Vẽnegre 2:10 - WẼNNAAM SEBRE 2014

¹⁰ Da maan-y rabeem ne namsg ning y sẽn na n namsã ye. Gese, Sʋtãanã na n kẽesa yãmb neb kẽer bi-bees roogo, sẽn na n yɩl n mak yãmba, la yãmb na n paama namsg rasem piiga. Kell‑y n maan-y neer hal tɩ ta kũum, la mam na kõ yãmb vɩɩm maanfo.»

SEBR SÕNGO

¹⁰ Da zoe toog ning sẽn nan ket poorẽ wã ye; Sʋtãan zoe n gomda a na sui yãmb neb kẽer doto, n kʋɩɩb yãmba la a mak yãmb pãng dasem piiga. Fo yee n tall f tẽeba neere n ta f kũum tɩ m na kõ-f vɩɩm dolbo.

KÃAB-PAALGÃ KOE-NOOGO

¹⁰ Da maan-y rabeem ne namsg ning y sẽn na n namsã ye. Gese, Sʋtãanã na n kẽesa yãmb neb kẽer bi-bees roogo, sẽn na n yɩl n mak yãmba, la yãmb na n paama namsg rasem piiga. Kel n maan-y neer hal tɩ ta kũum, la mam na kõ yãmb vɩɩm maanfo.”

Vẽnegre 2:10 Iomraidhean Croise

Yɩɩn‑sõamyã 31:23

La maam, m yãgbã pʋga, mam yeelame: Yãmb diga maam n zãag ne y menga. La baoosgo, mam sẽn kelem n bool yãmb tɩ y sõng-ma, yãmb wʋma mam kosgã.

Kʋʋr yɩɩla 3:57

Daar ning mam sẽn kos yãmbã, yãmb kolga maam n yeel tɩ m da zoe rabeem ye.

A Dãniyɛlle 1:12

«Bɩ y kõt tõnd bõn-koaadl biis ne zẽ-vãad bal tɩ d rɩtẽ, la ko-zaalg tɩ d yũuda, tɩ d ges ka ne rasem piig pʋgẽ na n yɩ a wãna.

A Dãniyɛlle 1:14

Gũudã maana wa b sẽn kosã, n mak-b rasem piiga.

Abakuk 2:3

Bala, yaa vẽnegr sẽn na n wa paam pidsgu, a wakatã sã n ta, ka na n yɩ belgr ye, la a ka na n vaal n ka pids ye. Ba a sã n kaoosdẽ, bɩ f kell n gũ-a, bala, a ka na n pa n ka paam pidsg ye.»

A Matiye Sõng 10:22

Neba fãa na n kisga yãmb mam yʋʋrã yĩnga, la ned ning sẽn na n yals-a kãenkãe tɩ wakat ta na paam fãagre.

A Matiye Sõng 10:28

Ra zoe-y neb nins sẽn kʋʋd yĩngã n yaool n ka tõe n kʋ sɩɩgã ye. Zoe-y soab ning sẽn tõe n kɩt tɩ yĩngã ne sɩɩgã sãam bug-tẽngã.

A Matiye Sõng 24:13

La ned ning fãa sẽn na n mao-a tɩ wakat ta, a na paam fãagre.

A Mark Sõng 13:13

Nebã fãa na n kisga yãmb mam yʋʋrã yĩnga, la ned ning fãa sẽn na yals kãenkãe hal tɩ wakat ta na paam fãagre.

A Mark Sõng 8:35

Bala, ned ning fãa sẽn dat n gũ a vɩɩm, a vɩɩm na sãame, la ned ning fãa sẽn na n bas a vɩɩm mam yĩnga la koe-noogã yĩnga, a na paam fãagre.

A Luk Sõng 21:12

La sẽn deng bõn-kãens fãa, b na n yõga yãmba, n nams-yã. B na n yõga yãmb n tall n kẽng karen-dotẽ, b na n kẽesa yãmb bi-bees roto, b na n tall-y lame n kẽng rĩm-dãmb ne Gʋvɛrneer dãmb taoor mam yʋʋrã yĩnga.

A Zã Sõng 12:25

Ned ning sẽn nong a vɩɩm menesd-a lame. La ned ning sẽn na kisg a vɩɩm dũni‑kãngã pʋgẽ, a na n bĩng-a‑la wakat sẽn kõn sa wã yĩnga.

A Zã Sõng 13:2

Rɩɩbã wakate, rẽ tɩ Sʋtãanã dag n ninga a Sɩmo biig a Zʋdaas sũurẽ t'a zãmb a Zeezi n yõk n kõ.

A Zã Sõng 13:27

A Zʋdaas sẽn deeg burã bal la Sʋtãanã sẽn kẽ yẽnda. A Zeezi yeel-a lame: Fo sẽn na n maan bũmb ningã, maan-a tao-tao.

