Vẽnegre 11:3 - WẼNNAAM SEBRE 2014

³ Mam na n kõo m kaset dãmb a yiibã pĩnd-n-bãngr goam kũuni, tɩ b yeelg bot n togs bãngr goamã rasem tusr la kobs-yi la pis-yopoe.

SEBR SÕNGO

³ M na n kõ-la m kaset dãmb a yiibã noore tɩ b yeelg sũ-pa-noang futu n gom bãngr goam dasem tusr la kobsi la pisoob pʋgẽ.»

KÃAB-PAALGÃ KOE-NOOGO

³ Mam na n kõo m kaset dãmb a yiibã pĩnd-n-bãngr goam kũuni, tɩ b yeelg bot n togs bãngr goamã rasem tusr la kobs-yi la pis-yopoe.

Vẽnegre 11:3 Iomraidhean Croise

Sɩngrẽ 37:34

A Zakoob pãrsa a futu, n sẽgen boto, n yãb a Zozɛf kʋʋrã n kaoos rasem wʋsgo.

2 Sãmwɛlle 3:31

A Davɩɩd yeela a Zoaab ne neb nins fãa sẽn dag n be-b ne yẽnda wã tɩ b pãrs b futu, n yeelg sũ-sãang futu, n yãb a Abneer kũumã yĩnga. La rĩm a Davɩɩd dag n kẽndame n pʋgd kũumã pãndare.

1 Rĩm-dãmbã 21:27

Rĩm a Akaab sẽn wʋm Wẽnnaam no-rɛɛs a Eli sẽn gomã, a pãrsa a futu, n yeelg sũ-sãang futu, n loe noore. La a rag n gãee ne fu-kãense. La a sã n kẽnda, a kẽnda soaa-soaa.

2 Rĩm-dãmba 19:1

Rĩm a Ezekɩyaas sẽn wʋm gom-kãensã wã, a pãrsa a fut n yeelg boto, n kẽng Sẽn-Ka-Saab roogẽ wã.

1 Kibayã 21:16

A Davɩɩd zẽka a nenga, n yãnd Sẽn-Ka-Saab malɛɛkã sẽn be yĩngr ne tẽng sʋka, n wõog a sʋʋg n tees Zeruzalɛm tẽngã sẽnẽ. La a Davɩɩd ne kãsem-dãmbã pila boto, n lʋɩ n fõgneg b neng tẽnga.

A Neemi 9:1

Kiu-kãng rasem pisi la a naasã daare, Israyɛll nebã yeelga boto, n yug b mens tom, la b tigim taab n na n loe noore.

A. Zoobe 16:15

Mam sẽe bot n yeelg m gãongã zugu, la mam fõgna m neng tẽnga.

Yɩɩn‑sõamyã 69:11

Mam loee noor n yãbe, la rẽ waa ne tʋy mam zugu.

A Ezayi 22:12

Badaare, Zu-soabã sẽn yaa Saasẽ-Pãng-Soabã boonda yãmb tɩ y wa yãb n wiisi, la y põng y zut n sẽgen boto.

Zeremi 1:10

Ade, rũndã, mam kõta foom noor tɩ f võ, la f pãb n wã, la f sãame, la f siig buud toay-toayã ne soolem toay-toayã, la f lebs n me la f sele.

Kʋʋr yɩɩla 2:10

Sɩyõ tẽn-neerã kãsem-dãmbã zĩi tẽnga, bãmb mukame. Bãmb yuga b zut tom. Bãmb yeelga boto. Zeruzalɛm pʋg-sadbã sulga b zut tẽnga.

Ezekiyɛl 4:6

Fo sã n wa n pids rasem-kãens sõorã, bɩ f wẽnemd n gãand f nug-rɩtgã zugu, n tʋk Zʋʋda buudã kongr dasem pis-naase. Mam kõta foom daar a ye yʋʋmd fãa yĩnga.

A Dãniyɛlle 12:7

La mam wʋma ned ning sẽn yer-a fu-peels n yas koomã zugã sẽn gomde. La yẽnda zẽka a nus a yiibã n tees yĩngr n wẽen ne sẽn vɩ-a wakat sẽn kõn sa wã yʋʋr n yeele: «Bõn-yɛɛsdsã na n kaoosa yʋʋm a tãab la pʋɩ-sʋka. Wẽnnaam nin-sõamyã pãng sẽn na n sɛ wakat ningã, yaa wakat-kãng la bõn-yɛɛsds-kãensã fãa me na n sɛ.»

