĩng ye, la b naana nin-wẽng me toog daar yĩnga.

A Ezayi 40:26

Zẽk-y y nens n ges yĩngri! Ãnda soab n naan bõn-kãensã fãa n kɩt tɩ b fãa pukd wa tãb-biisi? Bãmb boonda ned kam fãa ne a yʋʋre, la yaa ne bãmb pãn-tõ-kãsengã ne b pãn-kãsengã.»

A Ezayi 40:28

Fo ka mi bõn-kãng la? Fo ka wʋm bõn-kãng la? Sẽn-Ka-Saab sẽn yaa Wẽnnaamã sẽn paad wakat fãa wã n naan dũniyã ween-vɩɩsã fãa. Bãmb pãng ka sɛta, la b ka yɛɛd me ye. Ned ka tõe n bãng bãmb yamã tɛk ye.

Zeremi 10:11

Yeel-y bãmb tɩ wẽnnaam-dãmb nins sẽn ka naan yĩngr la tẽngã na n menema dũniyã zugu.

Zeremi 32:17

«Wẽnnaam Sẽn-Ka-Saabo, yãmb n tẽeg y nug n naan yĩngr la tẽng ne y pãn-kãsengã. Bũmb ka be yãmb sẽn ka tõe ye.

Tʋʋma 14:15

Daopa, yaa bõe tɩ y maand a woto? Tõnd me yaa ninsaalb wa yãmb bala. Tõnd moonda yãmb koe-noog n yet-y tɩ y bas wẽn-naan-kãens sẽn ka tar yõodã la y wẽnemd n sak Wẽnnaam ning sẽn vɩ wã la sẽn naan yĩngr la tẽngã, la ko-kãsengã ne bũmb nins fãa sẽn be a pʋgẽ wã.

Tʋʋma 17:24

Wẽnnaam ning sẽn naan-a dũni wã ne bũmb nins fãa sẽn be a pʋgẽ wã, bãmb yaa yĩngr la tẽng Zu-soaba, la b ka kẽed pʋʋsg rot ninsaalb nus sẽn me pʋsẽ,

Rom Dãmba 11:36

Bũmb fãa yii bãmb nengẽ, bãmb n maan bũmb fãa, la bũmb fãa yaa bãmb yĩnga. Bãmb n so ziir wakat fãa. Ãmina.

Efɛɛz Rãmba 3:9

la m vẽneg yel-solemd ning sẽn dag n solg Wẽnnaam sẽn yaa bũmb fãa naandã nengẽ, wakat sẽn kaoosã n wilg nebã.

Yaoolem 32:4

Bãmb yaa Pĩiga! Bãmb tʋʋmã zemsa zãnga! Bãmb soayã fãa yaa tɩrse! Bãmb tʋʋmã zemsa zãnga! Bãmb yaa sɩd soab wakatã fãa! Zãmb ka be bãmb pʋgẽ ye. Bãmb yaa sɩda, la tɩrga.

Ebre rãmba 1:10

Wẽnnaam leb n yeelame yaa: Zu-soaba, yãmba, yãmb yẽbga tẽngã hal sɩngr wẽndẽ, la yaa yãmb nusã n maan saasã.

Ebre rãmba 1:2

wakat-kãngã sẽn yaa yaoolem dayã, bãmb tũnuga b Bi-riblã n gom ne tõndo. Wẽnnaam kɩtame tɩ b soog bũmb fãa, la yaa b Bi-riblã la Wẽnnaam tall n naan dũni fãa.

Vẽnegre 1:6

n yiis d yel-wẽnã, n maan tõnd tɩ d lebg soolem maan-kʋʋdb bãmb ba a Wẽnnaam yĩngã, bãmb n tog ne ziiri la pãng zamaan woo zamaane! Ãmina!

Vẽnegre 10:6

la a wẽena ne soab ning sẽn vɩ-a zamaan woo zamaanã, sẽn naan-a yĩngr ne bũmb nins sẽn be beenẽ wã, la dũniyã ne bũmb nins sẽn be beenẽ wã, la ko-kãsengã ne bũmb nins sẽn be a pʋgẽ wã, n wẽen n yeel tɩ wakatã ka na n leb n kaoos yɛs ye.

Vẽnegre 14:7

Yẽnda zẽka a koɛɛg n yetẽ yaa: Zoe-y Wẽnnaam dabeem la y waoog bãmba. Bala wakat taame tɩ bãmb na n kao bʋʋdo. Wõgemd-y soab ning sẽn naan-a yĩngr la tẽngã, ko-kãseng ne ko-bundsã taoore.

Vẽnegre 19:1

Rẽ poore, mam wʋma koe-kãseng arzãn pʋgẽ sẽn wẽnd neb kʋʋng wʋsg koees sẽn yet yaa: Haleluya! Fãagre, la ziiri, ne pãng yaa tõnd Wẽnnaamã n so,

Vẽnegre 5:12

Bãmb da zẽkda b koees n yetẽ: Pe-bil ning b sẽn dag n kʋ wã zemsame tɩ reeg pãn-tõogo, arzegse, yam, pãnga, waoogre, ziiri, la pẽgre.

Vẽnegre 5:2

La mam yãnda malɛɛk sẽn tar pãng sẽn zẽkd a koɛɛg n sokdẽ yaa: Ãnda n zems tɩ sok sogdsã la a lak sebrã?

Vẽnegre 5:9

La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam nebã.