Sofoni 3:4 - WẼNNAAM SEBRE 2014

⁴ Bãmb no-rɛɛsdbã yaa bi-beese, la zãmb dãmba, bãmb maan-kʋʋdbã rẽgemda bũmb nins sẽn welg toor Wẽnnaam yĩngã, la b kɩɩsd tõogã.

SEBR SÕNGO

⁴ A bãngdba yaa yʋ-baoodba, zirẽ dãmba. A maan-kʋʋdba ka zãad te-sõma wã wa sẽn segd ye, b kɩɩsda Soaala noore.

Sofoni 3:4 Iomraidhean Croise

A Ezayi 9:15

Nin-bãmbã taoor-dãmbã kẽesd-b-la moogo, la neb nins bãmb sẽn tɛtã menemame.

Zeremi 23:32

Sẽn-Ka-Saab yetame: «Mam na n zaba ne no-rɛɛsdb nins sẽn togsd zĩrẽ zãmsdo, n tudgd mam nebã ne b zĩrẽ wã, la ne b gom-vɩɩdã, tɩ yaool n ka maam n tʋm-ba, la m ka kõ-b noor me ye. Bãmb ka tar yõod ne m nebã ye.»

Zeremi 5:31

No-rɛɛsdbã yagda zĩrẽ, la maan-kʋʋdbã maanda b sẽn date, tɩ mam nebã me nong rẽnda. La yãmb na n maana bõe bõn-kãens loogr zugẽ?

Zeremi 8:10

Yaa woto yĩnga, tɩ mam na n dɩk b pagbã n kõ neb a taaba, la neb a taab na n deega bãmb pʋto. Bala, kom-bãoonegã ne nin-kẽembã fãa baooda b mens nafr bala. No-rɛɛsdbã ne maan-kʋʋdbã fãa yagda zĩrẽ.

Kʋʋr yɩɩla 2:14

Fo no-rɛɛsdbã paama zĩrẽ vẽnegre sẽn yaa zaalem n kõ foom. Bãmb ka puk f yel-wẽnã n fãag foom ne yembd ye. Bãmb togsa foom zĩrẽ bãngr goam sẽn yaa belgre.

Ezekiyɛl 22:26

Yẽndã maan-kʋʋdbã kɩɩsda mam tõodã, la b rẽgemd bũmb nins sẽn welg toor mam yĩngã. Bãmb ka mi bũmb ning sẽn welg toorã ne bũmb ning sẽn yaa rẽgdã n bak ye. Bãmb ka kɩtd tɩ nebã bãng bũmb ning sẽn yaa rẽgdã ne bũmb ning sẽn yaa yɩlemdã n bak ye. Bãmb toog ka ne mam vʋʋsg rayã ye, bãmb paooga m yʋʋrã bãmb sʋka.

Ezekiyɛl 22:6

Ad Israyɛll nanambsã sẽn yaa to-to: Bãmb ned kam fãa rɩkda a pãngã n daagd zɩɩm fo pʋgẽ.

Ezekiyɛl 44:23

Maan-kʋʋdbã na n zãmsa mam nebã, tɩ b bãng bũmb ning sẽn welg toorã, ne bũmb ning sẽn yaa bõn-zaalsã n bake. Bãmb tog n kɩtame tɩ mam nebã bãng bũmb sẽn yaa rẽgdã ne bũmb ning sẽn yaa yɩlemdã n bake.

A Ooze 9:7

Daar ning Sẽn-Ka-Saab sẽn na n sɩbg bãmbã watame. Toogã daar watame. Israyɛll nebã na n paama toogo! No-rɛɛsã na n lebga yalma, la neb nins sẽn tar Wẽnnaam Sɩɩgã na n zʋbsame, yãmb beegrã sẽn yaa wʋsgã, la y sẽn yaa zab-zabdbã yĩnga.

