Vẽnegre 12:3 - WẼNNAAM SEBRE 2014

³ Bõn-bãnd a to puka arzãna: Ad yaa wag‑bɛ-kãseng sẽn yaa miuugu, n tar zut a yopoe ne yɩɩl piiga, la maanf-rãmb n dag n fõg a zut a yopoe wã.

SEBR SÕNGO

³ Dẽ poore yell bãnd a to n puk yĩngri: Wag-bãnde, moomde zãnga, ne zut a yopoe la yɩɩl piiga, tɩ zug fãa fõgen naam pugla.

KÃAB-PAALGÃ KOE-NOOGO

³ Bõn-bãnd a to puka arzãna: Ad yaa bõnin-kãseng sẽn ya miuugu, n tar zut a yopoe ne yɩɩl piiga, la maanf-rãmb n da fõg a zut a yopoe wã.

Vẽnegre 12:3 Iomraidhean Croise

A Ezayi 27:1

Badaare, Sẽn-Ka-Saab na n dɩka b zabr sʋ-bedrã sẽn dɩte, la sẽn tar pãngã, n sɩbg parwẽndã sẽn yaa wag-zoɛtgã, parwẽndã sẽn yaa wag-gõdem-gõdmã, la b na n kʋʋ wag-bɛɛgã sẽn be ko-kãsengẽ wã.

A Ezayi 51:9

Sẽn-Ka-Saabo, nek-y-yã! Wilg-y y pãngã! Wilg-y y pãngã wa kʋdem-wẽndẽ wã, wa zamaan ning sẽn loogã pʋgẽ wã! Ka yãmb n dag n sãam a Rahaab la y kõs wag-bɛɛgã la?

A Ezayi 9:15

Nin-bãmbã taoor-dãmbã kẽesd-b-la moogo, la neb nins bãmb sẽn tɛtã menemame.

A Dãniyɛlle 2:41

La yãmb sẽn yãnd a naoã ne a nao-bi wã tɩ bɛk yaa yagd tɩ bɛk yaa kutã, rat n yeelame tɩ soolem-kãng na n welga toor-toore. La yãmb sẽn yã kutã sẽn kalem ne yagdã, rat n wilgame tɩ kut pãng n na n kell n zĩnd a pʋgẽ.

A Dãniyɛlle 2:42

La nao-bi wã bɛk sẽn yaa kut tɩ bɛk yaa yagdã, rat n yeelame tɩ soolem-kãng begr a yembrã na n talla pãnga, tɩ begr a to wã ka tar pãng ye.

A Dãniyɛlle 7:20

La mam baoome me n na n bãng yɩɩl piigã sẽn dag n be yẽnda zugẽ wã, ne yɩɩll ning sẽn yaool n puk-a bãmb sʋk n kɩt tɩ yɩɩl a tãabã lʋɩ wã võore. Yɩɩn-kãng rag n tara nini, la noor sẽn gomd tɩtaam goamã, la yẽnda wẽnda wa a tara pãng n yɩɩd yɩɩl a taabã.

A Dãniyɛlle 7:24

Yɩɩl piigã mamsda rĩm-dãmb piig sẽn na n pʋgl taab n zĩnd soolem-kãng pʋga. La a to n na n pʋgl bãmb n zĩndi. La yẽnda na n yɩɩ toor ne pipi rãmbã, la a na n luba rĩm-dãmb a tãabo.

Vẽnegre 12:1

Bõn-bãnd sẽn yaa kãseng puka arzãna. Yaa pag sẽn pil wĩntoog wa fuugu, n tab kiuugã ne a nao, la a fõgen maanf sẽn maan ne ãds piig la a yiibu.

Vẽnegre 12:13

Wag‑bɛɛgã sẽn yã tɩ b loba yẽnda tẽng zugã, a babsa pag ning sẽn dog-a bi-riblã.

