Vẽnegre 21:4 - WẼNNAAM SEBRE 2014

⁴ Wẽnnaam na n yẽesa nintãm fãa sẽn be b ninẽ wã. Kũum kõn leb n zĩnd ye, la sũ-sãang wall yãbre, wall toog kõn leb n zĩnd ye. Bala, dẽenem bũmbã fãa loogame.

SEBR SÕNGO

⁴ B na n yẽesa nintãm buud fãa la b kõn le wʋm kũum yelle ye; yãbre bɩ kɛlenga, bɩ sũ-sãang me kõn le zĩnd ye tɩ dũni kʋdga menema zãnga.»

KÃAB-PAALGÃ KOE-NOOGO

⁴ Wẽnnaam na n yẽesa nintãm fãa sẽn be b ninẽ wã. Kũum kõn le zĩnd ye, la sũ-sãoong wall yãbre, wall toog kõn leb n zĩnd ye, bala, dẽenem bũmba fãa loogame.

Vẽnegre 21:4 Iomraidhean Croise

Yɩɩn‑sõamyã 144:4

Ninsaal wẽnda rʋk waolg bala, la a yʋʋmã wẽnda maasem sẽn loogda.

A Ezayi 25:8

Sẽn-Ka-Saab na n sãama kũum pãng wakat sẽn ka sɛt yĩnga. Zu-soab a Sẽn-Ka-Saab na n yẽesa nemsã fãa nintãmã. Bãmb na n kɩtame tɩ bãmb nebã yãndã sɛ dũniyã fãa pʋga. Maam a Sẽn-Ka-Saab n yeele.

A Ezayi 30:19

N-yẽe! Sɩyõ nebã, yãmb dãmb fãa sẽn be Zeruzalɛm, yãmb ka na n leb n yãb yɛs ye! Yãmb sã n kelme, b na n wʋmame, la b na n zoee yãmb nimbãanega. Bãmb sã n wʋm yãmb kelemsã bala, b na n leoka yãmba.

A Ezayi 35:10

Woto, Sẽn-Ka-Saab sẽn yols-b rãmbã na n lebg n waame. Bãmb na n lebg n waa Sɩyõ ne sũ-noog kaasgo. Bãmb nensã na n pɩla ne sũ-noog wakat sẽn kõn sa. Kɩdeng ne sũ-noog na n wa sega bãmba, la sũ-pa-noaang ne sidgr na n zoe n baoo zĩiga.»

A Ezayi 51:11

Woto, Sẽn-Ka-Saab sẽn fãag neb ninsã na n lebg n waame, bãmb na n waa Sɩyõ ne sũ-noogo, b na n paama sũ-noog sẽn ka sɛta. Kɩdeng ne sũ-noog na n sega bãmba, la sũ-sãang ne sidgr na n zoeeme.

A Ezayi 60:20

Fo wĩntoogã kõn leb n kẽ ye, la fo kiuugã kõn leb n paam ki-lik ye. Bala, yaa Sẽn-Ka-Saab n na n yɩ fo vẽenem wakat fãa. Fo sũ-sãangã rayã na n sɛɛme.

A Ezayi 61:3

tɩ m kɩt tɩ Sɩyõ nebã sẽn be sũ-sãang pʋgã leb n paam sũ-noogo, la m yãk tompeglmã sẽn be b zutẽ wã, la m teeg b zutã ne waoogr peende, n sõog sũ-noog kaam la ka sũ-sãang ye. La m yeelg-b ziir fuug la ka nimbãaneg ye. B na n boonda bãmb tɩ ‹tɩrlem terebẽnt tɩɩse›, n yaa tɩɩs ‹Sẽn-Ka-Saab sẽn sele›, sẽn wilgd tɩ Sẽn-Ka-Saab tara ziiri.

