Vẽnegre 3:9 - WẼNNAAM SEBRE 2014

⁹ Ade, mam na n ninga neb nins sẽn yaa a Sʋtãan tũudbã yãmb nugẽ. Bãmb yagda zĩrẽ n boond b mens tɩ Zʋɩf-rãmba, tɩ yaool n ka sɩd ye. Gese, mam na n kɩtame tɩ b wa n wõgemd yãmb taoore, la b bãng tɩ mam nonga yãmba.

SEBR SÕNGO

⁹ Mam na n modga sẽn kẽed-b Sʋtãana sɛk roogo — yaa zirẽ-be-rãmba sẽn boond b mens tɩ Zʋɩf rãmba — n-ye! M na n modg-b lame tɩ b wa wõgemd fo taoore la b bãng tɩ m nonga foo.

KÃAB-PAALGÃ KOE-NOOGO

⁹ Ade, mam na n ninga neb nins sẽn ya a Sʋtãan tũudbã yãmb nugẽ. Bãmb boonda b mens tɩ Zuif-rãmba tɩ yaool n ka sɩd ye, bala b yagda zĩrĩ. Gese, mam na n kɩtame tɩ b wa n wõgemd yãmb taoore, la b bãng tɩ mam nonga yãmba.

Vẽnegre 3:9 Iomraidhean Croise

A Ɛstɛɛre 8:17

Rĩmã yam-yakrã ne a tõogã sẽn ta soolem ne tẽng ning la zĩig ning fãa, Zʋɩf-rãmbã maanda sũ-noog n kɩdemdẽ, tɩ lebg tigr daare. La buud a taabã sẽn be soolmã pʋgã maana b mens n lebg Zʋɩf-rãmba. Bala, Zʋɩf-rãmbã rabeem yõka bãmba.

Yikri 11:8

Dẽ, fo tʋmtʋmdbã fãa na n wa wõgemda mam taoor n yeele: ‹Bɩ foom ne neb nins fãa sẽn pʋgd foomã yi tẽngã.› Rẽ zugẽ, mam na n yi n loogame.› » A Moyiis yii Faarõ nengẽ ne sũ-puug-kãsenga.

A Ezayi 43:4

Fo sẽn tar yõod mam nifẽ wã yĩnga, b sẽn waoog foomã, la mam sẽn nong-fã yĩnga, mam dɩka neb n kɩs fo zĩigẽ, n dɩk buud n yao fo vɩɩmã yĩnga.

A Ezayi 45:14

Sẽn-Ka-Saab yetame: «Ezɩpt tẽngã neb tʋʋm yõodo, ne Kuus toandbã teedo, la Seba tẽng nin-wobdã teedã na n waa yãmb nengẽ, n wa lebg yãmb dẽnda. Nin-kãens na n pʋga yãmb poore, bãmb na n waa ne b bãensã, la b na n wõgemda yãmb taoore, n maan b pʋʋsgã yãmb nengẽ. Wẽnnaam bee yãmb nengẽ bala, la Wẽnnaam a to ka leb n beẽ ye. Wẽnnaam-dãmb a taabã yaa zaalem!»

A Ezayi 49:23

Rĩm-dãmb n na n yaool fo kambã, la bãmb rĩm-pogsã na n yɩɩ fo kom-yaoondba. Bãmb na n wõgemda fo taoore, n fõgen b nens tẽnga, n lelem fo naoã wubsgã. Dẽ la fo na n bãng tɩ mam yaa Sẽn-Ka-Saabo, la neb nins sẽn dɩk b teegr n teeg maamã kõn paam yãnd ye.»

A Ezayi 60:14

Sẽn dag n paoogd-b foomã kamb na n sulga b mens n wa fo nengẽ, bãmb na n wa wõgemda fo naoã tẽngre. Yaa sẽn dag n yaand-b foomã fãa. Bãmb na n boola foom tɩ ‹Sẽn-Ka-Saab tẽnga›, la ‹Israyɛll Pʋ-Peelem-Soabã Sɩyõ.›

A Zã Sõng 17:23

tɩ mam be bãmb pʋgẽ, tɩ yãmb be mam pʋgẽ, tɩ b na lebg yembr fasɩ, la tɩ dũniyã neb na bãng tɩ yaa yãmb n tʋm maam, la tɩ yãmb nonga bãmb wa yãmb sẽn nong maamã.

Vẽnegre 2:9

«Mam bãnga yãmb yel-pakrã ne y naongã, la yãmb yaool n yaa arzegs rãmba, la mam bãnga kãnegr ning neb nins sẽn yet tɩ b yaa Zʋɩf-rãmb n yaool n ka Zʋɩf-rãmba, la b ya Sʋtãanã karen-doogã rãmb sẽn kãnegd yãmbã.

1 Sãmwɛlle 2:36

La fo yagens nins sẽn kellã na n tɩ wõgemda maan-kʋʋdã taoore, n kos ligd ne rɩɩbo, la a yeele: «M kotame tɩ y kõ-m tʋʋmd a yembr maan-kʋʋr tʋʋmã sʋka, tɩ m tõe n paamd rɩɩb n dɩtẽ.»