Vẽnegre 13:7 - WẼNNAAM SEBRE 2014

⁷ La b kõo yẽnda noor t'a yik zabr ne Wẽnnaam nin-tũusdsã n tõog-ba. B kõo yẽnda pãn-tõog t'a tõog buud fãa, la tẽng fãa nebã, la goam buud fãa nebã, la soolem fãa.

SEBR SÕNGO

⁷ Rũnga paamame n na n maan beem ne nin-sõma la a tõog-ba; a paama tõog ninsaalb fãa zugu, tẽns toɛ-toɛ rãmba, tɩ b goam la b rog-n-mik ya toɛ-toɛ yã.

KÃAB-PAALGÃ KOE-NOOGO

⁷ La b kõo yẽ noor t'a yik zabr ne Wẽnnaam nin-tũusdsã n tõog-ba. B kõo yẽ pãn-tõog t'a tõog buud fãa, la tẽng fãa neba, la goam buud fãa neba la soolem fãa.

Vẽnegre 13:7 Iomraidhean Croise

Yikri 9:16

La mam basa foom tɩ f vɩɩmde, sẽn na n yɩlẽ tɩ fo yãnd mam pãngã, la tɩ mam yʋʋr saag dũniyã fãa pʋgẽ.

A Ezayi 10:15

Rẽ yĩnga, lar tõe n wuka a meng ne sẽn tar-a yẽnda n kɛɛdẽ wã la? Ra-wãad-sʋʋg tõe n zẽka a meng ne sẽn tar-a yẽnda n wãadẽ wã la? Yaa wa dasaar sẽn yuumd a zãada! Yaa wa guug sẽn zẽkd a zãada!

A Ezayi 37:26

Fo ka bãng tɩ yaa hal daar zãr la mam segl bõn-kãensã, la mam maana bãmb hal kʋdem-wẽndẽ? Moasã, mam kɩtdame tɩ b paamd pidsgu, fo tʋʋmd yaa f kɩt tɩ tẽms nins sẽn tar pãngã lebg raboodo.

Zeremi 25:9

mam na n kɩtame tɩ buud nins fãa sẽn be wĩntoog sẽn lʋɩtẽ dɩtgã, ne Babilond dĩm a Nebukatnedzaar sẽn yaa m tʋmtʋmdã, wa zab ne tẽn-kãngã nebã, la ne buud nins sẽn gũbg-a wã. Mam na n menesa bãmb n kɩt tɩ tẽngã lebg zĩ-vɩʋʋg wakat fãa yĩnga, tɩ neb sã n yãnd-a, bɩ b yɛɛs n fɩɩle.

A Dãniyɛlle 12:1

Sẽn wẽnda ninsaalbã leb n yeela maam yaa: «Wakat-kãnga, gũudbã na-kãseng a Mikayɛll sẽn yaa yãmb nebã gũudã na n waame, la na n yɩɩ to-kãseng wakate. Hal ninsaalb sẽn be dũni tɛk tɩ tãag badaare, to-kãseng a woto buud nan ka zĩnd ye. La badaare, b na n fãaga fo neb nins yʋy sẽn gʋls sebrã pʋgẽ wã.

A Dãniyɛlle 7:21

La mam sẽn ket n getẽ, mam yãame tɩ yɩɩn-kãng yika zabr ne Wẽnnaam nin-sõamyã, la a tõoga bãmba,

A Dãniyɛlle 7:25

Yẽnda na n goma goam sẽn paoogd Wẽnnaam Sẽn-Ka-To, la a na n namsa Wẽnnaam Sẽn-Ka-To nin-sõamyã. A na n makame n na n tek wakatã, la a tek Wẽnnaam nebã wẽn-tũudmã tõodã. La b na n basame t'a soog nin-sõamyã yʋʋm a tãab la pʋɩ-sʋka.

A Luk Sõng 4:6

n yeel-b yaa: «Mam na n kõo yãmb dũni naamã fãa, ne soolem kãensã ziirã, bala, b kõ-a-la maam, la mam kõt-a la m sẽn dat a soaba.

A Zã Sõng 19:11

A Zeezi leokame n yeele: «Yãmb sã n dag n ka reegẽ noor yĩngi, yãmb ka tar noor tɩ maan maam baa fɩ. Rẽnda n kɩt tɩ ned ning sẽn tall maam n wa n kõ yãmbã yel-wẽnd yɩɩd yãmb dẽndã.»

Vẽnegre 10:11

Dẽ poore, b yeela maam yaa: Yaa tɩlɛ tɩ fo leb n togs bãngr goam yɛs n gom neb wʋsg yelle, la buud wʋsg yelle, la goam buud wʋsg yelle, la rĩm-dãmb wʋsg yelle.

Vẽnegre 11:18

Soolem toay-toayã rãmb ra yika b sũyã, la yãmb sũ-puugrã waame, la wakat taame tɩ y na n kao neb nins sẽn ki wã bʋʋdo, la y keo y no-rɛɛsdbã sẽn yaa yãmb tʋmtʋmdbã ne y nin-tũusdsã la neb nins sẽn zoet yãmb yʋʋrã, nin-tals la nin-kãsemse, la y sãam neb nins sẽn sãamd tẽngã.

Vẽnegre 11:7

Bãmb sã n wa kɩs b kasetã n sɛ, rũng ning sẽn yit bog-zulungẽ wã na n yika zabr ne bãmba, n tõog-ba, n kʋ-ba.

Vẽnegre 12:17

Wag‑bɛɛgã sũur puuga ne pagã, la a kẽngame n tɩ yik zabr ne pagã yagensã sẽn kellã, neb nins sẽn sakd Wẽnnaam tõodã la sẽn tall-b a Zeezi kasetã.

Vẽnegre 17:15

Malɛɛkã yeela maam yaa: «Koom nins fo sẽn yãnd tɩ pʋg-yoodrã zĩ b zutã, yaa nebã, la neb kʋʋndo, ne soolem‑dãmba, la goam buud toay-toayã nebã.

Vẽnegre 5:9

La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam nebã.