Tʋʋma 20:24

La mam tagsdame tɩ mam vɩɩmã ka tar yõod ne maam ye. La sẽn pak maam yaa tɩ m wee n tõog n maan m tʋʋmdã hal n ta a tɛka, n tõog n baas tʋʋmd ning Zu-soab a Zeezi sẽn ning mam zugã, n moon Wẽnnaam barkã koe-noogã.

Tʋʋma 21:13

La a Poll leokame: Yaa bõe n tar yãmb tɩ y yãbd n na n sãam mam sũuri? Bala, mam seglame n sɛ, la ka sẽbrã yĩng bal ye. M seglame me n na n ki Zeruzalɛm Zu-soab a Zeezi yʋʋrã yĩnga.

1 Korẽnt rãmba 9:25

Ned ning sẽn yõgd maoor modgda a meng n basd bũmb kẽere. Bãmb maanda a woto n dat maanf sẽn sãamda, la tõnd maandame n dat maanf sẽn ka sãamd ye.

Efɛɛz Rãmba 2:2

Pĩnda, yãmb dag n kẽnda yel-wẽn kãens pʋgẽ wa sẽn zems dũni-kãngã sẽn kẽnd to-to wã, n sakd yĩngr pãng naabã, sɩɩg ning sẽn tʋmd wẽn-kɩɩsdbã pʋgẽ moasã wã.

Efɛɛz Rãmba 6:12

Bala, tõnd zabr ka ne ninsaal sẽn yaa nemd la zɩɩmã ye, la yaa ne lik rĩm-dãmba la a pãens sẽn so naam tẽng zug ka wã, la wẽng maaneg sɩɩsã sẽn be yĩngrã.

Zake 1:12

Ned ning sẽn yas kãenkãe makr pʋgẽ la sũ-noog soaba. Bala, makrã zugẽ, a na n paama vɩɩm sẽn yaa keoor Zu-soabã sẽn kãab neb nins sẽn nong bãmbã.

1 Pɩyɛɛr 5:4

La Pe-kɩɩmbã kãsem sã n wa puki, yãmb na n paama maanf sẽn tar ziiri, la sẽn ka sãamd ye.

1 Pɩyɛɛr 5:8

Yɩ-y neb sẽn tar yam! Gũus-y-yã! Yãmb bɛyã sẽn ya a Sʋtãan gõodame n kelemd wa gɩgemde, n baood a sẽn tõe n paam a soab n sãame.

Vẽnegre 13:14

Ne bãn b sẽn kõ-a noor t'a maan pipi rũngã taoorã, a belga nebã sẽn be tẽng zugã, n yeel-b tɩ b maan rũng ning sẽn paam poglg ne zabr sʋʋg n kell n põsã bõn-naandga.

Vẽnegre 13:2

Rũngã mam sẽn yãndã rag n wẽndã wa ãbga, t'a naoã wẽnd rigd‑n‑yĩidg naoã, t'a noorã wẽnd wa gɩgemd noore. Wag‑bɛɛgã kõo rũngã a pãngã la a geerã la a pãn-tõogã.

Vẽnegre 13:7

La b kõo yẽnda noor t'a yik zabr ne Wẽnnaam nin-tũusdsã n tõog-ba. B kõo yẽnda pãn-tõog t'a tõog buud fãa, la tẽng fãa nebã, la goam buud fãa nebã, la soolem fãa.

Vẽnegre 17:14

Bãmb na n zaba ne pe-bilã. La pe-bilã na n tõog-b lame, tɩ bõe bãmb yaa zu-soben-dãmb Zu-soabã la rĩm-dãmbã Dĩmã. La neb nins b sẽn boolã, neb nins b sẽn tũusã, ne neb nins sẽn maand sɩdã, n be ne pe-bilã na n tõog-b lame me.

Vẽnegre 2:13

«Mam mii yãmb sẽn be zĩig ningã: zĩ-kãng yaa a Sʋtãan geere. Yãmb talla mam yʋʋrã, la yãmb ka bas y tẽeb ne maam baa wakat ning b sẽn kʋ mam kaset tɩrg soab a Ãntipaas yãmb sʋka, zĩig ning a Sʋtãan sẽn be wã.

Vẽnegre 2:9

«Mam bãnga yãmb yel-pakrã ne y naongã, la yãmb yaool n yaa arzegs rãmba, la mam bãnga kãnegr ning neb nins sẽn yet tɩ b yaa Zʋɩf-rãmb n yaool n ka Zʋɩf-rãmba, la b ya Sʋtãanã karen-doogã rãmb sẽn kãnegd yãmbã.