Vẽnegre 2:5 - WẼNNAAM SEBRE 2014

⁵ Dẽ wã, bɩ y tẽeg zĩig ning yãmb sẽn lʋɩ wã. Tek-y yam n kos sugri, la y leb n tʋm y pipi tʋʋmã. Sã n ka rẽ, mam na n waa yãmb nengẽ, la m na n yiisa yãmb fɩtl-doagendgã a zĩigẽ, sã n ka tɩ yãmb teka yam n kos sugri.

SEBR SÕNGO

⁵ Aya! Le tẽeg f sẽn da zao zĩig ning pĩndã; maan tuubgu, la f le rɩk f pĩnd sorã, ka rẽ m na n waame la m sã n mikame tɩ tekr ka be f sũurẽ, m na n luka f sãnem fitila n teem zĩiga.

KÃAB-PAALGÃ KOE-NOOGO

⁵ Dẽ wã, bɩ y tẽeg zĩig ning yãmb sẽn lʋɩ wã. Tek-y yam n kos sugri, la y leb n tʋm y pipi tʋʋma. Sã n ka rẽ, mam na n waa yãmb nengẽ, la m na n yiisa yãmb fɩtl-doagendgã a zĩigẽ, sã n ka tɩ yãmb teka yam n kos sugri.

Vẽnegre 2:5 Iomraidhean Croise

A Ezayi 1:26

Mam na n leb n kõo foom bʋ-kaoodb wa pĩndã, la m kɩt tɩ sagendb zĩnd wa sɩngrẽ wã. Rẽ poore, b na n boola foom tɩ: tɩrlem tẽnga, la sɩd tẽnga.»

A Ezayi 14:12

Kayto! Ãdg sẽn yãgda, tõd-beoog ãdga, fo yii saasẽ n lʋɩ tẽnga! Fo sẽn dag n kɩt tɩ buud a taabã sakd foomã, b luba foom!

Ezekiyɛl 20:43

Yaa beenẽ la yãmb na n tẽeg y manesmã, ne bũmb nins fãa y sẽn dag n maan n dẽgem y mensã yelle. Yãmb na n kisga y mense, tʋʋm-wẽns nins fãa yãmb sẽn maanã yĩnga.

Ezekiyɛl 36:31

Dẽ, yãmb na n tẽega y tʋʋm-wẽnsã ne y manesmã sẽn ka sõama wã yelle. La yãmb ka n leb n tõog n ges y mensã, yãmb kongrã ne y tʋʋm-beedã yĩnga.

A Ooze 14:1

B na n ninga Samaari nebã taale, Bala, b kɩɩsa b Wẽnnaamã. La b na n paa tãpẽ. B na n f kʋʋ bãmb kom-bãoonegã, la b weed b pagb nins sẽn tʋtã pʋse.

A Ooze 9:10

Mam yẽnda Israyɛll nebã, wa reezẽ biis sẽn be we-raoog pʋgẽ. Mam yãnda b ba-rãmbã wa kankam-kãse, la wa kankang bi-rẽemse. La bãmb kẽng n tɩ waooga Baall-Pewoore, n tɩ maan yãn-tʋʋmã, la b lebga yel-beed wa b sẽn nong-a soabã.

Malasi 3:4

Dẽ, Zʋʋda ne Zeruzalɛm kũunã na n taa Sẽn-Ka-Saab yam wa pĩndã, wa yʋʋm nins sẽn loogã.

A Matiye Sõng 5:14

Yãmb yaa dũniyã vẽenem. Tẽng sẽn be tãng zug ka tõe n solg ye.

A Matiye Sõng 5:15

Ned ka yõgend fɩtl n na n fõgen-a ne peoog ye. A na n dogl-a-la fɩtl doagendgã zug t'a kõt nebã fãa sẽn be roogã pʋgẽ wã vẽenem.

A Mark Sõng 12:9

Woto wã, reezẽ tɩɩs pʋʋgã soab na n maana bõe? Yẽnda na n waame n kʋ reezẽ tɩ‑koaadb kãense, la a rɩk pʋʋgã n gũnug koaadb a taaba.

