Vẽnegre 19:11 - WẼNNAAM SEBRE 2014

¹¹ Dẽ poore, mam yãnda arzãn sẽn pake, la mam yãnda wed-moaag sẽn yaa pɛɛlga. Ned ning sẽn zao-a weefã yʋʋr la a Sɩd-maanda, la a Sɩd-sɩda. Bãmb bʋʋda bʋʋdã ne tɩrlem, la b zabd ne tɩrlem.

SEBR SÕNGO

¹¹ M yãeeme tɩ yĩngr pakame la wed-boll n yi, la wed-dʋʋda yʋʋr da pʋda woto: «Ra-Teem-Dĩma» la a «Sɩdyɛsa»; a kaooda bʋʋdo la a maanda zabre ne a sẽn tog n zab ne b rãmba.

KÃAB-PAALGÃ KOE-NOOGO

¹¹ Dẽ poore, mam yãnda arzãn sẽn pake, la mam yãa wed-moaag sẽn ya pɛɛlga. Ned ning sẽn zao-a weefã yʋʋr la a Sɩd-maanda la a Sɩd-sɩda. Bãmb bʋʋda bʋʋdã ne tɩrlem la b zabd ne tɩrlem.

Vẽnegre 19:11 Iomraidhean Croise

Yɩɩn‑sõamyã 96:13

Bɩ b kaas Sẽn-Ka-Saab taoore, bala, bãmb watame! Bãmb wat n na n kaoo dũniyã bʋʋdo. Bãmb watame n na n kao dũniyã bʋʋd ne tɩrlem, la b kao nebã bʋʋd ne sɩda.

Vẽnegre 6:2

Mam gesame, la mam yãnda wed-moaag sẽn yaa pɛɛlga. Sẽn zao-a weefã ra zãada tãpo, la b kõo yẽnda maanfo. La a kẽnga wa tõaagda, n na n tõoge.

Yɩɩn‑sõamyã 98:9

Bɩ b kaas Sẽn-Ka-Saab taoore, bala, b wat n na n kaoo dũniyã bʋʋdo. Bãmb na n kaoo dũniyã bʋʋd ne tɩrlem, la b kao nebã bʋʋd wa sẽn zemse.

Vẽnegre 3:14

Gʋls Laodiise wẽnd doogã gũud n yeel-a yaa: Ad bũmb ning sẽn yaa-a Ãmina, la kaset soab sẽn yaa tɩrga, la sɩd soabã, sẽn naan-a Wẽnnaam bõn-naandsã sẽn yeta:

Yɩɩn‑sõamyã 50:6

Saasẽ na n moona bãmb tɩrlmã. Bala, yaa bãmb la bʋ-kaooda.

Zeremi 33:15

Wakat-kãng sã n ta, mam na n kɩtame tɩ nin-sõng yi a Davɩɩd yagensã sʋka. Yẽnda na n kɩtame tɩ tɩrlem ne bʋ-kao-tɩrg zĩnd tẽngã pʋgẽ.

A Ezayi 32:1

Dẽ, rĩma na n dɩɩ naamã ne tɩrlem. La nanambsã na n sooga soolmã ne zemsgo.

Vẽnegre 4:1

Dẽ poore, mam gesame, la haya! Mam yãnda kʋɩleng sẽn pak arzãn pʋga. La pipi koɛɛg ning sẽn wẽnd baorg mam sẽn da wʋm t'a gomd ne maamã yeela maam yaa: Rʋ yĩngr ka, la mam na n kɩtame tɩ fo yã bũmb nins sẽn yaa tɩlɛ tɩ wa zĩndã.

Vẽnegre 3:7

Gʋls Filadɛlfi wẽnd doogã gũud n yeel-a yaa: Ad bũmb sõmblem soabã, sɩd soabã, sẽn tar-a a Davɩɩd kʋɩlen-bilã, soab ning sẽn pakd tɩ ned ka tõe n pagã, soab ning sẽn pagd tɩ ned ka tõe n pakã sẽn yeta:

A Ezayi 45:21

Togs-y yellã! Wa-y n yals-y taoor n gom n yiis y menga! Bɩ b fãa tigim n yẽs ne taaba! Ãnda soab n kɩt tɩ b wʋm bõn-kãng hal kʋdem-wẽndẽ, la a sɩng n togs bõn-kãng hal pĩnda? Ka maam a Sẽn-Ka-Saab la? Sã n ka maam, Wẽnnaam a to ka be ye. Sã n ka maam, Wẽnnaam sẽn yaa tɩrg n yaa fãagd ka be ye. Wẽnnaam a to ka tol n leb n beẽ ye.

Yɩɩn‑sõamyã 99:4

Bɩ nebã waoog rĩmã sẽn nong tɩrlmã pãngã! Yãmb n vigl tɩrlem. Yãmb n kɩt tɩ zemsg ne tɩrlem zĩnd a Zakoob yagensã sʋka.

A Zã Sõng 14:6

A Zeezi yeela yẽnda yaa: «Maam la sore, la sɩda, la vɩɩm. Ned baa a yembr ka tõe n wa m ba nengẽ tɩ ka tũ ne maam ye.

Ezekiyɛl 1:1

Mam yʋʋm pis-tã soabã pʋgẽ, yʋʋmdã kiuug a naasẽ soabã rasem a nu daare, mam sẽn wa n be ne yembsã Kebaar kʋɩlgã noorã, saasã pakame, la mam paama Wẽnnaam vẽnegre.

Vẽnegre 11:19

B paka Wẽnnaam doogã sẽn be arzãnã, la b yãnda Wẽnnaam kãabg koglgã b roogã pʋga. Sa-yãgbo, la koeese, la sa-kelemse, la tẽn-digimdg ne sapɩlem wʋsg zĩndame.

Zakari 1:8

Ad bũmb ning maam a Zakari sẽn yãnd badaar yʋngã: «Mam yãnda rao sẽn zao wed-zẽega, n yas tɩɩs sẽn tar maasem n be bog-zulungã pʋgã sʋka. La wiid sẽn yaa wed-zẽese, la wed-bĩis-naar ne wed-peels n dag n yas yẽnda poorẽ wã.»

Yikri 15:3

Sẽn-Ka-Saab yaa zabr gãndaoogo. Bãmb yʋʋr la a Sẽn-Ka-Saabo.

A Zã Sõng 1:51

Sɩd-sɩda, mam yeta yãmb tɩ yãmb na n yãnda arzãn sẽn pake, la Wẽnnaam malegs sẽn dʋʋd la b sigd ninsaal Bi-riblã zugẽ.»

Vẽnegre 19:19

Mam yãnda rũngã ne dũni rĩm-dãmbã ne b sodaasã sẽn tigim taab n na n zab ne soab ning sẽn zao-a wed-pɛɛlgã, la ne a sodaasã.

Vẽnegre 19:21

La sʋʋg ning sẽn dag n yit soab ning sẽn zao wed-moaagã zugã noorẽ wã kʋʋ neb a taabã. La bõn-yɩgdɩ wã fãa rɩɩ bãmb nemdã n tɩge.