Vẽnegre 15:4 - WẼNNAAM SEBRE 2014

⁴ Zu-soaba, ãndã n ka na n zoe yãmba, la a ka na n waoog yãmb yʋʋrã? Bala, yãmb y yembr tãa n welg toore. La soolem dãmbã fãa na n wa wõgemda yãmb taoore, yãmb tɩrlmã sẽn pukã yĩnga.

SEBR SÕNGO

⁴ Yãmb bal n tar Sõmblem, yãmb bal n pid ne Sõmblem; la bu-zẽmba fãa na n wa wõgemda yãmb taoore, tɩ y yikame n dok y sũur la y sɩbg-ba, tɩ b neẽ.»

KÃAB-PAALGÃ KOE-NOOGO

⁴ Zu-soaba, ãnna n ka na n zoe yãmba, la a ka na n waoog yãmb yʋʋrã? Bala, yãmb y yen tãa n welg toore. La soolem dãmba fãa na n waa n wõgemda yãmb taoore, yãmb tɩrlmã sẽn pukã yĩnga.

Vẽnegre 15:4 Iomraidhean Croise

Yɩɩn‑sõamyã 105:7

Bãmb yaa Sẽn-Ka-Saabo, n yaa tõnd Wẽnnaam. Bãmb yaa dũniyã gill fãa bʋ-kaooda.

Yɩɩn‑sõamyã 111:9

Bãmb tʋma fãagr b nebã yĩnga, n vigl b kaoolã wakat fãa yĩnga. Bãmb yʋʋrã welga toore, la a seka zoeese.

Yɩɩn‑sõamyã 22:23

Mam na n moona yãmb yʋʋrã m ba-biisã sʋka. Mam na n pẽga yãmb nebã tiging sʋka.

Yɩɩn‑sõamyã 22:27

Naong rãmbã na n dɩɩ n tɩgame. Sẽn baood-b Sẽn-Ka-Saabã na n pẽga bãmba. Bɩ bãmb vɩɩmd wakat sẽn ka sɛta!

Yɩɩn‑sõamyã 22:3

Mam Wẽnnaam, wĩndga mam kelemd n boonda yãmba, la y ka leokd-m ye. Yʋng me, mam ka sĩnd m noor ye.

Yɩɩn‑sõamyã 86:9

Zu-soaba, buud toay-toayã fãa yãmb sẽn naanã na n wa wõgemda yãmb taoor n waoog yãmb yʋʋrã.

Yɩɩn‑sõamyã 89:7

Sɩd me, ãnda n be saasẽ n tõe n mak a meng ne yãmb a Sẽn-Ka-Saabo? Ãnda n be wẽnnaam-dãmbã sʋka, n zem yãmb a Sẽn-Ka-Saabo?

Yɩɩn‑sõamyã 97:8

Sɩyõ wʋma rẽndã n maand sũ-noogo, Zʋʋda kom-pugli wã kɩdemda Sẽn-Ka-Saab bʋʋdã kaoob yĩnga!

Yɩɩn‑sõamyã 99:5

Kils-y Sẽn-Ka-Saab sẽn yaa tõnd Wẽnnaamã yĩnga, la y wõgemd bãmb nao-roagendgã taoore, bala, bãmb yaa pʋ-peelem soaba!

Yɩɩn‑sõamyã 99:9

Pẽg-y Sẽn-Ka-Saab sẽn yaa tõnd Wẽnnaamã, la y wõgemd bãmb tãngã sẽn welg toorã zugu! Bala, Sẽn-Ka-Saab sẽn yaa tõnd Wẽnnaamã yaa pʋ-peelem soaba!

A Ezayi 24:15

Dẽ wã, waoog-y Sẽn-Ka-Saab zĩis nins wĩndg vẽenem sẽn tãoosdã pʋgẽ, waoog-y Sẽn-Ka-Saab sẽn yaa Israyɛll Wẽnnaamã yʋʋr tẽms nins sẽn be koom sʋkã pʋgẽ!

A Ezayi 25:3

Rẽ n kɩte, tɩ pãens rãmbã waoogd yãmba, la buud toay-toayã sẽn yaa nin-toosã tẽng zoeta yãmba.

A Ezayi 26:9

N-yẽe! Yʋngo, mam data yãmba, mam sũ-zulmã pʋga, mam baooda yãmba. Bala, yãmb bʋ-kaoorã sã n wa maand a tʋʋmd dũniyã zugu, dũniyã neb zãmsda tɩrlem.