Zeremi 31:12

Bãmb na n waame, n kaas ne sũ-noog Sɩyõ tãngã zugu. Bãmb na n kaoog n wa reega bõn-sõamy nins Sẽn-Ka-Saab sẽn segl b yĩngã: ‹Yaa koodo, reezẽ rã-paalga, ka-paalga, la rũm-bãooneg ne rũm-bɛda. Bãmb vɩɩmã na n yɩɩ wa zẽed zĩig sẽn paam koom tɩ seke. Bãmb pãng kõn tol n leb n sɛ ye.›

Zeremi 31:13

Dẽ, pʋg-sadb na n saoome n maan sũ-noogo. Kom-bɩɩs ne nin-kẽemb na n naaga taab n maan sũ-noogo. Mam na n kɩtame tɩ b sũ-sãangã lebg kɩdengo, la m na n bels-b lame. Bãmb toogã poore, mam na n kõ-b-la sũ-noogo.

A Ooze 13:14

Mam na n fãaga bãmb kɩɩm-kulgu, La m na n fãag-b-la ne kũum. Kũum, fo toog bee yɛɛnẽ? Kɩɩm-kulgu, fo sãoong bee yɛɛnẽ? Mam ka leb n tar nimbãan-zoeer ye!

A Matiye Sõng 24:35

Saasẽ la tẽng na looge, la mam goamã kõn loog ye.

1 Korẽnt rãmba 15:26

Yaoolem bɛ Kiris sẽn na n sãam yaa kũumã.

1 Korẽnt rãmba 7:31

La tɩ neb nins sẽn zaeegd ne dũni wã yɩ wa b sẽn sɩd ka zaeegd ne-a ye. Bala, dũni‑kãnga sẽn yaa to-to wã loogdame.

2 Korẽnt rãmba 5:17

Ned sã n tũud Kirisi, yẽnda soab yaa nin-paalga. Bõn-kʋdã fãa loogame, bũmbã fãa lebga paalse.

2 Korẽnt rãmba 6:17

Yaa woto yĩng tɩ Zu-soabã yetẽ yaa: Yi-y bãmb sʋka, welg-y toor ne-ba. La y ra sɩɩs bũmb sẽn yaa rẽgd ye, la mam na reeg yãmba.

Ebre rãmba 12:27

B sẽn yeel tɩ yɛsã, wilgdame tɩ bũmb nins sẽn digimdã, b na n bak-b-la toore, b sẽn yaa bõn-naandse, tɩ bũmb nins sẽn ka rigimdã na yalse.

2 Pɩyɛɛr 3:10

Zu-soabã daar na n waa wa wagdre. Badaare, saasẽ na n looga ne bʋr-kãsenga. Bugmã sẽn kok teed ninsã na n yẽnegame, la dũni wã ne bũmb nins sẽn be a pʋgẽ wã na n dɩɩ bugum.

1 Zã 2:17

Dũni loogdame la a ratem wẽngã me loogdame. La ned ning sẽn maand Wẽnnaam daab paada wakat sẽn kõn sa.

Vẽnegre 20:13

Ko-kãsengã lebsa kũum nins sẽn da be be wã, tɩ kũumã ne kɩɩm-kulg lebs kũum nins sẽn da be be wã, la b bʋʋ bãmb ned kam fãa bʋʋd wa sẽn zems a tʋʋmã.

Vẽnegre 20:14

B loba kũumã ne kɩɩm-kulg bugum ko‑kãsengã pʋga. Bugum ko‑kãsengã yaa kũum a yiib soaba.

Vẽnegre 21:1

Mam yãnda yĩngr paalga, la dũni paalga, bala, dẽenem yĩngrã ne dẽenem tẽngã loogame, la ko-kãsengã ka leb n be yɛs ye.

Vẽnegre 22:3

Wẽnnaam sẽn kãab bũmb wẽng kõn leb n zĩnd be ye. Wẽnnaam ne pe-bilã geer na n zĩnda tẽngã pʋga. Bãmb tʋmtʋmdbã na n waooga bãmba,

Vẽnegre 7:17

Bala, Pe-bilã sẽn be geerã sʋkã na n dɩlga bãmba, la b tall-b n kẽng vɩɩm ko-bunds zĩisẽ, la Wẽnnaam na n yẽesa bãmb nintãmã fãa.