Sofoni 3:5 - WẼNNAAM SEBRE 2014

⁵ La Sẽn-Ka-Saab yaool n bee tẽngã pʋga, n yaa tɩrlem soaba, la b ka maand sẽn ka zems ye. Yibeoog fãa, bãmb pukda b tɩrlmã n ka basdẽ ye. La nin-wẽng ka mi yãnd ye.

SEBR SÕNGO

⁵ Soaala yaool n keta tẽnga pʋga. B raab la zemsga zĩndi tɩ wẽnga meneme. Beoog-beoog fãa b wilgda bõe n zemse, la bõe n ka zemse. Ne rẽ fãa nin-wẽnsa tara b tʋʋma sẽn wat ne b yãndã.

Sofoni 3:5 Iomraidhean Croise

Sɩngrẽ 18:25

Tɩ naag nin-tɩrs ne nin-wẽns n kʋ? Yell a woto buud maaneg zãra ne yãmba. Yãmb na n kɩtame tɩ nin-tɩrs paam sɩbgr ning nin-wẽnsã sẽn na n paamã sɩda? Yel-kãng buud maaneg zãra ne yãmba. Yãmb sẽn yaa dũniyã fãa bʋ-kaoodã, yãmb na n maana a wãn n kao bʋʋdã kegre.»

A. Zoobe 34:10

Woto yĩngã, yam dãmba, kelg-y maam! Wẽnnaam sẽn yaa Pãng-Soabã zãra ne wẽng maanego. Bãmb ka tol n maand wẽng ye!

A. Zoobe 7:18

n get a yell yibeoog fãa, la y makd-a n get wakat fãa?

A. Zoobe 8:3

Wẽnnaam na n sak n bʋʋ bʋʋd kegr la? Pãng-Soabã na n sak n golma tɩrlem sɩda?

Yɩɩn‑sõamyã 145:17

Sẽn-Ka-Saab yaa tɩrlem soab b sẽn maandã fãa pʋga, la b yaa sõmblem soab b tʋʋmã fãa pʋga.

Yɩɩn‑sõamyã 37:6

Bãmb na n kɩtame tɩ f tɩrlmã puk wa vẽenem, la b kɩt tɩ f zemsgã puk wa wĩnto-sʋka.

Yɩɩn‑sõamyã 92:15

Bãmb kʋʋlame n ket n womd biisi, bãmb tara sũm la b tobda vã-paala.

A Ezayi 12:6

Sɩyõ tẽng nebã, kaas-y sũ-noog ne kɩdeng kaasgo! Bala, Israyɛll Pʋ-Peelem-Soabã sẽn be yãmb sʋkã yaa kãsenga!»

A Ezayi 28:19

A sẽn na n pɩʋʋg wakat ning fãa, a na n kãaga yãmba. Bala, a na n pɩʋʋga yibeoog fãa, la ne wĩndg la yʋngo, la a bʋrgã bal na n kẽesa rabeem.

A Ezayi 33:2

Sẽn-Ka-Saabo, zoe-y tõnd nimbãanega! Tõnd dɩka d teegrã n teeg yãmba. Bɩ y yɩ tõnd pãng yibeoog fãa, la y yɩ tõnd fãagr d yel-pakr wakate!

A Ezayi 45:21

Togs-y yellã! Wa-y n yals-y taoor n gom n yiis y menga! Bɩ b fãa tigim n yẽs ne taaba! Ãnda soab n kɩt tɩ b wʋm bõn-kãng hal kʋdem-wẽndẽ, la a sɩng n togs bõn-kãng hal pĩnda? Ka maam a Sẽn-Ka-Saab la? Sã n ka maam, Wẽnnaam a to ka be ye. Sã n ka maam, Wẽnnaam sẽn yaa tɩrg n yaa fãagd ka be ye. Wẽnnaam a to ka tol n leb n beẽ ye.