A Luk Sõng 1:17

Yẽnda na n kẽna Wẽnnaam taoor ne sɩɩg ning la pãng ning a Eli sẽn dag n tarã, n kɩt tɩ ba-rãmbã paam zems-n-taar ne b kamba, n kɩt tɩ kɩɩsdbã paam yam n lebg nin-tɩrse. La a na n sõnga nebã tɩ b segl n sa Zu-soabã yĩnga.

A Luk Sõng 20:16

A na n waame, n sãam koaadb-kãense, la a rɩk pʋʋgã n peng koaadb a taaba. La nebã sẽn wʋm bõn-kãnga, b yeelame tɩ: Bɩ ra yɩ a woto ye.

Galat Rãmba 5:4

Yãmb dãmb sẽn baood zemsg tõog sakr pʋgẽ wã, yãmb welga ne Kirisi, yãmb monga y mens barkã.

Filip rãmba 2:15

Tɩ yãmb na yɩ neb sẽn ka tar yelle, la sẽn yaa yɩlma. Tɩ yãmb na yɩ Wẽnnaam kamb sẽn ka tar rõadg ye, zamaan‑kãnga nebã sẽn sãam la sẽn yaa wẽnsã sʋka, yãmb yãgda bãmb sʋk wa vẽenem dũniyã pʋga,

Ebre rãmba 10:32

Tẽeg-y sɩngr wakatã yelle, wakat ning y sẽn paam namsg wʋsg tɩ yɩ maoor meng-menga, y sẽn paam vẽenemã zugẽ.

2 Pɩyɛɛr 3:17

Woto yĩnga, m ba-bi-nongdse, yãmb sẽn pĩnd n paam tɩ b keoog yãmbã, maan-y gũusgu, tɩ neb nins toog sẽn ka be ne Wẽnnaam sakrã bʋdgrã da wa tus yãmb tɩ y ka leb n yas kãenkãe yɛs ye.

A Zʋʋde 1:24

Bɩ soab ning sẽn tõe n gũ yãmb tɩ y ka lʋɩ, la b kɩt tɩ y puk bãmb ziirã taoor ne kɩdeng tɩ rõadg kaẽ wã,

Vẽnegre 1:20

Ad ãds a yopoe wã fo sẽn yã mam rɩtgã ne sãnem fɩtl-dogends a yopoe wã yel-solemdã võore: Ãds a yopoe wã yaa wẽnd-dot a yopoe sẽn be tẽms a yopoe wã gũudba, la sãnem fɩtl-dogends a yopoe wã yaa wẽnd-dot a yopoe wã sẽn be tẽms a yopoe wã.

Vẽnegre 16:9

la tʋʋl-kãseng yõoga nebã. Bãmb paooga Wẽnnaam ning sẽn tar-a noor ne to-kãensã yʋʋre, la b ka tek yam n kos sugr n na n kõ Wẽnnaam waoogr ye.

Vẽnegre 2:16

Dẽ wã, bɩ y tek yam n kos sugri, sã n ka rẽ, bilf sã n paase, mam na n waa yãmb nengẽ, la m na n zaba ne bãmb ne m noorẽ zabr sʋʋgã.»

Vẽnegre 2:19

«Mam bãnga yãmb tʋʋmã, la y nonglmã, ne y tẽebã, la y tʋʋm‑sõamyã, ne y sũ-marã, la y yaoolem tʋʋmã sẽn yaa wʋsg n yɩɩd y pipi tʋʋmã.

Vẽnegre 2:2

«Mam mii tʋʋm nins y sẽn maanã, la y sẽn tʋmd to-to, la m mii y modgrã. Mam miime tɩ yãmb ka tõe n sak tɩ nin-wẽns zĩnd ne-y ye. Yãmb maka neb nins sẽn yet tɩ b yaa tẽn-tʋmdb n yaool n ka tẽn-tʋmdbã n gese, la yãmb mikame tɩ b yaa zĩrẽ yagdba.

Vẽnegre 3:19

Mam lengda neb nins fãa mam sẽn nonge, la m sɩbgd-ba. Dẽ wã, bɩ y nang pãng la y tek yam n kos sugri.