A Dãniyɛlle 7:25

Yẽnda na n goma goam sẽn paoogd Wẽnnaam Sẽn-Ka-To, la a na n namsa Wẽnnaam Sẽn-Ka-To nin-sõamyã. A na n makame n na n tek wakatã, la a tek Wẽnnaam nebã wẽn-tũudmã tõodã. La b na n basame t'a soog nin-sõamyã yʋʋm a tãab la pʋɩ-sʋka.

A Dãniyɛlle 8:14

Pipi pʋ-peelem soabã yeela maam yaa: «Yaa zaabr la yibeoog tusr la kobs-tã loogr zugẽ, la b na n lebs n maneg zĩis nins sẽn welg toorã.»

A Zowɛlle 1:13

Maan-kʋʋdba, sẽgn-y bot n yãb n wiisi! Tẽn-kug zĩisẽ tʋmtʋmdba, kelm-y-yã! Yãmb dãmb sẽn tʋmd mam Wẽnnaamã yĩngã, wa-y-yã, yeelg-y bot yʋngã tõre! Bala, b ka leb n wat ne bõn-koaadl kũuni, ne bõn-yũudl kũun tõnd Wẽnnaamã roogẽ ye.

A Zonaase 3:5

Dẽ, Niniiv tẽngã neb tẽe Wẽnnaam. La bãmb mooname n yeel nebã fãa tɩ b loe noore. La sẽn sɩng ne kãsma, n tɩ tãag yao-zʋʋga, nebã fãa yeelga sũ-sãang fut n zĩnd tompeglmẽ.

A Zonaase 3:8

La bɩ ninsaalbã ne rũmsã fãa yeelg sũ-sãang futu, tɩ ned kam fãa kelem n bool Wẽnnaam ne a sũur fãa, la a wẽnemd n bas a manesem-wẽngã, ne a tʋʋm-wẽnsã a sẽn da maandã!

Sõadga 11:26

Kãsem-dãmb pis-yopoe wã sʋk neb a yiib n dag n pa sik zĩigẽ wã, yaa a Ɛldaade, ne a Medaade. La bãmb da paa sik zĩigẽ wã, n ka yi n tũ n kẽng sɛk roogẽ wã ye. La ne rẽ fãa, Sɩɩgã siga bãmb zutu, n kɩt tɩ b gom pĩnd-n-bãngr goam sik zĩigẽ wã.

A Matiye Sõng 11:21

Bãmb yeelame: «Korazin, fo na paam toogo! Betsayɩɩda, fo na paam toogo! Bala, bõn-bãn nins sẽn maan yãmb pʋsẽ wã sã n dag n maanẽ Tɩɩr ne Sɩdõ sẽn yaa tẽn-wẽnsã pʋse, bãmb dag n na n tekẽ‑la yam hal daar zãra, n pil bot n zĩnd tompeglmẽ n kos sugri.

A Matiye Sõng 18:16

La a sã n ka kelg foom, bɩ f peeg nin‑yɛng bɩ neb a yiib n kẽnge, tɩ yellã fãa tõe n paam manegr kaset dãmb a yiib bɩ a tãab taoore, wa Wẽnnaam gʋls-sõamyã sẽn yetã.

A Luk Sõng 10:13

«Korazin, fo na paam toogo! Betsayɩda, fo na paam toogo! Bala, bõn-bãn nins sẽn maan yãmb sʋkã sã n dag n maanẽ Tɩɩr ne Sɩdõ, yaa hal daar zãr la b da na n yeelg boto, la b yug b zug tompeglem n kos sugri.

A Luk Sõng 24:48

Yãmb yaa bõn-kãng kaset-dãmba.

A Zã Sõng 15:27

la yãmb me na n kɩsa mam kaseto, yãmb sẽn be ne maam hal sɩngr wẽndẽ wã yĩnga.

A Zã Sõng 3:27

A Zã leokame n yeele: «Ninsaal ka tõe n deeg bũmb baa fʋɩ, tɩ sã n ka sẽn yi arzãnã n kõ-a ye.

Tʋʋma 1:8

La Sɩɩg-sõng sã n wa yãmb zutu, y na n deega pãnga, la yãmb na n yɩɩ mam kaset dãmb Zeruzalɛm, la Zʋʋde soolmã fãa, la Samaari, hal tɩ ta dũniyã tɛk fãa.