A Ezayi 50:4

Zu-soabã a Sẽn-Ka-Saab kõo maam zelemd sẽn mi goam wa karen-biiga, tɩ mam tõe n bãng n gom n bels ka-pãng soabã. Yibeoogo, bãmb nekdame, bãmb nekda maam tɩ m yok m tʋbr n kelg wa karen-biis sẽn kelgd to-to wã.

Zeremi 21:12

A Davɩɩd yagense, Sẽn-Ka-Saab yetame: Bʋ-y bʋʋdã tɩrg yibeoog fãa. Fãag-y b sẽn fãad a soabã namsdã nugẽ, tɩ y tʋʋm-wẽnsã ra wa kɩt tɩ m sũurã yik wa bugum, tɩ ned ka be sẽn na n kiis-a ye.

Zeremi 3:3

Yaa woto n kɩt tɩ saag ka ni sigri, la sẽoog me ye. La baoosgo, yãmb nensã yaa wa pʋg-yoodr nenga. Yãnd ka tar yãmb ye.

Zeremi 6:15

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

Zeremi 8:12

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

Kʋʋr yɩɩla 3:23

Yibeoog fãa, bãmb leb n lebgda paalse. Yãmb sɩdã yaa kãsenga.

Ezekiyɛl 18:25

Yãmb yetame: ‹Zu-soabã manesmã ka zems ye.› Israyɛll buudu, m kotame tɩ y kelge! Dẽ yĩnga, yaa mam manesmã n ka zemse? Ka yãmb manesmã n ka zems sɩda?

Ezekiyɛl 48:35

Tẽngã b sẽn mag n gilgã zãng yaa kãntɩɩg tus piig la a nii. La sẽn sɩng ne rũndã, tẽngã yʋʋr na n yɩ Adonayi-Sama, sẽn dat n togs tɩ ‹Sẽn-Ka-Saab bee ka.› »

A Ooze 14:9

Efrayiim nebã, Bõe yõod la mam leb n tar ne wẽn-naandsã? Maam n na n leok yãmb kosgo, la m ges y yelle. Mam na n yɩɩ wa sɩprɛs tɩɩg sẽn tobd wakat fãa wã. Yaa mam nengẽ la yãmb biisã yita.

A Ooze 6:5

Rẽ n kɩt tɩ m tũnugd no-rɛɛsdbã n zabd ne-yã, la m kʋʋd-y ne m noorã goamã. Mam bʋ-kaoorã na n tãoosa wa vẽenem.

A Miise 3:11

Zeruzalɛm nanambsã reegda kũun n yaool n kao bʋʋdo. Bãmb maan-kʋʋdbã zãmsda nebã n deegd yaoodo, la b no-rɛɛsdbã togsda pĩnd-n-bãngr goamã n deegd wanzuri. Bãmb yaool n tika Sẽn-Ka-Saab n yetẽ yaa: «Sẽn-Ka-Saab sẽn be tõnd sʋkã yĩnga, yel-beed kõn tol n paam-d ye.»

A Miise 7:9

Mam sẽn beeg Sẽn-Ka-Saabã yĩnga, mam na n sak n deega b sũ-puugrã, hal tɩ b wa zab n sõng maam, n lebs maam m bʋʋmã. Bãmb na n talla maam n kẽng vẽenemẽ, la m na n yãnda bãmb tɩrlem tʋʋmã.

Abakuk 1:3

Bõe yĩng tɩ yãmb bas tɩ m yãt tʋʋm-wẽnsã, bõe yĩng tɩ y get tõnd tɩ d be namsg pʋga? Sãoong ne wõr-taabã gũbga maam. Lebga zab taaba, tɩ nokoɛɛmã rãamd zẽkdẽ.