A Miise 2:11

Ned sã n yik a meng yĩng n yagd zĩrẽ n yeele: «Yãmb sã n kõ maam reezẽ rãam la rã-toos tɩ m yũ, mam na n togsa pĩnd-n-bãngr goam y yĩnga» yaa nin-kãng soabã n tog ne yãmba.

A Miise 3:11

Zeruzalɛm nanambsã reegda kũun n yaool n kao bʋʋdo. Bãmb maan-kʋʋdbã zãmsda nebã n deegd yaoodo, la b no-rɛɛsdbã togsda pĩnd-n-bãngr goamã n deegd wanzuri. Bãmb yaool n tika Sẽn-Ka-Saab n yetẽ yaa: «Sẽn-Ka-Saab sẽn be tõnd sʋkã yĩnga, yel-beed kõn tol n paam-d ye.»

Malasi 1:6

Saasẽ-Pãng-Soabã yetame: «Biig waoogda a ba, tɩ yamb waoogd a Zu-soabã. Sã n yaa tɩ mam yaa yãmb Ba, waoogr ning b sẽn tog n waoog maamã bee yɛɛnẽ? La sã n yaa tɩ mam yaa yãmb Zu-soaba, zoees ning yãmb sẽn tog n zoe maamã bee yɛɛnẽ? Yãmb a maan-kʋʋdbã paoogda mam yʋʋrã, n yaool n sokdẽ: ‹Tõnd maana bõe n paoog yãmb yʋʋrã?›

Malasi 2:7

Bãngr bee maan-kʋʋdã noorẽ. Bala, yaa yẽnda nengẽ la nebã na n wa sok n bãng tõogã sẽn tog n tũ to-to, a sẽn yaa Saasẽ-Pãng-Soabã no-rɛɛsã yĩnga.

Malasi 2:8

Ade, Saasẽ-Pãng-Soabã yetame: «La yãmb a maan-kʋʋdbã bʋdg n basa sorã. Yãmb dɩka tõog n kɩt tɩ neb wʋsg kẽ moogo, la y sãama kaool ning mam sẽn dag n maan ne Leevi buudã.

A Matiye Sõng 7:15

Gũus-y yãmb mens ne zĩrẽ no‑rɛɛsdbã sẽn wat yãmb sʋk wa piis tɩ b pʋsẽ wã, b yaa digd-n-yĩid-toosã.

2 Korẽnt rãmba 11:13

Nin-bãmbã rãmb yaa zãmb tẽn-tʋmdbã, la belgr tẽn-tʋmdbã, n toeemd b mens n yaa wa Kiris tẽn-tʋmdbã.

1 Zã 4:1

Mam zo-nongdse, ra tẽ-y sɩɩsã fãa ye, mak-y-b n ges n bãng b sã n yita Wẽnnaam nengẽ. Bala, belgr no-rɛɛsdb wʋsg n wa dũniyã pʋga.

Vẽnegre 19:20

La b yõka rũngã ne zãmb no-rɛɛs ning sẽn dag n maan bõn-yɛɛsds rũngã taoor n belg neb nins sẽn deeg rũngã bãndã la b wõgemded yẽnda bõn-naandgã taoorã. B loba bãmb b yiibã fãa vɩɩs bugum mogr pʋgẽ zĩig ning kidbr sẽn dɩtã.

Bʋ-kaoodba 9:4

Bãmb yãka b wẽn-naandg a Baall-Berit roogã wanzuri ligd pis-yopoe n kõ a Abimelɛke. La a Abimelɛk rɩka ligdã n da nin-saan-yaalse, la bi-bees tɩ b pʋgd-a.

1 Sãmwɛlle 2:22

A Eli rag n kʋʋla wʋsgo, la a wʋma bũmb nins fãa yẽnda kambã sẽn dag n maand ne Israyɛll nebã. Yẽnda leb n wʋmame tɩ b rag n gãee pagb nins sẽn dag n tʋmd sɛk roogã noorã.