A Ezayi 45:23

Mam wẽenda ne m meng tɩ gomd ning sẽn yi mam noorẽ wã yaa tɩrga, la a kõn tol n tek ye. Rũmã fãa na n yĩgimda mam taoore, la zɛlmã fãa na n wẽena ne mam yʋʋre.

A Ezayi 57:15

Bala, soab ning sẽn yɩɩd fãa wã, la sẽn paad wakat sẽn kõn sa wã, tɩ b yʋʋrã welg toorã yetame: «Mam bee hal yĩngr zĩig sẽn welg toor pʋgẽ, la m bee ne ned ning sũur sẽn sãame, soab ning sẽn be paoogr pʋgã, mam bee ne soab ning sɩɩgã sẽn yɛ, n na n bels sũ-pa-noaang soabã.

A Ezayi 6:3

Bãmb dag n zẽkda b koees n yet taab yaa: «Pʋ-Peelem-Soaba, Pʋ-Peelem-Soaba, Saasẽ-Pãng-Soabã yaa Pʋ-Peelem-Soaba. Dũniyã fãa pida ne bãmb ziirã.»

A Ezayi 60:5

Fo sã n yãnd bãmba, fo nengã na n pɩlame, fo sũurã na n yɩɩ noog wʋsgo, la yaa ko-kãsengã arzegsã sẽn wat fo nengẽ wã, ne bu-zẽmsã laogã sẽn wat fo nengẽ wã yĩnga.

Zeremi 10:7

Buudã fãa rĩmã, ãnda soab n ka na n zoe yãmba? Yãmb seka zoeese. Bala, buud toay-toayã fãa yam dãmbã sʋka, ne b soolem-dãmbã fãa pʋse, yãmb ka tar to ye.

Zeremi 16:19

Sẽn-Ka-Saabo, yãmb yaa mam pãnga, la m pãng zĩiga, la m zĩ-soalgdg yel-pakr wakate! Buud toay-toay na n yii dũniyã kɩremsã fãa n wa yãmb nengẽ, la b na n yeelame: Tõnd yaab-rãmbã reega zĩrẽ tɩ yaa b pʋɩɩre, la a yaa bũmb sẽn ka yõodo.

Zeremi 5:22

Maam a Sẽn-Ka-Saab sokdame yaa: «Bõe yĩng tɩ y ka zoet-ma, la y ka rigd ne rabeem m taoore? Ka maam n ning bĩisrã ko-kãsengã noor t'a yɩ a toadg wakat fãa la? Baa ko-wĩisã sã n lengdẽ, b ka tar pãng ne-a ye. La baa b sã n guglumdẽ, b ka tõe n gãndg-a ye.

A Ooze 3:5

Dẽ poore, Israyɛll nebã na n lebg n waame. Bãmb na n baoo Sẽn-Ka-Saab sẽn yaa bãmb Wẽnnaamã, la a Davɩɩd sẽn yaa bãmb dĩmã. Wakat n wate, tɩ bãmb na wa Sẽn-Ka-Saab nengẽ ne rabeem, n bao bãmba, la b bao b sõmblmã.

Abakuk 1:12

Mam Wẽnnaam Sẽn-Ka-Saabo, m Pʋ-Peelem-Soaba, ka yãmb n sɩng n be hal kʋdem-wẽndẽ la? Tõnd ka na n ki ye! Sẽn-Ka-Saabo, yãmb n yãk Babilond nebã tɩ b kao tõnd bʋʋdo. Sẽn-Ka-Saab sẽn yaa m Pĩig Kugri, yãmb n yãk bãmb tɩ b sɩbg tõndo.

Zakari 14:16

Dẽ, buud nins fãa sẽn wa n zab ne Zeruzalɛmã, neb nins sẽn põsã na n wata yʋʋmd-yʋʋmd n waoogd rĩmã sẽn yaa Saasẽ-Pãng-Soabã, la b maand zãn tigrã.

Zakari 2:11

Haya! Sɩyõ nebã, yãmb dãmb sẽn be Babilond tẽn-neerã pʋgẽ wã, zoe-y n põs-y-yã!»

