Vẽnegre 4:10 - WẼNNAAM SEBRE 2014

¹⁰ kãsem-dãmb pisi la a naasã wõgemdeda sẽn zao-a geerã zug la sẽn vɩ zamaan woo zamaana taoore, n waoogd-ba, la b lobd-b maanf-rãmbã geerã taoor la b yetẽ:

SEBR SÕNGO

¹⁰ Nin-kẽems pisi la a naasa me da wõgemdeda a taoore n waoogd ka sɩng kõn zĩnd sɛɛbo Soabã la b ra lobda b sãnem pugli wã zaoora taoore n yetẽ:

KÃAB-PAALGÃ KOE-NOOGO

¹⁰ kãsem-dãmbã pisi la a naasã na n wõgemda sẽn zao-a geerã zugu la b sẽn vɩ zamaan o zamaana taoore, n waoogd-ba, la b na n lobda b maanf-rãmba geerã taoor la b yetẽ:

Vẽnegre 4:10 Iomraidhean Croise

1 Kibayã 29:20

A Davɩɩd yeela zãma wã fãa yaa: «M kot-y lame tɩ y pẽg-y Sẽn-Ka-Saab sẽn yaa yãmb Wẽnnaamã!» Dẽ, nebã fãa pẽga Sẽn-Ka-Saab sẽn yaa b yaab-rãmbã Wẽnnaamã. Bãmb wõgemda Sẽn-Ka-Saab taoore, la rĩmã taoore.

2 Kibayã 7:3

Israyɛll nebã fãa yãnda Sẽn-Ka-Saab bugmã ne b ziirã sẽn sigd b roogã zugu, dẽ bãmb fãa yĩgimdame n wõgemde, n fõgen b nens tẽng zĩig ning b sẽn gãneg kug-peesdsã zug n waoog Sẽn-Ka-Saabo. Bala, Sẽn-Ka-Saab yaa sõama, la bãmb nonglmã paada wakat fãa.

A. Zoobe 1:20

Dẽ, a Zoob yikame n pãrs a fuugu, la a põng a zugu, n lʋɩ tẽng n yĩgimdi,

Yɩɩn‑sõamyã 115:1

Sẽn-Ka-Saabo, ka tõnd n tog ne waoogr ye. Kɩt-y tɩ y yʋʋrã paam waoogre, yãmb maan-neerã ne y sɩdã yĩnga!

Yɩɩn‑sõamyã 47:8

Bala, Wẽnnaam yaa dũniyã fãa rĩmã. Yɩɩl-y yɩɩn-noodo!

Yɩɩn‑sõamyã 72:11

Rĩm-dãmbã fãa na n wõgemda bãmb taoore, la bu-zẽmsã fãa na n saka bãmba.

Yɩɩn‑sõamyã 95:6

Wa-y tɩ d sulgi, n wõgemde, n yĩgimd d rũmã zut Sẽn-Ka-Saab sẽn yaa tõnd naandã taoore.

A Ezayi 6:1

Rĩm a Oozɩyaas kũumã yʋʋmde, mam yãnda Sẽn-Ka-Saab vẽnegr pʋga, tɩ b zao naam geer sẽn zẽk wʋsg zugu. La bãmb fuugã tẽngr yɛdg n pida Wẽnd doogã.

A Dãniyɛlle 12:7

La mam wʋma ned ning sẽn yer-a fu-peels n yas koomã zugã sẽn gomde. La yẽnda zẽka a nus a yiibã n tees yĩngr n wẽen ne sẽn vɩ-a wakat sẽn kõn sa wã yʋʋr n yeele: «Bõn-yɛɛsdsã na n kaoosa yʋʋm a tãab la pʋɩ-sʋka. Wẽnnaam nin-sõamyã pãng sẽn na n sɛ wakat ningã, yaa wakat-kãng la bõn-yɛɛsds-kãensã fãa me na n sɛ.»

A Dãniyɛlle 4:34

Moasã, maam a Nebukatnedzaar pẽgda saasẽ dĩm-kãsengã, la m waoogd-ba, n balemd-ba. Bãmb tʋʋmã fãa yaa sɩda, la b soayã yaa tɩrse. Yaa bãmb bal n tõe n sik wuk-m-mens rãmbã.»

