Vẽnegre 13:5 - WẼNNAAM SEBRE 2014

⁵ B kõo rũngã noor t'a gom wilg-m-meng goam la Wẽnnaam paoogr goamã. La b kõo yẽnda pãn-tõog t'a tʋm kiis pis-naas la a yiibu.

SEBR SÕNGO

⁵ Rũnga paamame n na n gom tɩtaam goama la a tʋʋs Wẽnde; a paamame n na n tʋm a tʋʋmde kiis pis naas la a yiibu.

KÃAB-PAALGÃ KOE-NOOGO

⁵ B kõo rũngã noor t'a gom wilg-m-meng goama la Wẽnnaam paoogr goama. La b kõo yẽ pãn-tõog t'a tʋm kiis pis-naas la a yiibu.

Vẽnegre 13:5 Iomraidhean Croise

Yɩɩn‑sõamyã 12:3

Ned kam fãa yagda zĩrẽ ne a to, nebã gomda no-noom goamã, la sɩd yaool n ka be bãmb pʋgẽ ye.

Ezekiyɛl 35:13

Yãmb gom n paooga maam, yãmb goma wuk-m-men-goam n paoog maam. Mam meng wʋma gom-kãense.»

A Dãniyɛlle 11:36

La rɩtg rĩmã na n maana a sẽn date. A na n wuka a menga, n pẽg a meng n yeel tɩ yẽnda yɩɩda wẽnnaam-dãmbã fãa, la a na n goma gom-bɛd n paoog wẽnnaam-dãmb Wẽnnaamã. La a na n paama tõogr hal tɩ ta Wẽnnaam sũ-puugrã daare. Bala, Wẽnnaam sẽn yeelã na n paama pidsgu.

A Dãniyɛlle 12:12

Bark bee ned ning sẽn na n yals-a n gũ tɩ ta rasem tusr la kobs-tã la pis-tã la a nu wã daarã zugu.

A Dãniyɛlle 7:11

Dẽ, mam dag n ket n getame, yɩɩllã sẽn dag n gomd tɩtaam goamã yĩnga. La mam sẽn wa n ket n getẽ wã wakate, mam yãnda b sẽn kʋ rũng a naasẽ soabã, n dɩk-a n lob bugmẽ wã, tɩ bugmã rɩ-a.

A Dãniyɛlle 7:20

La mam baoome me n na n bãng yɩɩl piigã sẽn dag n be yẽnda zugẽ wã, ne yɩɩll ning sẽn yaool n puk-a bãmb sʋk n kɩt tɩ yɩɩl a tãabã lʋɩ wã võore. Yɩɩn-kãng rag n tara nini, la noor sẽn gomd tɩtaam goamã, la yẽnda wẽnda wa a tara pãng n yɩɩd yɩɩl a taabã.

A Dãniyɛlle 7:25

Yẽnda na n goma goam sẽn paoogd Wẽnnaam Sẽn-Ka-To, la a na n namsa Wẽnnaam Sẽn-Ka-To nin-sõamyã. A na n makame n na n tek wakatã, la a tek Wẽnnaam nebã wẽn-tũudmã tõodã. La b na n basame t'a soog nin-sõamyã yʋʋm a tãab la pʋɩ-sʋka.

A Dãniyɛlle 7:8

La mam sẽn ket n get yɩɩlã wakate, mam yãnda yɩɩn-bil a yembr sẽn yi bãmb sʋkã, n võ pipi yɩɩlã a tãabo, la yɩɩn-bilã rag n tara nin wa ninsaal nini, la a tar noor sẽn gomd tɩtaam goamã.

A Dãniyɛlle 8:14

Pipi pʋ-peelem soabã yeela maam yaa: «Yaa zaabr la yibeoog tusr la kobs-tã loogr zugẽ, la b na n lebs n maneg zĩis nins sẽn welg toorã.»

2Tesalonik Rãmba 2:3

Bɩ ned da tõog n belg yãmb ne manesem buud baa a yembr ye. Bala, yaa tɩlɛ tɩ leb-poorẽ deng n zĩndi, tɩ wẽn-kɩɩsdã yiki. Yẽnda yaa soab ning b sẽn na n sãame,

2Tesalonik Rãmba 2:4

bɛ sẽn zẽkd a meng n yɩɩgd bũmb ning fãa b sẽn boond tɩ Wẽnnaam, la bũmb nins fãa neb sẽn pʋʋsda, hal n pʋs n kẽng n tɩ zĩnd Wẽnnaam doogẽ wã, n kɩt tɩ b bool-a tɩ wẽnnaam.

2Tesalonik Rãmba 2:8

Yaa wakat-kãng la wẽn-kɩɩsdã na n yiki, la Zu-soabã [a Zeezi] na n sãam-a-la ne b noor pemsem, la bãmb waoongã ziir na n beds-a lame.

Vẽnegre 11:7

Bãmb sã n wa kɩs b kasetã n sɛ, rũng ning sẽn yit bog-zulungẽ wã na n yika zabr ne bãmba, n tõog-ba, n kʋ-ba.

Vẽnegre 12:14

La b kõo pagã panantug-kẽeng pɩgs a yiib t'a yɩk n kẽng weoogẽ wã, a zĩigẽ wã, zĩig ning b sẽn na n dɩlg-a wakat a yembre, la wakat dãmba, la wakat pʋɩ-sʋkã, tɩ waafã ra yãnd-a ye.

Vẽnegre 12:6

La pagã zoee n kẽnga weoogẽ, zĩig ning Wẽnnaam sẽn dag n segl a yĩngã, tɩ b tõe n dɩlg-a be rasem tusr la kobs yi la pis yoobe.

Vẽnegre 13:7

La b kõo yẽnda noor t'a yik zabr ne Wẽnnaam nin-tũusdsã n tõog-ba. B kõo yẽnda pãn-tõog t'a tõog buud fãa, la tẽng fãa nebã, la goam buud fãa nebã, la soolem fãa.