Malasi 1:11

Bala, sẽn sɩng yaang n tãag nin-taoore, mam yʋʋrã yaa kãseng buud toor-toorã fãa sʋka. B yita zĩig zãng n wat n yõogd wisd mam yʋʋrã yĩnga, la b wat ne kũun sẽn yaa yɩlemde. Bala, mam yʋʋrã yaa kãseng buud toor-toorã fãa sʋka. Maam a Saasẽ-Pãng-Soabã n yeele.

Rom Dãmba 15:9

La buud a taabã neb waoogda Wẽnnaam, b nimbãan-zoeerã yĩnga, wa b sẽn da gʋls n yeelã: Rẽnda n kɩt tɩ mam na n gom soolem-dãmb sʋk n wilg tɩ m mii yãmba, la m na n yɩɩlame n waoog y yʋʋrã.

1 Pɩyɛɛr 1:16

Bala, Wẽnnaam gʋls-sõamyã yetame: Bɩ y yɩ pʋ-peelem dãmba, bala, mam yaa pʋ-peelem soaba.

Vẽnegre 11:15

Malɛɛk a yopoe soabã peeba baorgo. La koe-kãsems zĩnda arzãn n yeel yaa: Dũniyã soolem lebga tõnd Zu-soabã ne bãmb Kirisã n so. Bãmb na n dɩɩ naam zamaan woo zamaana!

Vẽnegre 14:7

Yẽnda zẽka a koɛɛg n yetẽ yaa: Zoe-y Wẽnnaam dabeem la y waoog bãmba. Bala wakat taame tɩ bãmb na n kao bʋʋdo. Wõgemd-y soab ning sẽn naan-a yĩngr la tẽngã, ko-kãseng ne ko-bundsã taoore.

Vẽnegre 16:5

La mam wʋma koomã malɛɛkã sẽn yeel yaa: yãmba, soab ning sẽn dag n be, la sẽn be moasã, n welg toorã, yãmb sẽn kao bʋʋdã a woto wã zemsame.

Vẽnegre 16:7

La mam wʋma koɛɛg sẽn yi tẽn-kugrẽ wã n yeel yaa: Hakɩɩka, Zu-soab a Wẽnnaam Sẽn‑Tõe‑Fãa, yãmb bʋʋda kaoob yaa sɩda, la tɩrga.

Vẽnegre 19:2

bãmb bʋ-kaoorã sẽn yaa sɩd la tɩrgã yĩnga. Wẽnnaam kaoo pʋg-yood‑kãsengã sẽn dag n sãamd dũni ne a yoobã bʋʋdo. La Wẽnnaam doka b tʋmtʋmdbã sũuri, yẽnda sẽn daag bãmb zɩɩmã yĩnga.

Vẽnegre 19:8

B kõo pʋg-paalã peen‑neer fuug sẽn pɩnd n ka tar rẽgd t'a yeelge. peen-neer fuugã yaa nin-sõamyã wã tʋʋm sõamyã.

Vẽnegre 3:7

Gʋls Filadɛlfi wẽnd doogã gũud n yeel-a yaa: Ad bũmb sõmblem soabã, sɩd soabã, sẽn tar-a a Davɩɩd kʋɩlen-bilã, soab ning sẽn pakd tɩ ned ka tõe n pagã, soab ning sẽn pagd tɩ ned ka tõe n pakã sẽn yeta:

Vẽnegre 4:8

Bõn-vɩɩs a naasã ned kam fãa tara pɩgs a yoob sẽn pid ne nin b zĩigã fãa, la b pʋgẽ wã me. Wĩndg la yʋngo b yetame tɩ: Sõngo, sõngo, Zu-soab a Wẽnnaam sẽn Tõeyã fãa wã yaa sõngo. Bãmb da beeme la b bee moasã la b watame, n ka basdẽ ye.

Vẽnegre 6:10

Bãmb zẽka b koees ne pãng n yeel yaa: «Zu-soben-sõng la sɩd soaba, yãmb na n gũume hal tɩ ta dabʋr tɩ y yaool n kao dũniyã nebã bʋʋdo, la y rok y sũur tõnd zɩɩmã raagr yĩnga?»

1 Sãmwɛlle 2:2

Ned ka be n yaa pʋ-peelem soab wa Sẽn-Ka-Saab ye. Ned a to ka be tɩ sã n ka yãmb ye. Ned ka be t'a pãng zem Wẽnnaam ye.