A Matiye Sõng 2:11

Bãmb kẽe roogẽ wã, la b yãnda biigã ne a ma a Maari, la bãmb wõgemdame n waoog biigã. Dẽ poore, bãmb logsa b kordo, n yãgs kũun n kõ Bãmba: yaa sãnem la wisdu, la miir sẽn tar yũ-noogo.

A Luk Sõng 24:52

La karen-biisã waooga a Zeezi, la b leb Zeruzalɛm ne sũ-no-kãsenga.

1 Korẽnt rãmba 15:10

Wẽnnaam barkã yĩnga, mam yaa m sẽn yaa a soaba, la bãmb nimbãan-zoeer mam yĩngã ka yɩ zaalem ye. Ayo! Mam tʋmame n yɩɩd tẽn-tʋmdbã fãa. La ka mam mengã n tʋm ye, yaa Wẽnnaam barkã sẽn be mam pʋgẽ wã.

Yaoolem 32:40

Bala, mam zẽkda m nug yĩngri, n yetẽ tɩ m vɩɩ wakat sẽn ka sɛta.

Vẽnegre 10:6

la a wẽena ne soab ning sẽn vɩ-a zamaan woo zamaanã, sẽn naan-a yĩngr ne bũmb nins sẽn be beenẽ wã, la dũniyã ne bũmb nins sẽn be beenẽ wã, la ko-kãsengã ne bũmb nins sẽn be a pʋgẽ wã, n wẽen n yeel tɩ wakatã ka na n leb n kaoos yɛs ye.

Vẽnegre 11:16

Kãsem-dãmb pisi la a naasã sẽn dag n zao b gɛyã zut Wẽnnaam taoorã wõgemdame n fõgen b nens tẽng n waoog Wẽnnaam n yeele:

Vẽnegre 15:4

Zu-soaba, ãndã n ka na n zoe yãmba, la a ka na n waoog yãmb yʋʋrã? Bala, yãmb y yembr tãa n welg toore. La soolem dãmbã fãa na n wa wõgemda yãmb taoore, yãmb tɩrlmã sẽn pukã yĩnga.

Vẽnegre 15:7

Ned a yembr bõn-vɩɩs a naasã sʋk kõo malegs a yopoe wã sãnem laas a yopoe sẽn pid ne Wẽnnaam sẽn vɩ zamaan woo zamaanã sũ-puugri.

Vẽnegre 19:4

Kãsem-dãmbã pisi la a naasã ne bõn-vɩɩs a naasã wõgemdame n waoog Wẽnnaam sẽn zao geerã zugã n yeel tɩ ãmina! Haleluya!

Vẽnegre 4:2

Tao-tao bala, Sɩɩg-sõng pida maam. La ade, geer n da be arzãn pʋga, la ned n dag n zao geerã zugu.

Vẽnegre 4:4

La gɛy pisi la a naas n dag n gilg ge-kãsengã, la kãsem-dãmb pisi la a naas n zao b zutu, n yer fu-peelse, la b fõg sãnem maanf-rãmba.

Vẽnegre 4:9

La wakat ning bõn-vɩɩs a naasã sẽn pẽgd la b waoog sẽn zao-a geerã zug n vɩ zamaan woo zamaana, la b pʋʋsd-b barkã,

Vẽnegre 5:14

La bõn-vɩɩs a naasã yeelame yaa: Ãmina! La kãsem-dãmbã yĩgimdame n waoog-ba.

Vẽnegre 5:8

Pe-bilã sẽn deeg sebrã, bõn-vɩɩs a naasã ne kãsem-dãmbã pisi la a naasã wõgemda bãmb taoore, la bãmb ned kam fãa zãada pɛndg la sãnem laag sẽn pid ne tɩdar sẽn tar yũ-noogo, sẽn yaa nin-sõamyã pʋʋsgo.

Vẽnegre 7:11

La malegsã fãa ra yas n gũbga geerã ne kãsem-dãmbã la bõn-vɩɩs a naasã. Bãmb wõgemdame n fõgen b nens tẽng geerã taoor n waoog Wẽnnaam