Vẽnegre 1:6 - WẼNNAAM SEBRE 2014

⁶ n yiis d yel-wẽnã, n maan tõnd tɩ d lebg soolem maan-kʋʋdb bãmb ba a Wẽnnaam yĩngã, bãmb n tog ne ziiri la pãng zamaan woo zamaane! Ãmina!

SEBR SÕNGO

⁶ Bãmb n kɩt tɩ tõnd lebg maan-kʋʋdb buudu, b Wẽnnaam la b Ba yĩnga; bãmb bal n tar ziir la naam, marsã la daar fãa. Ami!

KÃAB-PAALGÃ KOE-NOOGO

⁶ n yiis d yel-wẽna, n maan tõnd tɩ d lebg soolem maan-kʋʋdb bãmb ba a Wẽnnaam yĩngã, bãmb n tog ne ziiri la pãng zamaan o zamaane! Ãmina!

Vẽnegre 1:6 Iomraidhean Croise

Yikri 19:6

La sã n yaa ne yãmba, yãmb soolmã na n yɩɩ maan-kʋʋdb soolem, la buud sẽn welg toor mam yĩnga. Togs Israyɛll nebã a woto.› »

A Ezayi 61:6

La yãmba, b na n boola yãmb tɩ ‹Sẽn-Ka-Saab maan-kʋʋdba›, tɩ ‹tõnd Wẽnnaamã tʋmtʋmdba.› Yãmb na n dɩɩ buud a taabã arzegse, la yãmb na n yeelga bãmb ziirã.

A Dãniyɛlle 4:34

Moasã, maam a Nebukatnedzaar pẽgda saasẽ dĩm-kãsengã, la m waoogd-ba, n balemd-ba. Bãmb tʋʋmã fãa yaa sɩda, la b soayã yaa tɩrse. Yaa bãmb bal n tõe n sik wuk-m-mens rãmbã.»

A Dãniyɛlle 7:14

La b kõo yẽnda ninsaalbã pãnga, waoogre, la naam. La nebã buud fãa, ne soolem-dãmbã fãa, la ninsaalbã sẽn gomd goam buud toor-toorã, tʋmda yẽnda yĩnga. La yẽnda pãnga paada wakat sẽn ka sɛta, la a pãngã ka tar sɛɛb ye. La yẽnda naamã ka na n tol n sãam ye.

A Matiye Sõng 6:13

Da bas-y tõnd tɩ d kẽ makr pʋgẽ ye. Fãag-y tõnd wẽng soabã nugẽ, [tɩ yãmb n so soolem la pãnga la waoogre, wakat sẽn kõn sa. Ãmina!]

A Zã Sõng 5:23

tɩ nebã fãa na waoog-a wa b sẽn waoogd ba wã. Ned ning sẽn ka waoogd Bi-riblã ka waoogd ned ning sẽn tʋm-a wã me ye.

Rom Dãmba 11:36

Bũmb fãa yii bãmb nengẽ, bãmb n maan bũmb fãa, la bũmb fãa yaa bãmb yĩnga. Bãmb n so ziir wakat fãa. Ãmina.

Rom Dãmba 15:6

tɩ yãmb na kõ Wẽnnaam sẽn yaa tõnd Zu-soab a Zeezi Kiris ba wã waoogre, ne yam a yembre la koɛɛg a yembre.

Filip rãmba 2:11

la tɩ zɛlmã fãa na n kɩsa kaset t'a Zeezi Kiris yaa fãagda, tɩ yɩ tõnd ba a Wẽnnaam waoogr yĩnga.

1 Tɩmote 6:16

Yaa bãmb bal n ka kiida, n vɩ vẽenem ned sẽn ka tõe n ta pʋgẽ. Ned nan ka yãnd bãmb ye, la ned ka tõe n yãnd bãmb me ye. Yaa bãmb n so waoogre, la pãng sẽn paad wakat sẽn kõn sa. Ãmina!

Ebre rãmba 13:21

na kɩt tɩ yãmb tõog n maan sẽn yaa sõama, tɩ y na maan bãmb daabo. Bɩ Wẽnnaam kɩt tɩ bũmb nins sẽn noom bãmbã maan tõnd pʋse, a Zeezi Kiris maasem yĩnga, soab ning sẽn zems ne ziir zamaan woo zamaane! Ãmina!

1 Pɩyɛɛr 4:11

Ned sã n gomda, bɩ a gom wa sẽn zemsd Wẽnnaam goamã sẽn yetã. Ned sã n sõngdẽ, bɩ a sõng wa sẽn zemsd pãng ning Wẽnnaam sẽn kõ-a wã, tɩ Wẽnnaam sẽn so ziiri la pãng wakat sẽn kõn sa wã paam waoogr bũmba fãa pʋga, a Zeezi Kiris maasem yĩnga. Ãmina!

1 Pɩyɛɛr 5:11

Bɩ pãngã yɩ bãmb dẽnd zamaan woo zamaane! Ãmina.

2 Pɩyɛɛr 3:18

Bɩ yãmb bɩ tõnd Zu-soabã la d Fãagd a Zeezi Kiris barkã pʋgẽ, la y bãngd-b yellã n paasdẽ. Bãmb n so ziir sẽn sɩng ne moasã hal tɩ ta wakat sẽn kõn sa.

A Zʋʋde 1:25

Wẽnnaam b yembr tãa sẽn yaa soab ning sẽn fãag-a tõndo, d Zu-soab a Zeezi Kiris maasem yĩngã, soog ziiri, la naam, la pãnga la noore, sẽn sɩng ne wakat sẽn dag n ka be, la moasã, la zamaan fãa sẽn wata.» Ãmina.

Vẽnegre 1:9

Maam a Zã sẽn yaa yãmb ba-biigã, la sẽn naag yãmb n paamd namsgo, la sẽn naag yãmb n tar pʋɩɩr ne Wẽnnaam soolem, la m naag n maood a Zeezi tũudmã pʋgẽ wã, mam dag n bee Patmoos sẽn yaa tẽng koom sẽn gũbgi, Wẽnnaam goamã la a Zeezi kasetã yĩnga.

Vẽnegre 20:6

Neb nins sẽn naag n paam dẽenem vʋʋgrã tara bark la sõmblem. Kũum a yiib soabã ka tar b tʋʋmd ye. Bãmb na n yɩɩ Wẽnnaam ne Kirisã maan-kʋʋdba, la b na n dɩɩ naam ne Kirisã yʋʋm tusri.

Vẽnegre 4:11

Tõnd Zu-soab la d Wẽnnaam, yãmb n zems tɩ reeg ziiri, la waoogre, la pãnga. Bala, yãmb n naan bũmb fãa, la yaa yãmb daab yĩng la y naan-b tɩ b beẽ.

Vẽnegre 5:10

Yãmb kɩtame tɩ bãmb lebg soolem la maan-kʋʋdb tõnd Wẽnnaamã yĩnga, la bãmb na n dɩɩ naam dũni zugu.