Tʋʋma 13:31

La neb nins sẽn dag n tũ a Zeezi n yi Galɩle n kẽng Zeruzalɛm yãnda bãmb rasem wʋsgo. La moasã b yaa a Zeezi kaset dãmb Israyɛll nebã sʋka.

Tʋʋma 2:32

Yaa Zeezi‑kãng la Wẽnnaam sẽn vʋʋgã, la tõnd fãa yaa bõn-kãng kaset dãmba.

Tʋʋma 3:15

La y yaool n kɩt tɩ b kʋ vɩɩm-naabã. La Wẽnnaam vʋʋg-b lame tɩ b yi kũum sʋk n vɩ. Tõnd yaa bõn-kãng kaset dãmba.

1 Korẽnt rãmba 12:28

Wẽnnaam ninga neb b roogẽ wã: pipi rãmb yaa tẽn-tʋmdbã, tɩ Wẽnnaam no-rɛɛsdbã ya yiib rãmba, tɩ karen-saam-dãmbã ya tãab rãmba. Rẽ poore, bõn-bãn maaneg kũun n be, tɩ maagr kũuni, sõngr kũuni, lʋɩ neb taoor kũuni, gom-zẽn buud toay-toay kũun n pʋgda.

2 Korẽnt rãmba 13:1

Mam wata yãmb nengẽ naoor a tãab-n-soaba. Yɛlã fãa na n paama manegre, ne neb a yiib bɩ a tãab kaseto.

Efɛɛz Rãmba 4:11

Yaa bãmb n kɩt tɩ neb kẽer yɩ tẽn-tʋmdbã, tɩ kẽer yɩ bãmb no-rɛɛsdba, tɩ kẽer yɩ koe-noogã moaandba, tɩ kẽer yɩ pe-kɩɩmba la karen-saam-dãmba,

Yaoolem 17:6

Ned sã n segd ne kũum, b tog n kʋ-a lame, la yaa neb a yiib bɩ a tãab kaset yĩnga. B ka tog n kʋ a soabã nin-yend kaset yĩng ye.

Yaoolem 19:15

Nin-yend kaset yĩng ka sek tɩ b wilg tɩ ned maana kongr bɩ yel-wẽnde, baa sẽn yaa yel-wẽnd ning yĩng ye. B ka tog n kao ned bʋʋdo, tɩ ka ne neb a yiib bɩ a tãab kaset yĩng ye.

Vẽnegre 11:2

La f bas Wẽnnaam doogã samandã kɛɛng n da mak-a ye, tɩ bala, b kõ-a-la bu-zẽmsã, la bãmb na n taba tẽn-sõngã kiis pis-naas la a yiibu.

Vẽnegre 11:6

Bãmb tara pãn-tõog tɩ pag yĩngri, tɩ saag ka ni dasem nins bãmb sẽn togsd pĩnd‑bãngr goamã wakate, la b tar pãn-tõog n tõe n tek koomã tɩ lebg zɩɩm, la b kɩt tɩ tood buud fãa paam nebã tẽng zugu, wakat ning fãa b sẽn date.

Vẽnegre 12:6

La pagã zoee n kẽnga weoogẽ, zĩig ning Wẽnnaam sẽn dag n segl a yĩngã, tɩ b tõe n dɩlg-a be rasem tusr la kobs yi la pis yoobe.

Vẽnegre 13:5

B kõo rũngã noor t'a gom wilg-m-meng goam la Wẽnnaam paoogr goamã. La b kõo yẽnda pãn-tõog t'a tʋm kiis pis-naas la a yiibu.

Vẽnegre 19:10

La mam wõgemda yẽnda taoor n na n waoog-a, la a yeela maam yaa: Da saag n maan a woto ye! Mam yaa fo tʋmd-n-taaga, la fo ba-biis nins sẽn tar a Zeezi kasetã tʋmd-n-taaga. Waoog Wẽnnaam! Wẽnnaam no-rɛɛsdbã goam yita a Zeezi kasetã pʋga.

Vẽnegre 20:4

Mam yãnda naam gɛyã. La b kõo neb nins sẽn zĩnd gɛyã zutã noor tɩ b bʋ bʋʋdo. La mam yãnda neb nins b sẽn fiuus b zut a Zeezi kasetã ne Wẽnnaam goamã yĩngã sɩɩse, la neb nins sẽn dag n ka wõgemd rũngã wall a bõn-naandgã taoore, la b ka reeg bãndã b rĩyẽ wall b nusã zutã sɩɩse. Bãmb vʋʋgame n dɩ naam ne Kiris yʋʋm tusri.