Sofoni 2:1

Buud sẽn ka zoet yãnde, tigm-y taab n tagse,

Sofoni 3:13

La Israyɛll nebã bu-kellã kõn leb n maan sẽn yaa kegre, la b kõn leb n yag zĩrẽ ye. Bãmb kõn leb n gom n tudg taab ye. Bãmb na n tõog n dɩɩme la b gũsi, tɩ ned ba a ye ka be sẽn na n yɛɛs-b ye.»

Sofoni 3:15

Bala, Sẽn-Ka-Saab ka na n leb n sɩbg yãmb ye. Bãmb kɩtame tɩ y bɛɛbã toeem sore. Sẽn-Ka-Saab sẽn yaa Israyɛll dĩmã bee ne yãmba, yãmb kõn leb n yɛɛs tɩ toog na n wa paam-y ye.

Sofoni 3:17

Bala, Sẽn-Ka-Saab sẽn yaa yãmb Wẽnnaamã bee ne yãmba, b yaa gãndaoog sẽn fãagd yãmba, yãmb na n yɩɩ bãmb sũ-noogo. La bãmb sẽn nong yãmbã yĩnga, b na n sĩnda b noore, bãmb na n zẽka b koɛɛg n kaas ne kɩdeng yãmb wɛɛngẽ.

Zakari 2:5

Vẽnegrã pʋga, mam sẽn zẽk m neng n gese, mam yãnda rao sẽn zãad wĩir sẽn tar n magd a nugẽ.

Zakari 9:9

Sɩyõ tẽn-neere, kɩdem ne sũ-noogo! Zeruzalɛm tẽn-neere, bɩ f kilsi! Ade, fo rĩmã wata fo nengẽ. Bãmb yaa tɩrlem soaba, la tõaagda, n yaa sik-m-meng soaba, n zao bõanga, bãmb zaoo bõan-bila, bõan-yãang biiga.

A Luk Sõng 12:2

Bũmb ka be sẽn ludi, sẽn kõn puk ye. La bũmb ka be sẽn solge, b sẽn kõn bãng ye.

Rom Dãmba 2:5

La ne fo sũurã riglingã la f sũurã sẽn ka baood tekrã, fo tigsda sũ-puugr n bĩngd f meng Wẽnnaam sũ-puugrã daar yĩnga, daar ning bãmb bʋ-kaoorã sẽn zemsã sẽn na n pukã,

Rom Dãmba 3:26

bãmb da rat n wilga b tɩrlmã moasã wakatã, tɩ nebã na bãng tɩ bãmb yaa tɩrga, bãmb sẽn kɩtd tɩ ned ning sẽn tẽed a Zeezi wã zemsã.

1 Korẽnt rãmba 4:5

Woto yĩnga, da kao-y bũmb baa fɩ bʋʋd tɩ wakatã nan ka ta ye, tɩ Zu-soabã waoong nan ka ta ye. Bãmb sã n wa, b na n puka bũmb ning sẽn solg lik pʋgẽ wã, la b na n kɩtame tɩ bũmb nins nebã sẽn dag n saag b sũyã pʋsẽ wã pugsi. Wakat-kãnga, Wẽnnaam n na n pẽg ned kam fãa.

Yaoolem 23:14

bɩ y zã wãka, tɩ y sã n maan we-kɛɛngã n sa, bɩ y tuk bok n bus bĩndã.

Yaoolem 32:4

Bãmb yaa Pĩiga! Bãmb tʋʋmã zemsa zãnga! Bãmb soayã fãa yaa tɩrse! Bãmb tʋʋmã zemsa zãnga! Bãmb yaa sɩd soab wakatã fãa! Zãmb ka be bãmb pʋgẽ ye. Bãmb yaa sɩda, la tɩrga.

1 Pɩyɛɛr 1:17

Yãmb sã n pʋʋsd Wẽnnaam ning sẽn ka tũusd nebã, la sẽn kaood ned kam fãa bʋʋd wa sẽn zems a tʋʋmdã, bɩ y kẽn ne gũus-m-menga, yãmb sẽn ket n be dũniyã zug wakate.