Vẽnegre 12:17

Wag‑bɛɛgã sũur puuga ne pagã, la a kẽngame n tɩ yik zabr ne pagã yagensã sẽn kellã, neb nins sẽn sakd Wẽnnaam tõodã la sẽn tall-b a Zeezi kasetã.

Vẽnegre 12:4

Yẽnda zʋʋrã rag n kãagda ãdsã sẽn be yĩngrã, yembr tãab fãa sʋk n lobd tẽng zugu. Wag‑bɛɛgã yik n yalsa pag ning sẽn dat n dogã taoore, tɩ pagã sẽn dog yee, bɩ yẽnda vel a biigã.

Vẽnegre 12:7

Zab-kãseng zĩnda arzãna. Malegs naab a Misɛll ne a malegsã zaba ne wag‑bɛɛgã. Wag‑bɛɛgã me ne a malegsã zabame,

Vẽnegre 12:9

B riga wag‑bɛ-kãsengã, wag-kʋdrã b sẽn boond tɩ rõatã la a Sʋtãana, soab ning sẽn belgd tẽngã zĩig ning fãa neb sẽn be wã nebã. B tusa yẽnda ne a malegsã n lob tẽng zugu.

Vẽnegre 13:1

Dẽ poore, mam yãnda rũng sẽn yi ko-kãsengẽ wã n tar yɩɩl piig la zut a yopoe, la maanf-rãmb piig n dag n be a yɩɩlã zutu, la Wẽnnaam tʋʋsg yʋy n dag n gʋls a zutẽ wã.

Vẽnegre 13:2

Rũngã mam sẽn yãndã rag n wẽndã wa ãbga, t'a naoã wẽnd rigd‑n‑yĩidg naoã, t'a noorã wẽnd wa gɩgemd noore. Wag‑bɛɛgã kõo rũngã a pãngã la a geerã la a pãn-tõogã.

Vẽnegre 13:4

B wõgemda wag‑bɛɛgã taoore, a sẽn kõ rũngã pãn-tõogã yĩnga. B wõgemda rũngã taoore, n yeele: Ãnda n wẽnd rũngã, la ãndã n tõe n zab ne-a?

Vẽnegre 15:1

Dẽ poore, mam yãnda bãnd a to arzãn sẽn yaa kãseng n sek gesgo. Yaa malegs a yopoe sẽn da zãad tood a yopoe, yaoolem dãmbã. Bala yaa ne to-kãens la Wẽnnaam sũ-puugrã na n pidsi.

Vẽnegre 16:13

Mam yãnda sɩ-rẽgd a tãab sẽn wẽnd wa loms sẽn yit dargõ wã noorẽ la rũngã noorẽ la belgr no-rɛɛsã noorẽ.

Vẽnegre 17:12

Yɩɩl piigã fo sẽn yã wã yaa rĩm-dãmb piig sẽn nan ka reeg soolem ye, la b reegda pãn-tõog wa rĩm-dãmbã lɛɛr a yembr yĩng ne rũngã.

Vẽnegre 17:16

Yɩɩl piigã fo sẽn yãndã, n paas rũngã na n kisga pʋg-yoodrã, n dees a futã n bas-a a zaala, la b wãb a nemdã, la b ning-a bugum t'a rɩ tẽma.

Vẽnegre 17:7

La malɛɛkã soka maam yaa: Bõe yĩng tɩ yaa lingr ne foom? Mam na n togsa foom pagã ne rũng ning sẽn zɩt yẽnda, n tar zut a yopoe ne yɩɩl piigã yel-solemdã.

Vẽnegre 19:12

Bãmb ninã yaa wa bug-witim. Maanf-rãmb wʋsg n fõg bãmb zugã. Bãmb tara yʋʋr sẽn gʋls tɩ ned baa a yembr ka mi, sã n ka bãmb mengã bala,

Vẽnegre 20:2

Malɛɛkã yõka dargõ wã, la wag-kʋdrã sẽn yaa rõatã, la a Sʋtãanã n balg-a yʋʋm tusr yĩnga.