Biblia Todo Logo
Bìoball air-loidhne

- Sanasan -




Vẽnegre 13:8 - WẼNNAAM SEBRE 2014

8 La nebã fãa sẽn be tẽng zugu, tɩ b yʋy ka gʋls vɩɩm sebrã sẽn yaa pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.

Faic an caibideil Dèan lethbhreac

SEBR SÕNGO

8 Ada sẽn na n paam waoogr neb niyns nengẽ: yaa sẽn wa-b moogo n yaool n ka paam, dũni sɩngra wakato, tɩ b yʋʋr gʋls vɩɩm sebra pʋgẽ, Pe-bil ning b sẽn kodgã vɩɩma sebr pʋgẽ.

Faic an caibideil Dèan lethbhreac

KÃAB-PAALGÃ KOE-NOOGO

8 La neba fãa sẽn be tẽng zugu, tɩ b yʋy ka gʋls vɩɩm sebr sẽn ya Pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.

Faic an caibideil Dèan lethbhreac




Vẽnegre 13:8
25 Iomraidhean Croise  

La a Izak yeela a ba a Abrahaam yaa: «M baaba!» T'a Abrahaam sak tɩ m biiga yaa a wãna. T'a Izak yeele: «Bugmã yẽ la woto wɛ, raadã me la woto, la pesgã sẽn na n maan maoong sẽn yõogd bugmã bee yɛɛnẽ?»


Rɩk-y b beeg-kãng n paas b beeg-kʋdgã. Ra bas-y tɩ b paam bʋʋm yãmb taoor ye!


Baoosgo, kõ-y bãmb b yel-wẽnã sugri. La yãmb sã n ka na n kõ bãmb b yel-wẽnã sugri, m kotame tɩ y yẽes mam yʋʋrã yãmb sẽn dag n gʋls yãmb sebrã pʋgẽ wã.»


Dẽ, neb nins sẽn kell Sɩyõ wã, sẽn dat n togs tɩ sẽn kell-b Zeruzalɛmã, b na n boola bãmb tɩ pʋ-peelem dãmb Sẽn-Ka-Saab yĩnga. B na n gʋlsa neb nins fãa sẽn na n paam vɩɩm Zeruzalɛm pʋgẽ wã yʋya.


Sẽn wẽnda ninsaalbã leb n yeela maam yaa: «Wakat-kãnga, gũudbã na-kãseng a Mikayɛll sẽn yaa yãmb nebã gũudã na n waame, la na n yɩɩ to-kãseng wakate. Hal ninsaalb sẽn be dũni tɛk tɩ tãag badaare, to-kãseng a woto buud nan ka zĩnd ye. La badaare, b na n fãaga fo neb nins yʋy sẽn gʋls sebrã pʋgẽ wã.


Dẽ, Rĩmã na n yeela sẽn be‑b bãmb dɩtgã yaa: «Yãmb dãmb sẽn tar m ba wã barkã, wa-y-yã! Reeg-y soolmã sẽn dag n segl yãmb yĩng hal dũni naaneg wakatã tɩ yɩ y pʋɩɩre.


Baoosgo, da maan-y sũ-noog zĩn-dãmbã sẽn sakd yãmbã yĩng ye. Maan-y sũ-noogo, yãmb yʋyã sẽn gʋls arzãn pʋgẽ wã yĩnga.»


Vẽkembeoogo, a Zã yãnda a Zeezi sẽn wat yẽnda nengẽ, n yeele: «Ad Wẽnnaam pe-bilã, sẽn yiisd-a dũni yel-wẽnã.»


Wẽnnaam yãka tõnd Kiris maasem yĩng sẽn deng dũni naanego, tɩ tõnd yɩ neb sẽn yell bãmb taoor ye. Wẽnnaam nonglmã pʋga,


La foom me, m tʋmd-n-ta-sõngo, mam kota foom tɩ f sõng pʋg-kãense. B ra tʋma ne maam koe-noogã yĩnga, ne a Kelma la ne mam tũud-n-taas a taabã yʋy sẽn be vɩɩm sebrã pʋgẽ wã.


wẽn-tũudum, n paam tẽeb pidsg gũudum ne vɩɩm sẽn kõn sa wã, Wẽnnaam sẽn yaa sɩd soabã sẽn dag n kãab hal tɩ dũni nan ka naana.


La waafã kɩtame tɩ koom yi a noorẽ wã, n yaa wa mogr koom n pʋgl pagã, sẽn na yɩl tɩ koomã kãag pagã.


Yẽnda rag n tʋmda ne pipi rũngã pãn-tõogã fãa a nifẽ, la a kɩtame tɩ tẽngã ne nebã sẽn be a zugã wõgemded pipi rũngã sẽn dag n paam sãmpog-kʋʋdg tɩ maagã taoore.


Rũng ning fo sẽn yã wã rag n beeme, la a ka leb n beẽ ye. A na n yii bog-zulungẽ wã n kẽng sãoong zĩigẽ. La dũni neb nins yʋy sẽn ka gʋls vɩɩm sebrã pʋgẽ hal dũni naaneg wẽndẽ wã sã n yãnd rũngã, a na n yɩɩ lingr ne bãmba, rũngã sẽn dag n be, n wa ka leb n beẽ la a na n leb n pukã yĩnga.


Bũmb sẽn yaa rẽgdo, wall ned ning sẽn maan wẽnga wall a yagd zĩrẽ kõn kẽ be ye. Yaa neb nins yʋy sẽn gʋls pe-bilã vɩɩm sebrẽ wã bal n na n kẽ.


Yãmb sẽn tall mam koɛɛg ning sẽn kɩt tɩ yãmb nangd pãng mam pʋgẽ wã yĩnga, mam me na n kogla yãmb wakat ning makrã sẽn na n wa dũniyã tɛk fãa n mak nebã sẽn be a zugã.


Ade, mam yasa rignoorẽ n kabsdẽ. Ned sã n wʋm mam koɛɛgã n pak kʋɩlengã, mam na n kẽe yẽnda roogẽ n dɩ ne yẽnda la yẽnda na n dɩɩ ne maam.


Ned ning sẽn na n tõogã na n yeelga fu-peels a woto. Mam ka na n yẽes yẽnda yʋʋrã vɩɩm sebrã pʋgẽ ye, la mam na n boola yẽnda yʋʋrã m ba la malegsã taoore.»


Bãmb da zẽkda b koees n yetẽ: Pe-bil ning b sẽn dag n kʋ wã zemsame tɩ reeg pãn-tõogo, arzegse, yam, pãnga, waoogre, ziiri, la pẽgre.


La mam wʋma bõn-naandsã fãa sẽn be arzãna, la sẽn be tẽng zug la tẽngã tẽngre, la ko-kãsengã zugu, la bũmb nins fãa sẽn be be wã sẽn yet yaa: Sẽn zao-a geerã zugã la pe-bilã n tog ne pẽgre, la waoogre, la ziiri, la pãnga, zamaan woo zamaane.


Pe-bilã sẽn sok soagdg a yembr sogds a yopoe wã sʋkã, mam gesame, la mam wʋma bõn-vɩɩs a naasã ned a yembr sẽn gom ne koɛɛg sẽn wẽnd wa sa-kɛleng n yeel yaa: Wa!


Lean sinn:

Sanasan


Sanasan